စံးထီၣ်ပတြၢၤ 74:21 - Sgaw Karen Common Bible

²¹ မ်ပှၤလၢအဘၣ်တၢ်မၤအၢမၤနး အသုတဘၣ်တၢ်မၤမဲာ်ဆှးအီၤန့ၣ်တဂ့ၤ. မ်ပှၤဖှီၣ်ဖိယာ်ဖိဒီးပှၤလၢအလိၣ်ဘၣ် တၢ်မၤစၢၤသ့ၣ်တဖၣ်စံးထီၣ်ပတြၢၤနၤတက့ၢ်.

စံးထီၣ်ပတြၢၤ 74:21 Iomraidhean Croise

လံာ်စီၤဧ့စြၤ 3:11

အဝဲသ့ၣ်သးဝံၣ်စံးထီၣ်ပတြၢၤယွၤဒီးသးဝံၣ်ကဒါက့ၤတၢ်သး ဝံၣ်အကူာ်လၢအမ့ၢ်ဝဲ, “ယွၤန့ၣ်ဂ့ၤဝဲ, ဒီးအတၢ်အဲၣ်လၢအံၣ်စရ့လးအဂီၢ်မ့ၢ်တၢ်လီၤ ထူလီၤယိာ်လီၤ.” ပှၤကိးဂၤဒဲးကိးသတြီထီၣ်လၢအဂံၢ်အဘါခဲလၢာ်, စံးထီၣ်ပတြၢၤယွၤ, မ့ၢ်လၢတၢ်ပာ်လီၤတၢ်လုၢ်ဟံၣ်ခီၣ်ထံးအတၢ် မၤဘၣ်တၢ်စးထီၣ်လံအီၤအဃိန့ၣ်လီၤ.

စံးထီၣ်ပတြၢၤ 103:6

ယွၤမၤတၢ်တီတၢ်လိၤဒီးတၢ်မ့ၢ်တၢ်တီလၢ ကယဲၢ်ပှၤလၢတၢ်မၤအၢမၤနးအီၤအဂီၢ်လီၤ.

စံးထီၣ်ပတြၢၤ 109:22

အဂ့ၢ်ဒ်အံၤ, ယဲဒၣ်အံၤယမ့ၢ်ပှၤဖှီၣ်ဖိယာ်ဖိ ဒီးပှၤလိၣ်ဘၣ်တၢ်မၤစၢၤ ဒီးယသးဘၣ်ဒိတုၤလၢယသးအကံၢ်အလဲအပူၤလီၤ.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 35:10

ယကစံးလၢယသးဒီဖျၢၣ်ညါ, “ယွၤဧၢ, ပှၤလၢအလီၤဂာ်ဒီးနၤတအိၣ်နီတဂၤဘၣ်. နမၤပူၤဖျဲးပှၤဂံၢ်စၢ်ဘါစၢ်လၢ ပှၤဂံၢ်ဆူၣ်ဘါဆူၣ်အစုပူၤ, ပှၤဖှီၣ်ဖိယာ်ဖိလၢပှၤလၢ အဂုာ်န့ၢ်တၢ်လၢအီၤအစုပူၤန့ၣ်လီၤ.”

စံးထီၣ်ပတြၢၤ 9:18

အဂ့ၢ်ဒ်အံၤ, ပှၤအဖှီၣ်အယာ်န့ၣ် တၢ်တသးပ့ၤနီၣ်အီၤတဘိယူၢ်ဃီဘၣ်. ဒီးပှၤဖှီၣ်ဖိယာ်ဖိအတၢ်မုၢ်လၢ်န့ၣ် တဘၣ်တၢ်မၤဟးဂီၤအီၤလီၤစိၤလီၤထီဘၣ်.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”