စံးထီၣ်ပတြၢၤ 72:7 - Sgaw Karen Common Bible

⁷ လၢအမုၢ်နံၤတဖၣ်အပူၤန့ၣ်, ပှၤတီပှၤလိၤကဘီၣ်ထီၣ်ညီထီၣ်, ဒီးတၢ်ဃူတၢ်ဖိးကအိၣ်တုၤ လါတအိၣ်လၢၤဘၣ်န့ၣ်လီၤ.

စံးထီၣ်ပတြၢၤ 72:7 Iomraidhean Croise

လံာ်စီၤပၤအခီၣ်ထံးတဘ့ၣ် 4:25

ဖဲစီၤၡလိၤမိၤအိၣ်မူသးဝးဝဲအဆၢကတီၢ်န့ၣ်, ပှၤဂီၢ်မုၢ်လၢကီၢ်ယူဒၤဒီးကီၢ်အံၣ်စရ့လးသကုၤဆးဒးအိၣ်ဝဲ ဆိးဝဲလၢတၢ်ဘံၣ်တၢ်ဘၢအပူၤ, ဟံၣ်ဖိဃီဖိတဒူၣ်ဘၣ်တဒူၣ်အိၣ်ဒီးအစပံးအမုၢ်တဖၣ်ဒီးအချၢၣ် ဒၢအထူၣ်တဖၣ်ဒၣ်ဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 5:4

မ့မ့ၢ်ခဲအံၤ, ယွၤ, ယကစၢ်ယွၤဟ့ၣ်လီၤလံယၤတၢ်ဃူတၢ်ဖိးလၢ ကယဲၢ်ယထံဆၢကီၢ်ဆၢခဲလၢာ်န့ၣ်လီၤ. ယဒုၣ်ယဒါတအိၣ်လၢၤနီတဂၤဘၣ်, ဒီးတၢ်ဘၣ်ယိၣ်လၢတၢ်ကဟဲထီၣ်ဒုးယၤအဂီၢ်တအိၣ်လၢၤဘၣ်.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

လံာ်ယၡါယၤ 60:1

ဂဲၤဆၢထၢၣ်, ဝ့ၢ်ယရူၤၡလ့ၣ်ဧၢ, ဒီးကပီၤထီၣ်ဒ်မုၢ်အသိးတက့ၢ်. ယွၤအလၤကပီၤ, ကပီၤထီၣ်လၢနလိၤလီၤ.

လံာ်ယၡါယၤ 60:22

နဒူၣ်ဖိထၢဖိအဆံးကတၢၢ်ဒီး အဆီၣ်လီၤသးကတၢၢ်ဒၣ်လဲာ် ကကဲထီၣ်တၢ်အဒိၣ်ထဲသိးပှၤကလုာ်လၢ အဒိၣ်စိဒိၣ်ကမီၤတကလုာ်လီၤ. တုၤတၢ်ဆၢဂ့ၤကတီၢ်ဘၣ်ဟဲတုၤဝဲဒီး, ယကဒုးဟဲထီၣ်တၢ်အံၤချ့ချ့လီၤ. ယမ့ၢ်ယွၤလီၤ.”

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်စကၤရယၤ 9:10

ဒီးယွၤစံးဝဲဒၣ်, ယကထုးကွံာ်လ့ၣ်ကဟၣ်ဒုးသုးတဖၣ်လၢ ကီၢ်အံၣ်စရ့လး, ဒီးဟံးန့ၢ်ကွံာ်ကသ့ၣ်တဖၣ်လၢဝ့ၢ်ယရူၤၡလ့ၣ်လီၤ. ချံၣ်တဖၣ်လၢအဘၣ်တၢ်သူအီၤ လၢတၢ်ဒုးတၢ်ယၤအပူၤန့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. နစီၤပၤကမၤတၢ်ဃူတၢ်ဖိးလၢပှၤကလုာ်တဖၣ်အကျါ, အဝဲကပၢတၢ်လၢပီၣ်လဲၣ်တုၤလၢပီၣ်လဲၣ်, စးထီၣ်လၢထံမိၢ်ပှၢ်ဖရၤသးဒီးတုၤလၢဟီၣ်ခိၣ်အကတၢၢ်လီၤ.”

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်လူၤကၣ် 1:33

ဒီးအဝဲဒၣ်ကကဲထီၣ်စီၤယၤကိာ်အစၢၤအသွဲၣ်တဖၣ်အစီၤပၤလီၤ ထူလီၤယိာ်ဒီးအဘီအမုၢ်တကတၢၢ်ဝဲနီတစုဘၣ်လီၤ.”

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

မၤတၢ် 4:32

ပှၤစူၢ်က့ၤနာ်က့ၤတၢ်ခဲလၢာ်အိၣ်ဒီးတၢ်ဆိကမိၣ်တမံၤဃီဒီးသူၣ် တဖျၢၣ်ဃီသးတဖျၢၣ်ဃီန့ၣ်လီၤ. ကယဲၢ်တၢ်အိၣ်ဒီးယၤမ့ၢ်ဒၣ်ထဲလၢယဂီၢ်ဧိၤလီၤန့ၣ်, တစံးဝဲနီတဂၤဘၣ်. မ့မ့ၢ်အဝဲသ့ၣ်ဟ့ၣ်နီၤလိာ်သကိးအသးတၢ်တမံၤလၢ်လၢ်လၢ အအိၣ်ဒီးအီၤ, တဂၤဒီးတဂၤန့ၣ်လီၤ.