စံးထီၣ်ပတြၢၤ 72:12 - Sgaw Karen Common Bible

¹² အဂ့ၢ်ဒ်အံၤအဝဲမၤပူၤဖျဲးဝဲပှၤဖှီၣ်ဖိယာ်ဖိ, ပှၤဘၣ်နးဘၣ်ဖှီၣ်ဒီးပှၤလၢ တၢ်မၤစၢၤအီၤတအိၣ်ဘၣ် ဖဲအဝဲသ့ၣ်ကိးထီၣ်ဝဲန့ၣ်လီၤ.

စံးထီၣ်ပတြၢၤ 72:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:16

ယဆိကမိၣ်လၢနကဒိကနၣ်ယၤဒီးမၤပူၤမၤဖျဲးယၤလၢပှၤတဂၤလၢ အကျဲးစၢးဒ်သိးကမၤသံယဖိခွါ, ဒီးယၤ, အစုပူၤန့ၣ်လီၤ. အဝဲဒၣ်သးအိၣ်သုးကွံာ်ပှၤလၢကီၢ်တဘ့ၣ်လၢ ကစၢ်ယွၤဟ့ၣ်လီၤအပှၤဂီၢ်မုၢ်အံၤအပူၤန့ၣ်လီၤ.

လံာ်စီၤယိၤဘး 29:12

တုၤပှၤဖှီၣ်ဖိယာ်ဖိကိးထီၣ်ဝဲဒၣ်န့ၣ်ဒီးယမၤစၢၤအီၤ, ဒီးယမၤစၢၤပှၤဖိၣ်ဃဲဖိသ့ၣ်တဖၣ်လၢပှၤကမၤစၢၤအီၤတအိၣ် ဘၣ်န့ၣ်လီၤ.

လံာ်စီၤယိၤဘး 36:15

ဘၣ်ဆၣ်ဒီးကစၢ်ယွၤသိၣ်လိပှၤကညီခီဖျိတၢ်ဘၣ်နးဘၣ်ဖှီၣ်ဒီး သူဝဲတၢ်ကိၢ်တၢ်ဂီၤလၢ ကအိးထီၣ်အဝဲသ့ၣ် အမဲာ်ချံအဂီၢ်န့ၣ်လီၤ.

စံးထီၣ်ပတြၢၤ 10:17

ယွၤဧၢ, နကဒိကနၣ်ပှၤလၢ အဆီၣ်လီၤအသးအတၢ်ထုကဖၣ်န့ၣ်လီၤ. နကမၤဆူၣ်ထီၣ်အသးအဂံၢ်အဘါလီၤ.

စံးထီၣ်ပတြၢၤ 102:17

အဝဲကဒိကနၣ်ပှၤဖှီၣ်ဖိယာ်ဖိအတၢ်ထုကဖၣ် ဒီးတမၤတရီတပါဘၣ်အတၢ်ဃ့သကွံၢ်ကညးန့ၣ်ဘၣ်.

စံးထီၣ်ပတြၢၤ 102:20

အဝဲနၢ်ဟူပှၤဘၣ်တၢ်စၢဃာ်အတၢ်ကအုကစွါတဖၣ်, ဒီးကမၤပူၤဖျဲးပှၤတဖၣ်လၢအဘၣ်တၢ်စံၣ်ညီၣ် သံအီၤန့ၣ်လီၤ.

စံးထီၣ်ပတြၢၤ 55:17

မုၢ်ဟါ, ဒီးမုၢ်ဂီၤ, ဒီးလၢမုၢ်ထူၣ်န့ၣ် ယကအုကစွါဒီးယဟီၣ်ယယၢၤ, ဒီးအဝဲကနၢ်ဟူယကလုၢ်လီၤ.

စံးထီၣ်ပတြၢၤ 72:4

မ်စီၤပၤကအိၣ်ဂၢၢ်ဆိးကျၢၤဝဲ ကအုၣ်က့ၤခီၣ်က့ၤပှၤလၢ အလိၣ်ဘၣ်တၢ်သ့ၣ်တဖၣ် ဒီးကမၤလီၤကလဲပှၤမၤနးမၤဖှီၣ် တၢ်တဖၣ်န့ၣ်တက့ၢ်.

တၢ်ကတိၤဒိ. 29:7

ပှၤအဂ့ၤတဂၤသ့ၣ်ညါပှၤဖှီၣ်ဖိယာ်ဖိအတၢ်ခွဲးတၢ်ယာ်တဖၣ်န့ၣ် လီၤ. မ့မ့ၢ်ပှၤအအၢအသီတဖၣ်နၢ်ပၢၢ်တၢ်ဒ်သိးအံၤတဖၣ်တသ့ဘၣ်.

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ယၡါယၤ 41:17

ဖဲယပှၤဂီၢ်မုၢ်လိၣ်ဘၣ်ဒီးဃုဝဲထံအဆၢကတီၢ် ဒီးဖဲအကိာ်ယူၢ်တဖၣ်ဃ့ထီဝဲလၢတၢ်သူအသးလၢထံအဃိန့ၣ်, ယၤ, ယွၤအံၤယကစံးဆၢအဝဲသ့ၣ်အတၢ်ထုကဖၣ်လီၤ. ယၤ, အံၣ်စရ့လးအကစၢ်ယွၤအံၤယတလဲၤသဒၣ်အဝဲသ့ၣ်နီတစုဘၣ်.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်လူၤကၣ် 7:22

အဝဲဒၣ်စံးဆၢက့ၤစီၤယိၤဟၣ်အပှၤဆှၢတၢ်ကစီၣ်တဖၣ်, “က့ၤဒီးတဲဘၣ်စီၤယိၤဟၣ်တၢ်လၢသုထံၣ်ဘၣ်ဒီးနၢ် ဟူဘၣ်တ့ၢ်သုဝဲန့ၣ်တက့ၢ်. ပှၤမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤခီၣ်ဟးဂီၤတဖၣ်ဟးထီၣ်က့ၤဝဲသ့, ပှၤလိၤတဂ့ၤတဖၣ်ဘၣ်တၢ်မၤကဆှီထီၣ်က့ၤအီၤ, ပှၤနၢ်တအၢတဖၣ်နၢ်ဟူထီၣ်က့ၤတၢ်, ပှၤသံတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ, ဒီးတၢ်သးခုကစီၣ်ဘၣ်တၢ်စံၣ်တဲၤတဲလီၤန့ၢ်ပှၤဖှီၣ်ဖိယာ်ဖိတဖၣ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:2

ပှၤဂီၢ်မုၢ်လၢဘၣ်တၢ်မၤနးမၤဖှီၣ်အီၤတဖၣ်မ့ၢ်ဂ့ၤ, အဒ့ၣ်ကမၣ်အိၣ်မ့ၢ်ဂ့ၤ, အသးတမံတဖၣ်မ့ၢ်ဂ့ၤလဲၤဆူအအိၣ်, ပှၤခဲလၢာ်အဂၤလွံၢ်ကယၤဃၣ်ဃၣ်ဒီးအဝဲကဲထီၣ်အဝဲသ့ၣ်အခိၣ်အနၢ် လီၤ.