စံးထီၣ်ပတြၢၤ 73:26 - Sgaw Karen Common Bible

²⁶ ယသးဒီးယနီၢ်ခိအဂံၢ်အဘါကစၢ်လီၤဝဲ, ဘၣ်ဆၣ်ကစၢ်ယွၤမ့ၢ်ယဂံၢ်ယဘါလီၤ. အဝဲမ့ၢ်တၢ်ခဲလၢာ်လၢယန့ၢ်ဘၣ်အီၤ အလီၢ်အိၣ်ထီဘိန့ၣ်လီၤ.

စံးထီၣ်ပတြၢၤ 73:26 Iomraidhean Croise

လံာ်စီၤယိၤဘး 13:15

ကယဲၢ်ယတၢ်မုၢ်လၢ်ခဲလၢာ်န့ၣ်လီၤမၢ်ကွံာ်, ကစၢ်ယွၤမ့ၢ် မၤသံယၤဒီးကဘၣ်တၢ်မနုၤလဲၣ်. ယကပာ်ဖျါထီၣ်ယတၢ်ဂ့ၢ် လၢအီၤလီၤ.

စံးထီၣ်ပတြၢၤ 119:57

ယွၤမ့ၢ်ယဂီၢ်လီၤ. ယအၢၣ်လီၤယသးလၢယကတိၢ်န့ၢ်ဖံးဃာ် နကလုၢ်နကထါတဖၣ်န့ၣ်လီၤ.

စံးထီၣ်ပတြၢၤ 138:3

မုၢ်တနံၤလၢယကိးထီၣ်နၤန့ၣ်နစံးဆၢယၤ, ဒီးနဒုးဆူၣ်ထီၣ်ယဂံၢ်ယဘါလၢ ယသးကံၢ်ပူၤလီၤ.

စံးထီၣ်ပတြၢၤ 142:5

ယွၤဧၢ, ယကိးထီၣ်နၤလၢတၢ်မၤစၢၤအဂီၢ်, နဲဒၣ်ယွၤဧၢ, နမ့ၢ်ပှၤလၢအဒီဒၣ်အိၣ်ပှိၤယၤ, နမ့ၢ်တၢ်ခဲလၢာ်လၢယဆၢဒိးန့ၢ်ဘၣ်အီၤလၢ တၢ်အိၣ်မူအံၤအပူၤန့ၣ်လီၤ.

စံးထီၣ်ပတြၢၤ 18:2

ယွၤမ့ၢ်ယလၢၢ်, ဒီးယတိာ်, ဒီးယတၢ်ပူၤဖျဲးအလီၢ်, ယကစၢ်, ယွၤမ့ၢ်ယလၢၢ်, မ့ၢ်ယတၢ်အိၣ်တဒၢအလီၢ်, ယကတီၤတဘ့ၣ်, ဒီးယတၢ်အုၣ်က့ၤခီၣ်က့ၤအနၢၤ, ယတိာ်ဧိၤတာ်ဧိၤန့ၣ်လီၤ.

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

စံးထီၣ်ပတြၢၤ 40:12

ယဘၣ်တၢ်ကဝီၤဃာ်ယၤလၢတၢ်ကိၢ်တၢ်ဂီၤတဖၣ် ဒီးအါဝဲဒိၣ်မးလၢယကဂံၢ်အီၤဒၣ်လဲာ်န့ၣ်လီၤ. ယတၢ်ဒဲးဘးသ့ၣ်တဖၣ်ချုးန့ၢ်ယၤ ဒီးယတထံၣ်တၢ်လၢၤဘၣ်. အဝဲသ့ၣ်အါန့ၢ်ဒံးယခိၣ်သူအဘိတဖၣ် ဒီးယတၢ်သူၣ်ဒူသးဒူလီၤမၢ်န့ၢ်ယၤလီၤ.

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

စံးထီၣ်ပတြၢၤ 84:2

ယသးဆၢလဲၤဘၣ်ဆူယွၤအဂၢၤတဖၣ်အပူၤ, တုၤယလီၤဘှါဝဲဒၣ်န့ၣ်လီၤ. ယသးဒီးယညၣ်သးဝံၣ်တၢ်လၢတၢ်သူၣ်ခုသးခု ဆူကစၢ်ယွၤလၢအမူဝဲတဂၤအအိၣ်န့ၣ်လီၤ.

လံာ်သးသယုၢ်တၢ် 3:24

ယွၤမ့ၢ်တၢ်အိၣ်ဒီးယၤခဲလၢာ်လီၤ. မၤသးဒ်န့ၣ်ဒီး, ယကပာ်ယတၢ်မုၢ်လၢ်လၢအပူၤလီၤ.

ဖံလံးပံၤ 1:21

အဂ့ၢ်ဒ်အံၤတၢ်မူမ့ၢ်တၢ်မနုၤလဲၣ်. လၢယဂီၢ်, မ့ၢ်ခရံာ်န့ၣ်လီၤ. မ့မ့ၢ်ဒ်န့ၣ်ဒီး, တၢ်သံကဟဲစိာ်တၢ်ဘျုးအါဒိၣ်တက့ၢ်လီၤ.

၂ ပ့းတရူး 1:14

ယသ့ၣ်ညါလၢတယံာ်လၢၤဘၣ်ဒီးယကဘၣ်ပာ်တ့ၢ်ကွံာ် ယနီၢ်ခိလၢအသံသ့အံၤ, ဒ်ပကစၢ်ယ့ၣ်ၡူးခရံာ်စံးဘၣ်တဲဘၣ်တ့ၢ်ယၤဖျါဖျါအသိးန့ၣ်လီၤ.

လံာ်လီၣ်ဖျါ 21:7

ပှၤတဂၤလၢ်လၢ်လၢအဒိးန့ၢ်တၢ်မၤနၢၤန့ၣ်ကဒိးန့ၢ် ဘၣ်တၢ်တမံၤအံၤလၢယအိၣ်လီၤ. ယကမ့ၢ်အဝဲဒၣ် အကစၢ်ယွၤ, ဒီးအဝဲဒၣ်ကမ့ၢ်ယဖိခွါလီၤ.