စံးထီၣ်ပတြၢၤ 73:8 - Sgaw Karen Common Bible

⁸ အဝဲသ့ၣ်နံၤဘၣ်ဖၣ်လဲပှၤဂၤဒီး ကတိၤတၢ်အၢတၢ်သီတဖၣ်လီၤ. အဝဲသ့ၣ်ပာ်ထီၣ်ထီအသးဒီးကူၣ်ထီၣ်တၢ်လၢ ကမၤအၢမၤနးပှၤဂၤတဖၣ်န့ၣ်လီၤ.

စံးထီၣ်ပတြၢၤ 73:8 Iomraidhean Croise

လံာ်စီၤပၤခံဘ့ၣ်တဘ့ၣ် 18:29

အဝဲဟ့ၣ်ပလီၢ်သုလၢ, သုတဘၣ်ပျဲစီၤဃံးစကံယၤလီန့ၢ်သုဘၣ်. အဝဲမၤပူၤမၤဖျဲးသုတသ့ဘၣ်.

စံးထီၣ်ပတြၢၤ 10:2

ပှၤတတီတလိၤပာ်ကဖိအသးဒီး မၤနးမၤဖှီၣ်ပှၤဖှီၣ်ဖိယာ်ဖိ, ဒီးဖီၣ်န့ၢ်အီၤလၢအဝဲသ့ၣ်အတၢ်ကူၣ်အၢ အပျံၤသကွီၤအပူၤန့ၣ်လီၤ.

စံးထီၣ်ပတြၢၤ 17:10

အဝဲသ့ၣ်တအိၣ်ဒီးတၢ်သးကညီၤတၢ်ဘၣ်, ဒီးကတိၤတၢ်လၢတၢ်ပာ်ထီၣ်ထီသးအပူၤလီၤ.

လံာ်ယဃ့းစက့လး 35:13

ယနၢ်ဟူဘၣ်သုတၢ်ကတိၤထီဒါယၤ” အရၢၢ်အစၢၢ်လၢတၢ်ပာ်ကဖၢလၢသးအပူၤန့ၣ်လီၤ.

လံာ်ဟိၤၡ့ 7:16

အဝဲသ့ၣ်ဃၣ်ယံၤကွံာ်ဒံးဒၣ်အသးလၢယအိၣ်, ဆူယွၤတဂၤ လၢအစိကမီၤတအိၣ်ဘၣ်အအိၣ်န့ၣ်လီၤ. တၢ်ပာ်ဂံၢ်ပာ်ဘါအဝဲသ့ၣ်တသ့ဘၣ်ဒ် သိးဒၣ်ချံၣ်လၢအက့ၣ်ကူတဆိအသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်အပှၤခိၣ်တဖၣ်ကတိၤတၢ်လၢတၢ်ပာ်ကဖၢလၢသးအပူၤ, အဝဲသ့ၣ်ကသံလၢတၢ်သံဆူၣ်သံစိးတမံၤဒီးပှၤအဲၤကူပတူးဖိ တဖၣ်ကနံၤဘၣ်ဖၣ်လဲအီၤန့ၣ်လီၤ.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

ယူဒၤ 1:16

ပှၤသ့ၣ်တဖၣ်အံၤကဒူးကဒ့ၣ်တၢ်ဒီးပာ်တၢ်ကမၣ်လၢ ပှၤဂၤအလိၤထီဘိန့ၣ်လီၤ. အဝဲသ့ၣ်မၤထွဲအကစၢ်ဒၣ်ဝဲအတၢ်သူၣ်လီသးကွံအအၢအသီ တဖၣ်အခံန့ၣ်လီၤ. အဝဲသ့ၣ်ကတိၤဒိၣ်ကတိၤသွါလီၤက့ၤအသးဒၣ်ဝဲဒီး ကတိၤကဖၢလၢထီၣ်ပှၤဂၤတဖၣ်လၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:19

လၢကီၢ်အံၣ်စရ့လးအပူၤန့ၣ်ပှၤပိာ်ထးတဖၣ်တအိၣ်ဘၣ်. အဂ့ၢ်ဒ်အံၤ, ပှၤဖလ့ၡသးဖိတဖၣ်ပာ်လီၤအသးလၢကမၤဝဲ ဒ်သိးပှၤဧ့ၤဘြံၤဖိတဖၣ်ဘှီနးဒီးဘီတဖၣ်အသုတသ့အဂီၢ်န့ၣ်လီၤ.