စံးထီၣ်ပတြၢၤ 74:9 - Sgaw Karen Common Bible

⁹ ပတထံၣ်ဘၣ်ပတၢ်ပနီၣ်စီဆှံတဖၣ်လၢၤဘၣ်, ဝံတအိၣ်လၢၤနီတဂၤဘၣ်, ဒီးတၢ်အံၤကယံာ်ဆံးယံာ်လဲၣ်န့ၣ် ပှၤလၢပကျါတသ့ၣ်ညါနီတဂၤဘၣ်.

စံးထီၣ်ပတြၢၤ 74:9 Iomraidhean Croise

လံာ်တၢ်ဟးထီၣ်ကွံာ် 12:13

တၢ်သွံၣ်လၢတြဲၤအထူၣ်တဖၣ်အလိၤန့ၣ်ကမ့ၢ်တၢ်ပနီၣ်တမံၤလၢဟံၣ် လၢသုအိၣ်လၢအပူၤအဂီၢ်န့ၣ်လီၤ. တုၤယထံၣ်တၢ်သွံၣ်န့ၣ်ဒီးယကလဲၤကပာ်ကွံာ်သု, ဒီးတုၤယစံၣ်ညီၣ်ပှၤအဲၤကူပတူးဖိတဖၣ်န့ၣ်ဒီးယတမၤဆါသုဘၣ်န့ၣ်လီၤ.

လံာ်သးသယုၢ်တၢ် 2:9

ဝ့ၢ်အပဲတြီတဖၣ်ဒါလီၤအသးလီၤဘျၢကွံာ်လၢတၢ်လီၤပှီၢ်လီၤ ကလဲတဖၣ်အဖီလာ်ဒီးအနီၣ်ဘိတဖၣ်ဘၣ်တၢ်ဒိကၢ်လီၤကလဲကွံာ်အီၤ န့ၣ်လီၤ. စီၤပၤဒီးပှၤတူၢ်ဒိၣ်ကီၤဒိၣ်တဖၣ်န့ၣ်ခဲအံၤအိၣ်လၢတၢ်စိာ် မၢကဲကုၢ်အီၤအပူၤလီၤ. ပှၤယူဒၤဖိအတၢ်သိၣ်တၢ်သီန့ၣ်တဘၣ်တၢ်သိၣ်လိသီလိအီလၢၤဘၣ် ဒီးဝံတဖၣ်တန့ၢ်ဘၣ်တၢ်ထံၣ်လၢညါခီလၢယွၤအအိၣ်နီတမံၤလၢၤ ဘၣ်.

လံာ်ယဃ့းစက့လး 20:12

ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်ယဃ့းစက့လး 7:26

တၢ်တတၢးတနါတမံၤကပိာ်ထွဲထီၣ်အဂၤတမံၤအခံ, ဒီးတၢ်သးအုးအကစီၣ်ကတုၤအိၣ်သုတထံၣ်ဃီလီၤ. သုကဃ့ကညးဝံတဖၣ်လၢကလီၣ်ဖျါန့ၢ်သုတၢ်လၢအဝဲသ့ၣ်ထံၣ် ဆိဝဲလီၤ. ပှၤလုၢ်တၢ်အခိၣ်တဖၣ်ကသိၣ်လိပှၤဂီၢ်မုၢ်အဂီၢ် တၢ်တအိၣ်ဒီးအီၤနီတမံၤဘၣ်, ဒီးပှၤသးပှၢ်တဖၣ်တမ့ၢ်ကအိၣ်ဒီးတၢ်ဟ့ၣ်ကူၣ်လၢကဟ့ၣ်ဝဲနီတမံၤဘၣ်.

လံာ်ဧၤမိၣ် 8:11

ကွၢ်ကွၢ်, မုၢ်နံၤတဖၣ်ဟဲဝဲ, ဖဲယကဆှၢလီၤတၢ်သၣ်ဝံၤလီၤဒိ ဆူကီၢ်ဒီတဘ့ၣ်ညါလီၤ. ပှၤဂီၢ်မုၢ်ကသူၣ်ဝံၤသၣ်စ့ၤ, ဘၣ်ဆၣ်တမ့ၢ်ဘၣ်လၢကိၣ်ဘၣ်. အဝဲသ့ၣ်ကသူၣ်ဝံၤသၣ်စ့ၤဒီးကသူအသးလၢတၢ်ကစီၣ်တမံၤဟဲလၢ ယွၤအအိၣ်လီၤ. ယၤ, တၢ်စိတၢ်ကမီၤအယွၤစံးဝဲဒၣ်.

လံာ်မံကၤ 3:6

“ဝံသ့ၣ်ဧၢ, သုမုၢ်နံၤဘူးကကတၢၢ်လီၤ. သုမုၢ်လီၤနုာ်လံ. အဂ့ၢ်ဒ်အံၤ, သုဆှၢကမၣ်ယပှၤဂီၢ်မုၢ်အဃိဝံအတၢ်ထံၣ် လၢညါခီတဖၣ်တအိၣ်လၢၤဘၣ်ဒီးသုဘၣ်. သုဖးဆိပာ်တၢ်တသ့လၢၤနီတမံၤဘၣ်”.

လံာ်မံကၤ 3:7

ပှၤလၢအဖးဆိပာ်တၢ်လၢခါဆူညါအဂီၢ်တဖၣ်န့ၣ်ကဘၣ် တၢ်မၤမဲာ်ဆှးအီၤလၢအတၢ်လီၤတူၢ်လီၤကာ်အဃိလီၤ. အဂ့ၢ်ဒ်အံၤ, ကစၢ်ယွၤတစံးဆၢဘၣ်အဝဲသ့ၣ်အဃိဒီးအဝဲသ့ၣ်ခဲလၢာ်ကဘၣ် တၢ်မၤမဲာ်ဆှးအီၤလီၤ.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 6:17

စီၤကံးဒဧိၣ်စံးဝဲ, “နမ့ၢ်ဘၣ်သူၣ်ဘၣ်သးလၢယၤဒီးဟ့ၣ်ယၤ တၢ်အုၣ်သးတမံၤမံၤလၢနမ့ၢ်ယွၤနီၢ်နီၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 3:1

လၢမုၢ်နံၤတဖၣ်အပူၤ, ဖဲဖိသၣ်စီၤၡမူၤအ့လးမၤယွၤအတၢ်မၤ လၢစီၤဧ့လံၤအတၢ်နဲၣ်ကျဲအဖီလာ်အခါန့ၣ်, တၢ်ကစီၣ်ဟဲလၢယွၤစှၤဒိၣ်မးလီၤ. ဒီးတၢ်ထံၣ်လၢညါခီတဖၣ် လၢအဟဲလၢအအိၣ်န့ၣ်ကၤဒိၣ်မးလီၤ.