စံးထီၣ်ပတြၢၤ 72:10 - Sgaw Karen Common Bible

¹⁰ မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

စံးထီၣ်ပတြၢၤ 72:10 Iomraidhean Croise

လံာ်တၢ်ကဲထီၣ်အခီၣ်ထံး 10:7

ဒီးစီၤကူၤၡးအစၢၤအသွဲၣ်တဖၣ်န့ၣ်မ့ၢ်ဝဲ, စီၤစဘၤ, စီၤဃဝံၤလၤ, စီၤစၤဘတၤ, စီၤရၤဧၤမၤဒီးစီၤစၤဘတံကၤတဖၣ် လီၤ. ဒီးစီၤရၤဧၤမၤအစၢၤအသွဲၣ်တဖၣ်န့ၣ်မ့ၢ်ဝဲၡဘၤဒီးဒဒၣ်အပှၤ ဂီၢ်မုၢ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:1

ကီၢ်ၡဘၤအနီၢ်ပၤမုၣ်နၢ်ဟူဘၣ်စီၤၡလိၤမိၤအတၢ်မံၤဟူသၣ်ဖျါ ဒီးအဝဲလဲၤဝဲဆူဝ့ၢ်ယရူၤၡလ့ၣ်, လၢကမၤကွၢ်အီၤဒီးတၢ်သံကွၢ်အကီအခဲတဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:10

အဝဲဟ့ၣ်လီၤစီၤပၤၡလိၤမိၤလၢတၢ်ဟ့ၣ်ကနၢၤတဖၣ်လၢအဝဲဟဲစိာ် ဝဲန့ၣ်လီၤ. တၢ်တဖၣ်န့ၣ်မ့ၢ်ဝဲထူလီၤတယၢၢ်အကံကၢ်တကယၤခံဆံ, ဒီးတၢ်နၢမူတဖၣ်ဒီးတၢ်မျၢ်တဖၣ်အါအါကလဲာ်န့ၣ်လီၤ. တၢ်နၢမူအါအါဂီၢ်ဂီၢ်လၢအဝဲဟ့ၣ်စီၤၡလိၤမိၤန့ၣ်, မ့ၢ်တၢ်ဟ့ၣ်အဒိၣ်အအါကတၢၢ်လၢစီၤၡလိၤမိၤဒိးန့ၢ်ဘၣ်တ့ၢ်အီၤ တဖၣ်တဘျီဘၣ်တဘျီအကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:2

အဝဲဟဲကိးဃုာ်အတၢ်ခ့တၢ်ပှၤအါအါဂီၢ်ဂီၢ်ဃုာ်ဒီးကီၤလၤအူး တဖၣ်လၢတၢ်ပဒၢးအီၤဒီးတၢ်နၢမူတဖၣ်, တၢ်မျၢ်ပလဲတဖၣ်ဒီးထူအါအါဂီၢ်ဂီၢ်န့ၣ်လီၤ. တုၤအဝဲဒီးစီၤၡလိၤမိၤထံၣ်လိာ်အသးန့ၣ်, အဝဲသံကွၢ်အီၤ, ကယဲၢ်တၢ်သံကွၢ်လၢအဆိကမိၣ်ထီၣ်ဝဲသ့တဖၣ်ခဲလၢာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 10:25

ကယဲၢ်ပှၤလၢအဟဲတဂၤလၢ်လၢ်န့ၣ်ဟဲစိာ်န့ၢ်အီၤတၢ်ဟ့ၣ်တမံၤမံၤ, လၢအမ့ၢ်ဝဲ, တၢ်ပီးတၢ်လီတဖၣ်လၢအမ့ၢ်စ့မ့တမ့ၢ်ထူ, ဆ့ကၤဖးထီတဖၣ်, တၢ်စုကဝဲၤတဖၣ်, တၢ်နၢမူနၢဆှီတဖၣ်, ကသ့ၣ်တဖၣ်ဒီးကသ့ၣ်လၤတဖၣ်န့ၣ်လီၤ. တၢ်အံၤမၤထွဲအသးတနံၣ်ဝံၤတနံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:21

အဝဲအိၣ်ဒီးတၢ်မၤကူၣ်မၤကၤအကဘီတဖုလၢအလဲၤဆူဝ့ၢ်တၢ်ၡံၣ် ဒီးကဘီဖိတဖၣ်မ့ၢ်စီၤပၤဃံရၣ်အပှၤတဖၣ်န့ၣ်လီၤ. သၢနံၣ်တဘျီန့ၣ်, ကဘီတဖၣ်အံၤဟဲက့ၤစိာ်ဝဲထူ, စ့, ကဆီမဲ, ကယူၤဖၣ်တဖၣ်ဒီးတၤအုးတၤသွီၣ်တဖၣ်န့ၣ်လီၤ.

လံာ်နီၢ်အ့ၤစတၢ် 10:1

စီၤပၤအဃၤၡဝံရိၣ်ပာ်ဆူၣ်ထီၣ်တၢ်မၢဆူၣ်မၢစိးအတၢ်မၤတဖၣ်လၢ ပှၤဂီၢ်မုၢ်လၢအအိၣ်လၢအဘီအမုၢ်အပီၣ်လဲၣ်ကၢၢ်နံၤလီၢ်ကဝီၤတဖၣ် အလိၤဒီးဒ်န့ၣ်အသိးလၢပှၤအိၣ်လၢကီၢ်အသးကံၢ်ပူၤတဖၣ်အလိၤ န့ၣ်လီၤ.

စံးထီၣ်ပတြၢၤ 45:12

ပှၤထါယၢၣ်ဖိတဖၣ်ကဟဲစိာ်န့ၢ်နၤတၢ်ဟ့ၣ်တဖၣ်, ဒီးပှၤထူးပှၤတီၤသ့ၣ်တဖၣ်ကဂုာ်ကျဲးစၢးလၢ ကဒိးန့ၢ်ဘၣ်နတၢ်ဘၣ်သူၣ်ဘၣ်သးန့ၣ်လီၤ.

စံးထီၣ်ပတြၢၤ 68:29

လၢနတၢ်လုၢ်ဟံၣ်လၢယရူၤၡလ့ၣ်အပူၤ, ဖဲစီၤပၤတဖၣ်ဟဲစိာ်တၢ်ဟ့ၣ်တဖၣ်ဆူ နအိၣ်န့ၣ်တက့ၢ်.

စံးထီၣ်ပတြၢၤ 68:30

သိၣ်ဃီၣ်အဲၤကူပတူး, ဆၣ်ဖိကီၢ်ဖိအဒူတဒုန့ၣ် လၢအအိၣ်လၢတပိၢ်အကျါ, သိၣ်ဃီၣ်ထံကီၢ်တဖၣ်, လၢအလီၢ်ဂာ်ဒီး ဂီၤဖံးဖါတဖုအိၣ်ဒီး ဂီၤဖံးဖါဖိတဖၣ်, တုၤလၢအဝဲသ့ၣ်ခဲလၢာ်တီၤလီၤ ကဒွံကျိာ်ဒီး လုၢ်ထီၣ်နၤလၢ အစ့တဖၣ်တက့ၢ်. မၤလီၤပြံလီၤပြါပှၤဂီၢ်မုၢ်လၢ အအဲၣ်တၢ်ဒုးတၢ်ယၤတက့ၢ်.

လံာ်ယၡါယၤ 42:10

သးဝံၣ်ထီၣ်တၢ်သးဝံၣ်အသီတယုၢ်ဆူယွၤတက့ၢ်. ကယဲၢ်တၢ်အိၣ်လၢဟီၣ်ခိၣ်ခဲလၢာ်သ့ၣ်ဧၢ, သးဝံၣ်အတၢ်စံးထီၣ်ပ တြၢၤတက့ၢ်. သုဝဲလၢအလဲၤတၢ်လၢပီၣ်လဲၣ်သ့ၣ်ဧၢ, စံးထီၣ်ပတြၢၤအီၤတ က့ၢ်. ကယဲၢ်ပှၤလၢအအိၣ်လၢထံယံၤကီၢ်ယံၤခဲလၢာ်သ့ၣ်ဧၢ, သးဝံၣ်ထီၣ်တက့ၢ်.

လံာ်ယၡါယၤ 42:4

တုၤလၢအဝဲဒုးအိၣ်ထီၣ်ဂၢၢ်ကျၢၤတၢ်စံၣ်ညီၣ်တီလၢဟီၣ်ခိၣ်အံၤ တစုန့ၣ်တပျဲတၢ်မုၢ်လၢ်မ့ၢ်ဂ့ၤတၢ်သူၣ်ဒူသးဒူမ့ၢ်ဂ့ၤကလီၤ မၢ်ကွံာ်န့ၣ်ဘၣ်. အဂ့ၢ်ဒ်အံၤ, ကီၢ်လၢအယံၤတဖၣ်အိၣ်ခိးကွၢ်လၢ်အတၢ်သိၣ်လိလၢတၢ် သူၣ်ဆူၣ်သးဂဲၤအပူၤလီၤ.”

လံာ်ယၡါယၤ 43:3

အဂ့ၢ်ဒ်အံၤ, ယမ့ၢ်ယွၤ, နကစၢ်ယွၤ, ကီၢ်အံၣ်စရ့လးအကစၢ်ယွၤစီဆှံလၢအအုၣ်က့ၤခီၣ်က့ၤနၤလီၤ. ယကဟ့ၣ်လီၤကွံာ်ကီၢ်အဲၤကူပတူးလၢနကထူၣ်ဖျဲးထီၣ်အဂီၢ်လီၤ. ယကဟ့ၣ်လီၤကွံာ်ကီၢ်ကူၤၡးဒီးကီၢ်စဘၤလၢ နလီၢ်လီၤ.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယၡါယၤ 60:3

ပှၤကလုာ်တဖၣ်ကဘၣ်တၢ်ထုးန့ၣ်အီၤဆူနတၢ်ကပီၤအပူၤ, ဒီးစီၤပၤတဖၣ်ဆူနမုၢ်နံၤအသီအမုၢ်ဆ့ၣ်ဝါထီၣ်န့ၣ်လီၤ.

လံာ်ယၡါယၤ 60:6

ပှၤလဲၤတၢ်ဒီးကီၤလၤအူးဒီတဖုကဟဲလၢကီၢ်မံးဒယၣ် ဒီးကီၢ်ဧ့ၤဖၣ်လီၤ. အဝဲသ့ၣ်ကဟဲလၢကီၢ်ၡဘၤ, ကဟဲစိာ်ဃုာ်ထူဒီးတၢ်နၢမူလီၤ. ပှၤဂီၢ်မုၢ်ကစံးဘၣ်တဲဘၣ်တၢ်သးခုကစီၣ်လၢတၢ်လၢယွၤ မၤတ့ၢ်ဝဲအဂ့ၢ်န့ၣ်လီၤ.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.