စံးထီၣ်ပတြၢၤ 73:6 - Sgaw Karen Common Bible

⁶ မၤသးဒ်န့ၣ်ဒီးတၢ်ပာ်ထီၣ်ထီသးန့ၣ်မ့ၢ် အဝဲသ့ၣ်အကိာ်ကွီၤတဖၣ်, ဒီးတၢ်မၤတၢ်လၢတၢ်စုဆူၣ်ခီၣ်တကးလုၣ်ဘၢ အဝဲသ့ၣ်ဒ်တၢ်ကူတၢ်ကၤအသိးန့ၣ်လီၤ.

စံးထီၣ်ပတြၢၤ 73:6 Iomraidhean Croise

လံာ်တၢ်ကဲထီၣ်အခီၣ်ထံး 41:42

စီၤပၤဘ့ၣ်လီၤကွံာ်ပသံးလၢအအိၣ်ဒီးစီၤပၤအတၢ်စဲပနီၣ်လၢ အစုလိၤဒီးဒုးသိးထီၣ်စီၤယိၤသးန့ၣ်လီၤ. အဝဲဒုးကၤထီၣ်အီၤလၢဆ့ကၤဘဲအဂ့ၤတဘ့ၣ်ဒီးဒုးလံာ်ထီၣ်အီၤ လၢဖဲထူတပျံၤလၢအကိာ်လိၤလီၤ.

လံာ်နီၢ်အ့ၤစတၢ် 3:1

တၢ်န့ၣ်တဖၣ်အလီၢ်ခံ, စီၤပၤအဃၤၡဝ့ရိၣ်သုးထီထီၣ်ပှၤအကၤကးဖိ စီၤဟးမဒၤသၤအဖိခွါစီၤဟၤမၣ်အလီၢ်အလၤဆူကိတိာ်ခိၣ်ကျၢၢ်လီၤ.

စံးထီၣ်ပတြၢၤ 109:18

အဝဲဆိၣ်အၢတၢ်ဒ်သိးဒၣ်ညီနုၢ် သိးထီၣ်ဆ့ကၤန့ၣ်လီၤ. မ်အတၢ်ဆိၣ်အၢဒၣ်ဝဲတဖၣ် နုာ်ဆူအနီၢ်ခိအပူၤဒ်ထံအသိး ဒီးဆူအဃံအကွဲတဖၣ်အပူၤဒ်သိအသိးန့ၣ်တက့ၢ်.

စံးထီၣ်ပတြၢၤ 109:29

မ်ယဒုၣ်ယဒါတဖၣ်ဘၣ်တၢ်ကျၢၢ်ဘၢအီၤလၢ တၢ်မၤမဲာ်ဆှးန့ၣ်တက့ၢ်. မ်အဝဲသ့ၣ်ကသိးထီၣ်အတၢ်မဲာ်ဆှး လီၤဂာ်ဒ်ဆ့ကၤတဘ့ၣ်အသိးန့ၣ်တက့ၢ်.

တၢ်ကတိၤဒိ. 1:9

အဝဲသ့ၣ်အတၢ်သိၣ်လိကမၤဂ့ၤထီၣ်နသကဲာ်ပဝးဒ်ခိၣ်ကျီၤ အဃံအလၤ, မ့တမ့ၢ်ဒ်ဖဲတပျံၤလၢကမၤဂ့ၤထီၣ်နတၢ်အိၣ်ဖျါ အဂီၢ်အသိးန့ၣ်လီၤ.

တၢ်ကတိၤဒိ. 3:31

သူၣ်က့ၣ်သးကါပှၤမၤအၢမၤသီတၢ်တဖၣ်မ့ၢ်ဂ့ၤဆၢမၤတၢ်ဒ်အဝဲသ့ၣ် မၤဝဲအသိးမ့ၢ်ဂ့ၤန့ၣ်တဂ့ၤ.

တၢ်ကတိၤဒိ. 4:17

အဂ့ၢ်ဒ်အံၤ, တၢ်တတီတလိၤဒီးတၢ်မၤဆူၣ်မၤစိးတဖၣ်လီၤဂာ်ဒီး တၢ်အီၣ်တၢ်အီလၢအဝဲသ့ၣ်အဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:11

ဘၣ်မနုၤအဃိပှၤမၤတၢ်ထီဒါတၢ်သိၣ်တၢ်သီတဖၣ်ညီကဒၣ်န့ၣ်လဲၣ်. မ့ၢ်လၢတၢ်လုၢ်သ့ၣ်ခါပတာ်တၢ်သိၣ်တၢ်သီအံၤတဘၣ်တၢ်စံၣ်ညီၣ် အီၤချ့ချ့ဘၣ်အဃိလီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:9

ယတၢ်အဲၣ်ဒီးယတလးမူးပိာ်မုၣ်ဧၢ, နမဲာ်ချံအတၢ်ကွၢ် ဒီးဖဲလၢနလံာ်အီၤတဖၣ်န့ၣ်, ထုးန့ၢ်ယသးန့ၣ်လီၤ.

လံာ်ယၡါယၤ 3:19

ဒီးလၢအစုဒ့တဖၣ်အလိၤလီၤ. အဝဲကဟံးထီၣ်ကွံာ်အတၢ်ကံး ယာ်ကျၢၢ်ဘၢမဲာ်တဖၣ်,

လံာ်ယံးရမံယၤ 48:11

ယွၤစံးဝဲဒၣ်, “ကီၢ်မိၤအးအအိၣ်ဂၢၢ်ဆိးကျၢၤဝဲထီဘိ ဒီး တဘၣ်တၢ်စိာ်မၢကဲကုၢ်အီၤ နီတစုဘၣ်. ကီၢ်မိၤအးလီၤဂာ်ဒီး စပံးထံလၢတၢ်ပာ်အီၤဒီး တၢ်တမၤတံာ်တာ်အီၤအသိး, ဒီးတဘၣ်တၢ်လူလီၤအီၤလၢ ကတံၤတဖျၢၣ်ဆူအဂၤတဖျၢၣ်အပူၤနီတစုဘၣ်. အတၢ်ဝံၣ်တၢ်ဆၢန့ၣ်တဟးဂီၤကွံာ်နီတစုဘၣ်ဒီး အတၢ်ဘိၣ်တၢ်ဘဲ ဂ့ၤဒၣ်ထီဘိန့ၣ်လီၤ.

လံာ်ယံးရမံယၤ 48:29

ကီၢ်မိၤအးပာ်ထီၣ်ထီအသးဒိၣ်မးလီၤ. ယနၢ်ဟူတ့ၢ်လၢ အပာ်ထီၣ်ထီအသးထဲလဲၣ်, ဒီးပာ်အသးကဖိလိ, ဒီးအပှၤဂီၢ်မုၢ်မ့ၢ်ပှၤတဖၣ်လၢအပာ်ကဖၢလၢအသးထဲလဲၣ်ဒီး ဆိကမိၣ်ဒိၣ်လီၤ အသးထဲလဲၣ်န့ၣ်လီၤ.

လံာ်ယဃ့းစက့လး 16:11

ယကယၢကယဲထီၣ်နၤလၢတၢ်မျၢ်ပလဲလၢအမ့ၢ်ထံဖှံၣ်တဖၣ်ဒီးဖဲ တဖၣ်န့ၣ်လီၤ.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

လံာ်မံကၤ 3:5

ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

လံာ်ပှၤစံၣ်ညီၣ်ကွီၢ် 8:26

ဒီးနၢ်ဒံးထူလၢစီၤကံးဒဧိၣ်မၤန့ၢ်ဝဲတဖၣ်အတယၢၢ်အိၣ်ဝဲၡက့လးတကထိနွံကယၤန့ၣ်လီၤ. လၢန့ၣ်အမဲာ်ညါ, မၤန့ၢ်စ့ၢ်ကီးဝဲတၢ်ကယၢကယဲတဖၣ်, ဖဲသွဲတဖၣ်, ဒီးတၢ်ကူတၢ်သိးလုးတကုာ်တဖၣ်လၢပှၤမံးဒယၣ်ဖိအစီၤပၤတဖၣ်သိးဝဲ ဒီးအဝဲသ့ၣ်အကီၤလၤအူးအကိာ်ကျီၤတဖၣ်န့ၣ်လီၤ.