စံးထီၣ်ပတြၢၤ 74:7 - Sgaw Karen Common Bible

⁷ အဝဲသ့ၣ်မၤဟးဂီၤနတၢ်လုၢ်ဟံၣ်ဒီး ဒွဲၣ်အူကွံာ်ဝဲဒၣ်လၢမ့ၣ်အူန့ၣ်လီၤ. နတၢ်ဘူၣ်ထီၣ်ဘါထီၣ်အလီၢ်န့ၣ်အဝဲသ့ၣ် မၤဘၣ်အၢဘၣ်သီကွံာ်ဝဲ န့ၣ်လီၤ.

စံးထီၣ်ပတြၢၤ 74:7 Iomraidhean Croise

လံာ်စီၤပၤအခီၣ်ထံးတဘ့ၣ် 8:20

ဒီးခဲကနံၣ်အံၤယွၤဟံးဃာ်ဂၢၢ်ကျၢၤအတၢ်အၢၣ်လီၤန့ၣ်လံ. ယကဲထီၣ်လံအံၣ်စရ့လးအစီၤပၤလၢယပၢ်အလီၢ်ဒီးယသူၣ်ထီၣ်ဘၣ်လံ ယွၤအတၢ်လုၢ်ဟံၣ်တဖျၢၣ်လၢတၢ်ကဘူၣ်ထီၣ်ဘါထီၣ်ယွၤ, အံၣ်စရ့လးအကစၢ်ယွၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

လံာ်ကွဲးနီၣ်တၢ်ခံဘ့ၣ်တဘ့ၣ် 36:19

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, ဒီးဝ့ၢ်, ဃုာ်ဒီးအနီတဖၣ်ဒီးတၢ်ထူးတၢ်တီၤတဖၣ်ဒီးမၤလီၤပှီၢ်ကွံာ် ဝ့ၢ်ခိၣ်ဒူန့ၣ်လီၤ.

စံးထီၣ်ပတြၢၤ 89:39

နမၤဟးဂီၤနတၢ်အၢၣ်လီၤအီလီၤဒီးနခ့နပှၤ, ဒီးနတ့ၢ်လီၤကွံာ် အခိၣ်သလုးဆူ ကပံာ်ကျါလီၤ.

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်ယၡါယၤ 64:11

ဒီးပတၢ်လုၢ်ဟံၣ်, တၢ်အလီၢ်စီဆှံဒီးဃံဝဲလၤဝဲဖဲပမိၢ်ပၢ် ဖံဖုလၢပျၢၤတဖၣ်စံးထီၣ်ပတြၢၤတ့ၢ်နၤန့ၣ်, ဘၣ်တၢ်မၤဟးဂီၤကွံာ်အီၤလၢမ့ၣ်အူလံ. ကယဲၢ်တၢ်လီၢ်တဖၣ် လၢပအဲၣ်တ့ၢ်အီၤအိၣ်လၢတၢ်ဟးဂီၤအပူၤလံ.

လံာ်ယံးရမံယၤ 52:13

အဝဲဒွဲၣ်အူထီၣ်ကွံာ် ယွၤအတၢ်လုၢ်ဟံၣ်, စီၤပၤအနူၢ်, ဒီးပှၤဂီၢ်မုၢ်လၢ အကါဒိၣ်လၢအအိၣ်ဆိးလၢ ဝ့ၢ်ယရူၤရှလ့ၣ်အပူၤခဲလၢာ်အဟံၣ်အဃီတဖၣ်,

လံာ်သးသယုၢ်တၢ် 2:2

ယွၤမၤဟးဂီၤကွံာ်ကယဲၢ်ဒူသဝီလၢကီၢ်ယူဒၤအပူၤလၢတၢ်သး ကညီၤတအိၣ်ဘၣ်အပူၤလီၤ. ဒီးမၤလီၤပှီၢ်ကွံာ်တ့ၢ်တိာ်တဖၣ်လၢအဒီသဒၢတ့ၢ်ထံကီၢ်လီၤ. ဟဲစိာ်ဝဲတၢ်မဲာ်ဆှးဆူဘီမုၢ်န့ၣ်ဒီးအပဒိၣ်ပပှၢ်တဖၣ်အလိၤ လီၤ.

လံာ်သးသယုၢ်တၢ် 2:6

ဒိလီၤသဘှံးကွံာ်ဝဲတၢ်လုၢ်ဟံၣ်ဖဲပဘူၣ်ထီၣ်ဘါထီၣ်တ့ၢ်အီၤ န့ၣ်လီၤ. ဆိကတီၢ်ကွံာ်ဝဲမုၢ်နံၤစီဆှံတဖၣ်ဒီးမုၢ်အိၣ်ဘှံးအနံၤတဖၣ် လီၤ. စီၤပၤဒီးပှၤလုၢ်တၢ်အခိၣ်ကလၢၢ်ဘၣ်အတၢ်သးဒိၣ် အသဟီၣ်ဒ်သိးသိးလီၤ.

လံာ်ယဃ့းစက့လး 24:21

ယကဟ့ၣ်လီၤတၢ်ကစီၣ်အံၤဆူသုဝဲပှၤအံၣ်စရ့လးဖိတဖၣ် အအိၣ်န့ၣ်လီၤ. သုပာ်ထီၣ်ထီသုသးလၢယွၤအတၢ်လုၢ်ဟံၣ်အတၢ်ဂံၢ်တၢ်ဘါ အဃိလီၤ. သုအဲၣ်ဒိးကွၢ်ဃီၤအီၤဒီးလဲၤဆူအအိၣ်, ဘၣ်ဆၣ်ယွၤကမၤဘၣ်အၢကွံာ်အီၤန့ၣ်လီၤ. ဒီးသုပှၤဟံၣ်ဖိလၢ အသးစၢ်တဖၣ်လၢအအိၣ်လီၤတဲာ်လၢဝ့ၢ်ယရူၤၡလ့ၣ်အပူၤန့ၣ် ကဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်ယဃ့းစက့လး 7:24

ယကဒုးဟဲနုာ်ပှၤကလုာ်လၢအအၢကတၢၢ်တဖၣ်ဖဲအံၤဒီးပျဲ အဝဲသ့ၣ်မၤန့ၢ်ကွံာ်သုဟံၣ်သုဃီတဖၣ်န့ၣ်လီၤ. ဖဲယပျဲပှၤကလုာ်တဖၣ်မၤတကဆှီတၢ်လီၢ်တဖၣ်လၢသုဘူၣ်ထီၣ်ဘါထီၣ် တၢ်န့ၣ်, သုပှၤတဖၣ်လၢအဂံၢ်ဆူၣ်ဘါဆူၣ်ကတၢၢ်န့ၣ်အတၢ် နာ်န့ၢ်လီၤသးကလီၤမၢ်ကွံာ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:31

ဒီးယကမၤဟးဂီၤကွံာ်သုဝ့ၢ်တဖၣ်, သုတၢ်ဘူၣ်တၢ်ဘါအလီၢ်တဖၣ် ဒီးယတတူၢ်လိာ်သုတၢ်လုၢ်တၢ်ပာ်တဖၣ်န့ၣ်ဘၣ်.

လံာ်မးသဲ 22:7

စီၤပၤန့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးဆှၢလီၤအသုးဖိတဖၣ်လၢအကမၤသံကွံာ် ပှၤမၤသံတၢ်ဖိတဖၣ်, ဒီးဒွဲၣ်ကွံာ်အဝဲသ့ၣ်အဝ့ၢ်န့ၣ်လီၤ.

လံာ်သိၣ်လီၤသီလီၤတၢ် 12:5

လၢကယဲၢ်သုဒူၣ်တဖၣ်အလီၢ်ကဝီၤပူၤန့ၣ်, ယွၤကဃုထၢထီၣ်တၢ်လီၢ် တတီၤဖဲပှၤဂီၢ်မုၢ်တဖၣ်ကဘၣ်ဟဲဆူအမဲာ်ညါဒီးဘူၣ်ထီၣ်ဘါထီၣ် အီၤန့ၣ်လီၤ.