စံးထီၣ်ပတြၢၤ 74:2 - Sgaw Karen Common Bible

² သ့ၣ်နီၣ်ထီၣ်က့ၤနပှၤဂီၢ်မုၢ်, ပှၤလၢနဃုထၢတ့ၢ်လံလၢနဂီၢ်လၢပျၢၤ, လၢနထုးထီၣ်ကွံာ်အီၤလၢကုၢ်အလီၢ် လၢကကဲထီၣ်နဒူၣ်ဖိထၢဖိဒၣ်နဲန့ၣ်တက့ၢ်. သ့ၣ်နီၣ်ထီၣ်က့ၤကစၢၢ်စံယိၣ်, လၢတဘျီနအိၣ်နဆိးတ့ၢ်နဲန့ၣ်တက့ၢ်.

စံးထီၣ်ပတြၢၤ 74:2 Iomraidhean Croise

စံးထီၣ်ပတြၢၤ 106:40

လၢတၢ်န့ၣ်အဃိယွၤအသးထီၣ်ကဲၤထီၣ်အပှၤဂီၢ်မုၢ် ဒီးအဝဲအသးဘၣ်အၢအဝဲသ့ၣ်န့ၣ်လီၤ.

စံးထီၣ်ပတြၢၤ 135:4

အဂ့ၢ်ဒ်အံၤ, ယွၤဃုထၢတ့ၢ်လံဝဲ ယၤကိာ်လၢအဂီၢ်ဒၣ်ဝဲ, အံၣ်စရ့လးဒ်အတၢ်ဒၣ်ဝဲအသိးန့ၣ်လီၤ.

စံးထီၣ်ပတြၢၤ 33:12

ပှၤကလုာ်လၢကစၢ်ယွၤမ့ၢ်အကစၢ်န့ၣ်ဘၣ်ဆိၣ်ဂ့ၤနီၢ်နီၢ် ဒီးပှၤဂီၢ်မုၢ်လၢကစၢ်ယွၤဃုထၢအီၤလၢ အတၢ်န့ၢ်သါအဂီၢ်ဒၣ်ဝဲန့ၣ် ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 68:16

ဘၣ်မနုၤသုကွၢ်တၢ်လၢတၢ်စိခိၣ် ဖးထီတဖၣ် လၢတၢ်သးက့ၣ်ဆူ ကစၢၢ်လၢ ကစၢ်ယွၤ ဃုထၢအီၤလၢ ကအိၣ်ဆိးဝဲန့ၣ်လဲၣ်. ယွၤကအိၣ်ဖဲန့ၣ်လီၤထူလီၤယိာ်လီၤ. မ့ၢ်လံ, ယွၤကအိၣ်လၢအလိၤလီၤထူလီၤယိာ်လီၤ.

စံးထီၣ်ပတြၢၤ 77:15

လၢနစိနကမီၤန့ၣ်နအုၣ်က့ၤခီၣ်က့ၤနပှၤဂီၢ်မုၢ်, စီၤယၤကိာ်ဒီးစီၤယိၤသးအစၢၤအသွဲၣ်တဖၣ်လီၤ. စ့လၤ

စံးထီၣ်ပတြၢၤ 9:11

သးဝံၣ်ထီၣ်ယွၤလၢအပၢတၢ်လၢစံယိၣ်, စံးဘၣ်တဲဘၣ်ပှၤကလုာ်ခဲလၢာ် တၢ်လၢအမၤတ့ၢ်ဝဲန့ၣ်တက့ၢ်.

စံးထီၣ်ပတြၢၤ 9:12

ကစၢ်ယွၤသ့ၣ်နီၣ်ပှၤလၢအဘၣ်တၢ်နးတၢ်ဖှီၣ်, တသးပ့ၤနီၣ်အဝဲသ့ၣ်အတၢ်ကိးထီၣ်အီၤဘၣ်, ဒီးစံၣ်ညီၣ်ပှၤလၢအမၤကမၣ်အဝဲသ့ၣ်လီၤ.

စံးထီၣ်ပတြၢၤ 94:14

အဂ့ၢ်ဒ်အံၤ, ယွၤတညိကွံာ်ဘၣ်အပှၤဂီၢ်မုၢ်ဘၣ်, ဒီးတလဲၤသဒၣ်ဘၣ်အတၢ်န့ၢ်သါဘၣ်.

လံာ်တၢ်ဟးထီၣ်ကွံာ် 15:13

လၢနတၢ်သးတီဒီးနတၢ်အၢၣ်လီၤန့ၣ်, နဆှၢနပှၤဂီၢ်မုၢ်လၢ နအုၣ်က့ၤခီၣ်က့ၤတ့ၢ်အီၤန့ၣ်လီၤ. လၢနဂံၢ်နဘါန့ၣ်နဆှၢတ့ၢ်အဝဲသ့ၣ်ဆူနကီၢ်စီဆှံ အပူၤလီၤ.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယၡါယၤ 62:6

ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူတဖၣ်အလိၤန့ၣ်, ယပာ်လီၤတ့ၢ်လံပှၤခိးတၢ်ဖိတဖၣ်လီၤ. လၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, အဝဲသ့ၣ်တဘၣ်အိၣ်ဘှ့ၣ် အိၣ်ဘှီၣ်နီတစုဘၣ်. အဝဲသ့ၣ်ကဘၣ်ဒုးသ့ၣ်နီၣ်ယွၤလၢအတၢ်အၢၣ်လီၤအီလီၤတဖၣ်, ဒီးတဘၣ်ပျဲအဝဲသးပ့ၤနီၣ်ကွံာ်တၢ်တဖၣ်န့ၣ်နီတစုဘၣ်.

လံာ်ယၡါယၤ 63:17

ဘၣ်မနုၤအဃိနပျဲပဟးဖျိးကွံာ်လၢနကျဲတဖၣ်န့ၣ်လဲၣ်. ဘၣ်မနုၤအဃိနမၤကိၤပသးတုၤဒၣ်လဲာ်ပဃၣ်ကွံာ်ပသးလၢနၤ န့ၣ်လဲၣ်. လၢပှၤလၢအမၤနတၢ်မၤတဖၣ်, လၢပှၤဂီၢ်မုၢ်လၢထီဘိမ့ၢ်နတၢ်ဒၣ်နဲတဖၣ်အဃိ န့ၣ်ဟဲက့ၤကဒါက့ၤတက့ၢ်.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်ယံးရမံယၤ 51:19

စီၤယၤကိာ်အကစၢ်ယွၤ တဒ်သိးဘၣ်အဝဲသ့ၣ်ဘၣ်. အဝဲမ့ၢ်ပှၤတဂၤလၢ အတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်လံ အံၣ်စရ့လးလၢ ကမ့ၢ်အပှၤဂီၢ် မုၢ်ဒၣ်ဝဲန့ၣ်လီၤ. ယွၤသ့တၢ်လၢာ်မ့ၢ်အမံၤန့ၣ်လီၤ.

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

လံာ်သိၣ်လီၤသီလီၤတၢ် 32:9

မ့မ့ၢ်စီၤယၤကိာ်အစၢၤအသွဲၣ်တဖၣ်န့ၣ်, အဝဲဃုထၢတ့ၢ်အီၤလၢ အဂီၢ်ဒၣ်ဝဲလီၤ.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.

လံာ်သိၣ်လီၤသီလီၤတၢ် 9:26

ဒီးယဘါထုကဖၣ်တၢ်ဒီးစံး, ယွၤပၢဘၣ်တၢ်ခဲလၢာ်ကစၢ်ဧၢ, မၤဟးဂီၤကွံာ်နပှၤဂီၢ်မုၢ်ဒၣ်နဲတဂ့ၤ. ပှၤဂီၢ်မုၢ်အံၤနမၤပူၤဖျဲးတ့ၢ်အီၤဒီးထုးထီၣ်ကွံာ်အီၤလၢ ကီၢ်အဲၤကူပတူးအပူၤလၢနဂံၢ်နဘါဖးဒိၣ်ဒီးတၢ်စိတၢ်ကမီၤအပူၤန့ၣ် လီၤ.

လံာ်သိၣ်လီၤသီလီၤတၢ် 9:29

နီၢ်နီၢ်, ဒ်လဲၣ်ဂ့ၤဒ်လဲၣ်ဂ့ၤန့ၣ်, ပှၤတဖၣ်အံၤမ့ၢ်ပှၤဂီၢ်မုၢ် လၢနဃုထၢအီၤလၢကမ့ၢ်နတၢ်ဒၣ်နဲဒီးမ့ၢ်ပှၤတဖၣ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤခီဖျိနစိနကမီၤဖးဒိၣ်ဒီး နတၢ်ဒိၣ်တၢ်မုၢ်အဃိန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.