စံးထီၣ်ပတြၢၤ 71:9 - Sgaw Karen Common Bible

⁹ လၢယသးပှၢ်အဆၢကတီၢ်န့ၣ်ကွံာ်တ့ၢ်ကွံာ်ယၤတဂ့ၤ. ဖဲယဂံၢ်ယဘါလၢာ်ဒီးလဲၤသဒၣ်ယၤတဂ့ၤ.

စံးထီၣ်ပတြၢၤ 71:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:35

ယသးအိၣ်လံအနံၣ်ဃိးဆံလံ, ဒီးတၢ်လၢကဟ့ၣ်ယၤတၢ်မုာ်တၢ်လၤ တအိၣ်လၢၤဘၣ်နီတမံၤဘၣ်. တၢ်လၢယအီၣ်ယအီအီၤန့ၣ်ယတသ့ၣ်ညါအတၢ်ဝံၣ်တၢ်ဘဲလၢၤဘၣ်. ဒီးပှၤသးဝံၣ်တၢ်ဖိတဖၣ်အကလုၢ်န့ၣ်ယနၢ်ဟူတသ့လၢၤဘၣ်. ယကကဲထီၣ်ဒၣ်ထဲတၢ်ဝံဃၢယိးဃၢလၢနဲဒၣ်တၢ်ဒိၣ်ကစၢ်စီၤပၤ အဂီၢ်န့ၣ်လီၤ.

စံးထီၣ်ပတြၢၤ 71:18

ကစၢ်ယွၤဧၢ, တုၤလီၤလၢယသးပှၢ်ဒီးခိၣ်ဝါ, ယတချုးဒုးနဲၣ်ဒံးဘၣ်နတၢ်ဂံၢ်တၢ်ဘါဒီးနစိနကမီၤ လၢကယဲၢ်ပှၤလၢအကဟဲတဖၣ်ဒံးဘၣ်န့ၣ်, လဲၤသဒၣ်ကွံာ်ဒံးယၤတဂ့ၤ.

စံးထီၣ်ပတြၢၤ 73:26

ယသးဒီးယနီၢ်ခိအဂံၢ်အဘါကစၢ်လီၤဝဲ, ဘၣ်ဆၣ်ကစၢ်ယွၤမ့ၢ်ယဂံၢ်ယဘါလီၤ. အဝဲမ့ၢ်တၢ်ခဲလၢာ်လၢယန့ၢ်ဘၣ်အီၤ အလီၢ်အိၣ်ထီဘိန့ၣ်လီၤ.

စံးထီၣ်ပတြၢၤ 90:10

ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.

လံာ်ယၡါယၤ 46:4

ယမ့ၢ်သုကစၢ်ယွၤဒီးယကသူၣ်အိၣ်သးအိၣ်သု တုၤသုသးပှၢ်ထီၣ်ဒီးသုခိၣ်ဝါလီၤ. ယတ့လီၤသုဒီးယကအံးထွဲကွၢ်ထွဲသုလီၤ. ယကဟ့ၣ်သုတၢ်မၤစၢၤဒီးမၤပူၤမၤဖျဲးသုလီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.