စံးထီၣ်ပတြၢၤ 73:1 - Sgaw Karen Common Bible

¹ ကစၢ်ယွၤန့ၣ်မ့ၢ်တၢ်ဂ့ၤလၢပှၤအတီအလိၤ, ဒီးပှၤလၢအသးကဆှီတဖၣ်အဂီၢ်နီၢ်နီၢ်န့ၣ်လီၤ.

စံးထီၣ်ပတြၢၤ 73:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:17

လၢပှၤသးဝံၣ်တၢ်ဖိအဒူၣ်ထၢတဖၣ်အပူၤန့ၣ်အဝဲသ့ၣ်ဃုထၢပှၤလၢ ကမၤသီၣ်စှၢၢ်စှံးတိၢ်ဘီတဖၣ်လၢပှၤမရၤရံၤအဒူၣ်ထၢပူၤလၢ အမ့ၢ်ဝဲစီၤယိၤအ့လးအဖိခွါစီၤဟ့မၣ်, ဒီးအဘူးအတံၢ်စီၤဘရ့ကံယၤအဖိခွါစီၤအၤစာ်, ဒီးစီၤကူၤၡါယၤအဖိခွါစီၤအ့သၣ်န့ၣ်လီၤ. ပှၤလၢတၢ်ကမၤစၢၤအဝဲသ့ၣ်အဂီၢ်ပှၤလ့ၤဝံ ဖိတဖၣ်လၢအဘၣ်တၢ်ဃုထၢအီၤလၢကဒ့တနၢ်သီတူၢ်လၢအဃဲ တဖၣ်မ့ၢ်ဝဲ, စီၤစကၤရယၤ, စီၤယၤစ့အ့လး, စီၤၡမံၤရမိး, စီၤယဃံ အ့လး, စီၤဧူးနံၤ, စီၤအလံအာ်, စီၤမၤစ့ယၤဒီးစီၤဘနါယၤ တဖၣ်န့ၣ်လီၤ. လၢတၢ်ဒ့သီတူၢ်လၢအကပၢၤတဖၣ်အဂီၢ်န့ၣ်ပှၤလ့ၤဝံဖိလၢအမ့ၢ် ဝဲစီၤမးတံးသယၤ, စီၤအလံဖလ့, စီၤမံးကန့ယၤ, စီၤဧၤစါစယၤတဖၣ်ဘၣ်တၢ်ဃုထၢအီၤဒီးစီၤ ဧိၤဘ့းအ့ဒိၣ်ဒီးစီၤယံၤအ့လးတဖၣ်ဘၣ်တၢ်ဃုထၢအီၤဒ်ပှၤ ပၢၤတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:37

စီၤပၤဒၤဝံးပာ်စီၤအၤစာ်ဒီးပှၤလ့ၤဝံဖိကဒဲကဒဲတဖၣ်ဒ်ပှၤ အခိၣ်အဂၢၢ်အကျၢၤအသိးလၢတၢ်ဘူၣ်ထီၣ်ဘါထီၣ်ယွၤလၢအဘၣ်တၢ်မၤ အီၤဖဲတၢ်အၢၣ်လီၤအီလီၤအတလါစီဆှံဘၣ်တၢ်ပာ်အီၤအလီၢ်န့ၣ်လီၤ. အဝဲသ့ၣ်ဘၣ်မၤအမူအဒါတဖၣ်ဖဲန့ၣ်တနံၤဘၣ်တနံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:7

တၢ်န့ၣ်မ့ၢ်တၢ်ဆၢကတီၢ်အဆိကတၢၢ်လၢစီၤဒၤဝံးစးထီၣ်ဟ့ၣ်စီၤ အၤစာ်ဒီးအပှၤလ့ၤဝံဖိကဒဲကဒဲတဖၣ်အမူအဒါလၢတၢ်သးဝံၣ်စံး ထီၣ်ပတြၢၤယွၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:39

စီၤအၤစာ်မ့ၢ်တၢ်သးဝံၣ်ရိခံဖုတဖုအခိၣ်န့ၣ်လီၤ. အဝဲအတၢ်လီၤစၢၤလီၤသွဲၣ်စးထီၣ်လၢစီၤလ့ၤဝံ, မ့ၢ်ဒ်လာ်အံၤန့ၣ်လီၤ. စီၤအၤစာ်, စီၤဘရ့ကံယၤ, စီၤၡံမၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 29:30

စီၤပၤဒီးပှၤကလုာ်အခိၣ်အနၢ်တဖၣ်တဲဘၣ်ပှၤလ့ၤဝံဖိတဖၣ်လၢ ကသးဝံၣ်စံးထီၣ်ပတြၢၤယွၤလၢတၢ်သးဝံၣ်စံးထီၣ်ပတြၢၤလၢ အဘၣ်တၢ်ကွဲးအီၤလၢစီၤဒၤဝံးဒီးဝံအၤစာ်န့ၣ်လီၤ. လၢတၢ်န့ၣ်အဃိပှၤကိးဂၤဒဲးသးဝံၣ်ထီၣ်တၢ်လၢတၢ်သးခု ဖးဒိၣ်အပူၤဖဲအဝဲသ့ၣ်တီၤလီၤကဒွံကျိာ်ဒီးဘူၣ်ထီၣ်ဘါထီၣ် ကစၢ်ယွၤအခါန့ၣ်လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 24:4

မ့ၢ်ဒၣ်ပှၤလၢအစုစီဆှံဝဲဒီးအသးကဆှီဝဲ, ပှၤလၢအတဘါထီၣ်ဘၣ် တၢ်ဂီၤတၢ်ဖီၣ်တဖၣ် ဒီးတဆိၣ်ဘၣ်တၢ်လၢ တၢ်လီတၢ်ဝ့ၤအပူၤဘၣ်န့ၣ်လီၤ.

စံးထီၣ်ပတြၢၤ 42:11

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

စံးထီၣ်ပတြၢၤ 50:1

ယွၤ, တၢ်အစိဒိၣ်ကမီၤထီကစၢ်ယွၤကတိၤတၢ်လီၤ. ကိးပှၤဟီၣ်ခိၣ်ဖိလၢမုၢ်ထီၣ်ပၢၢ်လၢမုၢ်နုာ်လီၤ.

စံးထီၣ်ပတြၢၤ 51:10

ကစၢ်ယွၤဧၢ, တ့လီၤသးအကဆှီလၢယပူၤ, ဒီးသူၣ်သီသးသီဒီးသူၣ်ဂၢၢ်သးကျၢၤလၢ ယပူၤတက့ၢ်.

စံးထီၣ်ပတြၢၤ 73:18

မ့ၢ်မးကနပာ်အဝဲသ့ၣ်လၢတၢ်လီၤတလံာ်အလီၢ်တဖၣ်, နကဒုးလီၤအဝဲသ့ၣ်ဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 83:1

ကစၢ်ယွၤဧၢ, အိၣ်ဘှ့ၣ်အိၣ်ဘှီၣ်တဂ့ၤ. အိၣ်ဂၢၢ်တပၢၢ်တဂ့ၤ အိၣ်ဃိကလာ်တဂ့ၤ

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်မးသဲ 5:8

ပှၤလၢအသးကဆှီတဖၣ်န့ၣ်, မ့ၢ်ပှၤတဖၣ်လၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကထံၣ်ဘၣ်ကစၢ်ယွၤလီၤ.

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

ရိမ့ၤ 4:16

ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.