စံးထီၣ်ပတြၢၤ 74:15 - Sgaw Karen Common Bible

¹⁵ နဒုးယွၤလီၤထံကျိဖိဒီးထံထီၣ်ပၢၢ် ဒီးနဒုးဃ့ထီၣ်ကွံာ်ထံကျိဖးဒိၣ်တဖၣ်လီၤ.

စံးထီၣ်ပတြၢၤ 74:15 Iomraidhean Croise

လံာ်စီၤပၤခံဘ့ၣ်တဘ့ၣ် 2:14

အဝဲတီၢ်ထံလၢစီၤအ့ၤလံယၤအဆ့ကၤဖးဒိၣ်န့ၣ်ဒီးစံးဝဲဒၣ်, “ယွၤ, စီၤအ့ၤလံယၤအကစၢ်ယွၤန့ၣ်အိၣ်ဖဲလဲၣ်.” အန့ၣ်ဝံၤဒီးအဝဲတီၢ်ကဒီးထံဒီးထံန့ၣ်နီၤဖးကွံာ်အသးခံ ခီဒီးအဝဲလဲၤခီဂာ်ဝဲဆူထံကျိအဝၢ်ဘးခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:8

အန့ၣ်ဒီး, စီၤအ့ၤလံယၤဘ့ၣ်လီၤအဆ့ကၤဖးဒိၣ်ဒီးထူထီၣ်ဝဲ ဒီးတီၢ်ထံလၢဆ့ကၤန့ၣ်, ဒီးထံသ့ၣ်ဖးကွံာ်ဝဲနီၤဖးကွံာ်အသးခံခီဒီးအဝဲဒီးစီၤ အလံၤၡါခီဂာ်ဝဲဆူထံကျိအဝၢ်ဘးခီလၢခိန့ၣ်လီၤ.

စံးထီၣ်ပတြၢၤ 105:41

အဝဲအိးထီၣ်လၢၢ်တဖျၢၣ်ဒီး ထံဟဲဖှိးသဖှိထီၣ်, ယွၤလီၤခီဂာ်ပှၢ်မုၢ်ကနၢ ဒ်ထံကျိတဘိအသိးန့ၣ်လီၤ.

စံးထီၣ်ပတြၢၤ 114:3

ပီၣ်လဲၣ်ဂီၤကွၢ်ဝဲဒီးဃ့ၢ်ကွံာ်ဝဲ, ထံကျိယၢ်ဒ့ၣ်တယွၤလီၤလၢၤဘၣ်န့ၣ်လီၤ.

စံးထီၣ်ပတြၢၤ 78:15

အဝဲဒၣ်မၤသ့ၣ်ဖးလၢၢ်တဖၣ်လၢပှၢ်မုၢ်ကနၢ ဒီးဒုးအီအဝဲသ့ၣ်လၢထံလၢလၢပှဲၤပှဲၤ ဒ်လၢထံယိာ်ပူၤအသိးန့ၣ်လီၤ.

လံာ်ယၡါယၤ 11:16

ကျဲမုၢ်ဖးဒိၣ်တဘိကဟးထီၣ်လၢကီၢ်အၤၡူၢ်လၢအပှၤအံၣ်စရ့လး ဖိလၢအအိၣ်မူတ့ၢ်ဖဲန့ၣ်တဖၣ်အဂီၢ်, ဒ်အအိၣ်လၢအမိၢ်ပၢ်ဖံဖု လၢပျၢၤတဖၣ်အဂီၢ်အသိး, ဖဲအဝဲသ့ၣ်ဟးထီၣ်လၢကီၢ် အဲၤကူပတူးအခါန့ၣ်လီၤ.

လံာ်ယၡါယၤ 44:27

ထဲတၢ်ဟ့ၣ်လီၤတၢ်ကလုၢ်တဘီဧိၤန့ၣ်ယဒုးဃ့ထီကွံာ်ပီၣ်လဲၣ် န့ၣ်လီၤ.

လံာ်ယၡါယၤ 48:21

ဖဲယွၤဆှၢခီဖျိအပှၤဂီၢ်မုၢ်လၢမဲးမုၢ်ခိၣ်တတီၤလၢအကိၢ် ဒီးအဃ့ထီအခါန့ၣ်, အဝဲသ့ၣ်တတူၢ်ဘၣ်တၢ်သူအသးလၢထံဘၣ်. ဒုးယွၤလီၤထံလၢလၢၢ်တဖျၢၣ်အပူၤ လၢအဝဲသ့ၣ်အဂီၢ်လီၤ. အဝဲဒိသ့ၣ်ဖးလၢၢ်ဒီးထံပုာ်ထီၣ်ယွၤလီၤဝဲလီၤ.

လံာ်ဃဘးကူာ် 3:9

နကတဲာ်ကတီၤပာ်နချံၣ်လၢနကသူအီၤ ဒီးနပျၢ်တဖၣ်လၢနကခးအီၤန့ၣ်လီၤ. နလီဝၢ်ဒံးဖျးသ့ၣ်ဖးအိးထီၣ်ဟီၣ်ခိၣ်န့ၣ်လီၤ.

လံာ်တၢ်ဂံၢ် 20:11

အန့ၣ်ဝံၤဒီးစီၤမိၤၡ့ယူာ်ဃီၤအစုဒီးတီၢ်လ့န့ၣ်လၢနီၣ် ထိးဘိခံဘျီဒီးထံကျိၤဖးဒိၣ်တကျိၤပုာ်ထီၣ်ယွၤလီၤဒီး ထံဒီးကယဲၢ်ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်အီဝဲလီၤ.

လံာ်စီၤယိၤၡူ 2:10

ပနၢ်ဟူတ့ၢ်လၢဖဲသုဟးထီၣ်လၢကီၢ်အဲၤကူပတူးအခါန့ၣ်, ယွၤမၤလီၤသံးကွံာ်ပီၣ်လဲၣ်ဂီၤလၢသုမဲာ်ညါန့ၣ်လီၤ. ပနၢ်ဟူစ့ၢ်ကီးလၢသုမၤသံပှၤအမိၢ်ဖိအစီၤပၤ ခံဂၤစီၤစံဃိၣ်ဒီးစီၤဧိာ်လၢအအိၣ်လၢထံကျိယၢ်ဒ့ၣ်အမုၢ် ထီၣ်တကပၤဒ်လဲၣ်အဂ့ၢ်န့ၣ်လီၤ.

လံာ်လီၣ်ဖျါ 16:12

တုၤနုၤတစုကလူးဃုဂၤတဂၤဂၢ်လီၤအသလၢလၢထံကျိဖးဒိၣ် ဖရၤသးအပူၤလီၤ. ထံကျိဃ့ထီကွံာ်ဝဲ, ဒ်သိးအကဒုးအိၣ်ထီၣ်ကျဲလၢစီၤပၤလၢအဟဲလၢမုၢ်ထီၣ် တဖၣ်အဂီၢ်န့ၣ်လီၤ.