စံးထီၣ်ပတြၢၤ 71:8 - Sgaw Karen Common Bible

⁸ ယထးခိၣ်ပှဲၤဒီးတၢ်စံးထီၣ်ပတြၢၤနၤ, ဒီးနလၤကပီၤကိးမုၢ်နံၤဒဲးလီၤ.

စံးထီၣ်ပတြၢၤ 71:8 Iomraidhean Croise

စံးထီၣ်ပတြၢၤ 104:1

ယသးဧၢ, စံးထီၣ်ပတြၢၤယွၤတက့ၢ်. ယွၤယကစၢ်ယွၤဧၢ, နဒိၣ်ဝဲဒိၣ်နီၢ်မးလီၤ. နကူနသိးဒီးတၢ်လၤတၢ်ကပီၤ ဒီးတၢ်ကဟုကညီၢ်လီၤ.

စံးထီၣ်ပတြၢၤ 146:2

ယကစံးထီၣ်ပတြၢၤအီၤဖဲယအိၣ်မူဒံးအဖၢမုၢ်, ယကသးဝံၣ်ထီၣ်အီၤတစိၤဒၣ်ယၤလီၤ.

စံးထီၣ်ပတြၢၤ 35:28

အန့ၣ်ဒီးယကတဲဖျါနတၢ်တီတၢ်လိၤ, ဒီးယကစံးထီၣ်ပတြၢၤနၤသ့သ့တနံၤလီၤ.

စံးထီၣ်ပတြၢၤ 63:5

ယသးကအီၣ်ဘျဲးအီၣ်တၢ်အီၣ်ဝံၣ်, ဒီးသိဧိၤချါဧိၤ, ဒီးယထးခိၣ်စံးထီၣ်ပတြၢၤနၤလၢ နိးဖံးလၢအသးခုန့ၣ်လီၤ.

စံးထီၣ်ပတြၢၤ 71:15

ယထးခိၣ်ကတဲဖျါထီၣ်နတၢ်တီတၢ်လိၤ အတၢ်ဖံးတၢ်မၤတဖၣ်, နတၢ်အုၣ်က့ၤခီၣ်က့ၤသ့သ့တနံၤလီၤ. အဂ့ၢ်ဒ်အံၤ, ယတသ့ၣ်ညါဘၣ် အတၢ်ဂံၢ်တဖၣ်ဘၣ်.

စံးထီၣ်ပတြၢၤ 71:24

ဒီးယပျ့ၤကစံးကတိၤနတၢ်တီတၢ်လိၤ အတၢ်မၤစၢၤသ့သ့တနံၤလီၤ. အဂ့ၢ်ဒ်အံၤ, ပှၤလၢအဃုမၤဟးဂီၤယၤတဖၣ်န့ၣ် အမဲာ်ဆှးဒီးဘၣ်တၢ်ပာ်မဲာ်ဆှးအီၤလီၤ.

စံးထီၣ်ပတြၢၤ 96:6

တၢ်လၤကပီၤဒီးတၢ်ကဟုကညီၢ်အိၣ်ဝးတရံးအီၤ, တၢ်စိကမီၤဒီးတၢ်ဃံတၢ်လၤ မၤပှဲၤအတၢ်လုၢ်ဟံၣ်န့ၣ်လီၤ.