စံးထီၣ်ပတြၢၤ 74:1 - Sgaw Karen Common Bible

¹ ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 74:1 Iomraidhean Croise

လံာ်စီၤပၤခံဘ့ၣ်တဘ့ၣ် 21:14

ယကပာ်လီၤတဲာ်ကွံာ်ပှၤဂီၢ်မုၢ်လၢအအိၣ်လီၤတဲာ်တဖၣ်, ဒီးဟ့ၣ်ကွံာ်အဝဲသ့ၣ်ဆူအဝဲသ့ၣ်အဒုၣ်အဒါတဖၣ်အစုပူၤ, ပှၤတဖၣ်လၢကမၤနၢၤအဝဲသ့ၣ်ဒီးဂုာ်ဆူၣ်ပျီဆူၣ်အထံအကီၢ်န့ၣ် လီၤ.

စံးထီၣ်ပတြၢၤ 10:1

ယွၤဧၢ, နအိၣ်လၢအယံၤမ့ၢ်အဘၣ်မနုၤလဲၣ်. ဘၣ်မနုၤလၢနပာ်တဒၢနသးဖဲလၢပအိၣ်လၢတၢ်ကိၢ်တၢ်ဂီၤအကတီၢ် န့ၣ်လဲၣ်.

စံးထီၣ်ပတြၢၤ 100:3

သ့ၣ်ညါလၢယွၤမ့ၢ်ကစၢ်ယွၤတက့ၢ်. အဝဲဒၣ်န့ၣ်တ့ပှၤ ဒီးပမ့ၢ်အတၢ်လီၤ. ပမ့ၢ်အပှၤဂီၢ်မုၢ်ဒီး အတၢ်အီၣ်ဆၣ်အလီၢ် အသိတဖုလီၤ.

စံးထီၣ်ပတြၢၤ 18:8

မ့ၣ်အူခုၣ်ဟဲထီၣ်လၢအနါဒ့အပူၤ, မ့ၣ်အူလၣ်ဒီးမ့ၣ်အူကဖးဟဲထီၣ်လၢအထးခိၣ်လီၤ.

စံးထီၣ်ပတြၢၤ 42:11

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

စံးထီၣ်ပတြၢၤ 42:9

ယစံးဘၣ်ကစၢ်ယွၤ, ယလၢၢ်, “ဘၣ်မနုၤလၢနသးပ့ၤနီၣ်ကွံာ်ယၤလဲၣ်. ဘၣ်မနုၤလၢယဘၣ်ဟီၣ်ဘၣ်ယၢၤလၢ ဒုၣ်ဒါအတၢ်ဆီၣ်ဘံၣ်ဆီၣ်ဘၢယၤအဃိန့ၣ်လဲၣ်.”

စံးထီၣ်ပတြၢၤ 44:9

ဘၣ်ဆၣ်ခဲအံၤနညိကွံာ်ပှၤဒီး ပျဲပဘၣ်တၢ်မၤနၢၤတ့ၢ်ပှၤန့ၣ်လီၤ. နတလဲၤတၢ်ဒီးပပှၤသုးမုၢ်သံၣ်ဘိ သ့ၣ်တဖၣ်န့ၣ်လၢၤဘၣ်.

စံးထီၣ်ပတြၢၤ 50:1

ယွၤ, တၢ်အစိဒိၣ်ကမီၤထီကစၢ်ယွၤကတိၤတၢ်လီၤ. ကိးပှၤဟီၣ်ခိၣ်ဖိလၢမုၢ်ထီၣ်ပၢၢ်လၢမုၢ်နုာ်လီၤ.

စံးထီၣ်ပတြၢၤ 60:1

ကစၢ်ယွၤဧၢ, နညိကွံာ်တ့ၢ်လံပှၤလံ. နမၤလီၤမုၢ်လီၤဖးလံပှၤလံ. နသးထီၣ်တ့ၢ်လံ. ဘၣ်ဆၣ်ခဲအံၤ ဃၣ်က့ၤနသးဆူပအိၣ်တက့ၢ်.

စံးထီၣ်ပတြၢၤ 60:10

မ့ၢ်နညိကွံာ်ပှၤနီၢ်နီၢ်လံဧါ. မ့ၢ်နတလဲၤထီၣ်ဒုးတၢ်ဒီး ပသုးမုၢ်တဖၣ်ဘၣ်ဧါ.

စံးထီၣ်ပတြၢၤ 77:7

“မ့ၢ်ယွၤကညိကွံာ်ပှၤထီဘိဧါ. မ့ၢ်အဝဲတဘၣ်သူၣ်ဘၣ်သးက့ၤလၢၤပှၤ နီတဘျီဘၣ်န့ၣ်ဧါ.

စံးထီၣ်ပတြၢၤ 77:8

ဆိကတီၢ်တ့ၢ်လံအတၢ်အဲၣ်ပှၤန့ၣ်ဧါ. မ့ၢ်အတၢ်အၢၣ်လီၤတဖၣ်တအိၣ်နီတဘျီ လၢၤဘၣ်န့ၣ်ဧါ.

စံးထီၣ်ပတြၢၤ 78:1

ယပှၤဂီၢ်မုၢ်သ့ၣ်ဧၢ, ကနၣ်ယတၢ်သိၣ်လိသီလိ, ဒီးဒိကနၣ်ယထးခိၣ်အတၢ်ကတိၤန့ၣ်တက့ၢ်.

စံးထီၣ်ပတြၢၤ 79:13

ဒီးပဝဲဒၣ်, နပှၤဂီၢ်မုၢ်, နတၢ်အီၣ်ဆၣ်အလီၢ်အသိအံၤကစံးဘျုးစံးဖှိၣ်နၤ ဒီးစံးထီၣ်ပတြၢၤနၤလီၤထူလီၤယိာ်တစိၤဘၣ်တစိၤ န့ၣ်လီၤ.

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

စံးထီၣ်ပတြၢၤ 80:5

နဒုးအီၣ်တ့ၢ်လံပှၤလၢမဲာ်ထံအကိၣ်, ဒီးနဒုးအီပှၤလၢမဲာ်ထံလၢလီခီဖးဒိၣ်န့ၣ်လီၤ.

စံးထီၣ်ပတြၢၤ 85:6

မၤဆူၣ်ထီၣ်က့ၤကဒီးပှၤ ဒီးပဝဲဒၣ်နပှၤဂီၢ်မုၢ်ကစံးထီၣ်ပတြၢၤနၤလီၤ.

စံးထီၣ်ပတြၢၤ 95:7

အဂ့ၢ်ဒ်အံၤ, အဝဲဒၣ်န့ၣ်မ့ၢ်ပကစၢ်ယွၤ, ပမ့ၢ်အတၢ်အီၣ်ဆၣ်အလီၢ်အပှၤဂီၢ်မုၢ်, ဒီးအစုအသိတဖုန့ၣ်လီၤ. ဒိကနၣ်တၢ်လၢအဝဲစံးဝဲတနံၤအံၤတက့ၢ်.

လံာ်တၢ်ဟးထီၣ်ကွံာ် 32:11

ဘၣ်ဆၣ်ဒီး, စီၤမိၤၡ့ဃ့ကညးဝဲယွၤ, အကစၢ်ယွၤဒီးစံး, “ယွၤဧၢ, ဘၣ်မနုၤလၢနဘၣ်သးထီၣ်ဘၣ်နပှၤဂီၢ်မုၢ်လၢနအုၣ်က့ၤ ခီၣ်က့ၤအီၤလၢကီၢ်အဲၤကူပတူးအပူၤလၢတၢ်ဂံၢ်တၢ်ဘါဒီးတၢ် စိကမီၤဖးဒိၣ်န့ၣ်အပူၤလဲၣ်.

လံာ်ယၡါယၤ 64:8

ဘၣ်ဆၣ်ဒီး, ယွၤဧၢ, နမ့ၢ်ဒၣ်ပပၢ်လီၤ. ပလီၤဂာ်ဒီးကပံာ် ဒီးနဲနလီၤဂာ်ဒီးပှၤတ့သပၢၤလီၤ. နတ့လီၤပာ်လီၤတ့ၢ်ပှၤ,

လံာ်ယံးရမံယၤ 23:1

ပှၤပၢတၢ်ပြးတၢ်တဖၣ်လၢအမၤဟးဂီၤဒီးမၤလီၤပြံလီၤပြါအပှၤ ဂီၢ်မုၢ်န့ၣ်, ယွၤအတၢ်စံၣ်ညီၣ်အီၤကလီၤပျံၤလီၤဖုးဆံးဒိၣ်လဲၣ်.

လံာ်ယံးရမံယၤ 31:37

ဖဲမုၢ်တနံၤလၢ ပှၤထိၣ်မူကပိာ်လိၤမ့ၢ်သ့, ဒီးဟီၣ်ခိၣ်အခီၣ်ထံး တဖၣ် တၢ်ဃုသ့ၣ်ညါအီၤဒုးမ့ၢ်သ့န့ၣ်ဒီး, အဝဲကညိကွံာ်ကီၢ်အံၣ်စရ့လး အပှၤဂီၢ်မုၢ်, လၢတၢ်လၢ အဝဲသ့ၣ်မၤတ့ၢ်ဝဲခဲလၢာ် အဃိန့ၣ်လီၤ. ယွၤကတိၤလံတၢ်လံ.

လံာ်သးသယုၢ်တၢ် 5:22

မ့တမ့ၢ်ဒီးမ့ၢ်နပာ်ကွံာ်ပှၤလီၤစိၤလီၤထီလံဧါ. နတၢ်သးဒိၣ်အဆၢအဖီတအိၣ်ဘၣ်ဧါ.

လံာ်ယဃ့းစက့လး 34:31

ယွၤပၢဘၣ်တၢ်ခဲလၢာ်ကစၢ်စံးဝဲ, သုဝဲ, ယသိ အဖုလၢယလုၢ်အီၣ်လုၢ်အီၤန့ၣ်မ့ၢ်ယပှၤဂီၢ်မုၢ်ဒီး, ယမ့ၢ်သုကစၢ်ယွၤန့ၣ်လီၤ.”

လံာ်ယဃ့းစက့လး 34:8

ဒ်ယမ့ၢ်ကစၢ်ယွၤလၢအမူဝဲနီၢ်နီၢ်တဂၤအသိး, ယစံးယဲ, ဂ့ၤဒိၣ် ဒၣ်တၢ်တက့ၢ်လၢသုဒိကနၣ်ယၤန့ၣ်လီၤ. ယသိဘၣ်တၢ်လူၤဖီၣ် ဆူၣ်အီၤလၢဆၣ်ဖီကီၢ်ဖိအမံၤတဖၣ်လၢမၤသံဒီးအီၣ်ကွံာ် အဝဲသ့ၣ်, မ့ၢ်လၢပှၤကွၢ်သိတအိၣ်နီတဂၤအဃိန့ၣ်လီၤ. ယပှၤကွၢ်သိတဖၣ်တဂုာ်ကျဲးစၢးဃုထံၣ်က့ၤသိတဖၣ်ဘၣ်. အဝဲသ့ၣ်အံးထွဲကွၢ်ထွဲလီၤက့ၤအသးဒၣ်ဝဲဒီး တအံးထွဲကွၢ်ထွဲသိန့ၣ်ဘၣ်.

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.