စံးထီၣ်ပတြၢၤ 75:10 - Sgaw Karen Common Bible

¹⁰ အဝဲကဘိးကၢ်ကွံာ်ပှၤတတီတလိၤအစိကမီၤလီၤ. မ့မ့ၢ်ပှၤတီပှၤလိၤအစိအကမီၤန့ၣ် ကမၤအါထီၣ်ဝဲဒၣ်န့ၣ် လီၤ.

စံးထီၣ်ပတြၢၤ 75:10 Iomraidhean Croise

စံးထီၣ်ပတြၢၤ 101:8

ယကမၤဟးဂီၤပှၤတတီတလိၤလၢ ပကီၢ်ပူၤတနံၤဘၣ်တနံၤ ဒီးဟီထီၣ်ကွံာ်ကယဲၢ်ပှၤမၤတၢ်အၢလၢ ယွၤအဝ့ၢ်ပူၤန့ၣ်လီၤ.

စံးထီၣ်ပတြၢၤ 148:14

အဝဲမၤဆူၣ်ထီၣ်အပှၤကလုာ်အဂံၢ်အဘါ ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 89:17

နဟ့ၣ်ပှၤလၢ တၢ်မၤနၢၤဖးဒိၣ်တဖၣ် ဒီးလၢနတၢ်အဲၣ်အပူၤန့ၣ် နဒုးမၤနၢၤပှၤတၢ်န့ၣ်လီၤ.

စံးထီၣ်ပတြၢၤ 92:10

နဒုးဂံၢ်ဆူၣ်ဘါဆူၣ်ယၤထဲသိးတၤဖးရံၣ်တဒု နဆိၣ်ဂ့ၤယၤဒီးတၢ်သူၣ်ဖှံသးညီလီၤ.

လံာ်ယံးရမံယၤ 48:25

ကီၢ်မိၤအးအစိဒိၣ် ကမီၤထီဘၣ်တၢ်ဆီၣ်သနံး အီၤလံ. အစိကမီၤဘၣ်တၢ်မၤဟးဂီၤကွံာ်အီၤလံ. ယၤ, ယွၤအံၤ, ကတိၤလံတၢ်လံ.”

လံာ်လူၤကၣ် 1:69

အဝဲဒၣ်ဒုးအိၣ်ထီၣ်တၢ်အုၣ်က့ၤခီၣ်က့ၤကစၢ် အဂံၢ်ဆူၣ်ဘါဆူၣ်တဂၤလၢပဂီၢ်, လၢအမ့ၢ် အခ့အပှၤစီၤဒၤဝံးအစၢၤအသွဲၣ်တဂၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:1

နီၢ်ဃးနၤဘါထုကဖၣ်ဝဲ, “ယွၤမၤပှဲၤတ့ၢ်ယသးဒီးတၢ်သူၣ်ခုသးခု လၢတၢ်လၢအမၤတ့ၢ်ဝဲအဃိန့ၣ်ယသူၣ်ဖှံသးညီ ဆံးဒိၣ်လဲၣ်. ယနံၤဘၣ်ယဒုၣ်ယဒါတဖၣ်, ယသူၣ်ခုသးခုဒိၣ်မးလဲၣ်. အဂ့ၢ်ဒ်အံၤ, ကစၢ်ယွၤမၤစၢၤတ့ၢ်ယၤလီၤ.