စံးထီၣ်ပတြၢၤ 71:19 - Sgaw Karen Common Bible

¹⁹ ကစၢ်ယွၤဧၢ, နတၢ်တီတၢ်လိၤတုၤဃီၤဆူ မူခိၣ်လၢအထီန့ၣ်လီၤ. ပှၤလၢအမၤတၢ်အဒိၣ်တဖၣ်တဂၤဧၢ, မ့ၢ်မတၤမၤသးဒ်နၤအသိးန့ၣ်တဂၤလဲၣ်, ယွၤဧၢ.

စံးထီၣ်ပတြၢၤ 71:19 Iomraidhean Croise

လံာ်စီၤယိၤဘး 5:9

တၢ်မၤအဒိၣ်အမုၢ်လၢကစၢ်ယွၤမၤဝဲတဖၣ်န့ၣ်ပသ့ၣ်ညါနၢ်ပၢၢ် အီၤတသ့ဘၣ်. ဒီးအတၢ်လီၤလိၢ်လီၤလးတဖၣ်န့ၣ်တၢ်ဂံၢ်အီၤ တလၢာ်ဘၣ်.

စံးထီၣ်ပတြၢၤ 139:6

နတၢ်သ့ၣ်ညါဒ်အံၤလီၤလးကဲၣ်ဆိးလၢယဂီၢ်, အိၣ်ထီၣ်ထီဝဲ, ယနၢ်ပၢၢ်ယဲတသ့ဘၣ်.

စံးထီၣ်ပတြၢၤ 35:10

ယကစံးလၢယသးဒီဖျၢၣ်ညါ, “ယွၤဧၢ, ပှၤလၢအလီၤဂာ်ဒီးနၤတအိၣ်နီတဂၤဘၣ်. နမၤပူၤဖျဲးပှၤဂံၢ်စၢ်ဘါစၢ်လၢ ပှၤဂံၢ်ဆူၣ်ဘါဆူၣ်အစုပူၤ, ပှၤဖှီၣ်ဖိယာ်ဖိလၢပှၤလၢ အဂုာ်န့ၢ်တၢ်လၢအီၤအစုပူၤန့ၣ်လီၤ.”

စံးထီၣ်ပတြၢၤ 36:7

ယွၤဧၢ, နတၢ်အဲၣ်ဂၢၢ်ကျၢၤအံၤလုၢ်ဒိၣ်ပှ့ၤဒိၣ်ဆံးဒိၣ်လဲၣ်. ပထံၣ်န့ၢ်တၢ်ကဟုဘံၣ်ကယာ်ဘၢလၢနဒံးဆ့အကဒုအဖီလာ်န့ၣ် လီၤ.

စံးထီၣ်ပတြၢၤ 57:10

အဂ့ၢ်ဒ်အံၤ, နတၢ်အဲၣ်အဂၢၢ်အကျၢၤဒိၣ် တုၤအထီၣ်ဘးဆူမူခိၣ်အလီၢ်တဖၣ်ဒီး နတၢ်တီတၢ်လိၤပၢၢ်လၢတၢ်အၢၣ်တဖၣ်လီၤ.

စံးထီၣ်ပတြၢၤ 72:18

စံးထီၣ်ပတြၢၤယွၤ, အံၣ်စရ့လးအကစၢ်ယွၤ လၢအမၤတၢ်လီၤလးထဲတဂၤဧိၤန့ၣ်တက့ၢ်.

စံးထီၣ်ပတြၢၤ 86:8

ယွၤဧၢ, လၢကစၢ်တဖၣ်အကျါန့ၣ် ပှၤဒ်သိးဒီးနၤတအိၣ်နီတဂၤဘၣ်. ပှၤတမၤတ့ၢ်တၢ်ဒ်နမၤတ့ၢ်အသိးနီတဂၤဘၣ်.

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

တၢ်ကတိၤဒိ. 15:24

ပှၤကူၣ်သ့တဖၣ်ပိာ်ကျဲတဘိလၢအဆှၢထီၣ်တၢ်ဆူထးဆူတၢ်မူလီၤ. တမ့ၢ်ဘၣ်ကျဲလၢအဆှၢလီၤတၢ်ဆူလာ်ဆူတၢ်သံန့ၣ်ဘၣ်.

တၢ်ကတိၤဒိ. 24:7

တၢ်ကူၣ်သ့အတၢ်ကတိၤတဖၣ်ယိာ်ကဲၣ်ဆိးလၢပှၤဟးဂီၤဖိ တဂၤကနၢ်ပၢၢ်ဝဲအဂီၢ်လီၤ. ဖဲတၢ်ဂ့ၢ်အကါဒိၣ်တဖၣ်ဘၣ်တၢ်ကတိၤ သကိးအီၤန့ၣ်, အဝဲစံးကတိၤတၢ်တသ့နီတမံၤဘၣ်.

လံာ်ယၡါယၤ 40:18

တၢ်ထိၣ်သတြီၤကစၢ်ယွၤဒီးမတၤကသ့လဲၣ်. အဝဲလီၤဂာ်ဒီးမတၤလဲၣ်န့ၣ်, နတဲလၢအဂ့ၢ်ကသ့ဒ်လဲၣ်.

လံာ်ယၡါယၤ 40:25

တၢ်ထိၣ်သတြီၤကစၢ်ယွၤစီဆှံတဂၤအံၤဒီးမတၤကသ့န့ၣ်လဲၣ်. မ့ၢ်ပှၤလၢအလီၤဂာ်ဒီးအီၤအိၣ်ဒံးတဂၤဂၤဧါ.

လံာ်ယၡါယၤ 5:16

ဘၣ်ဆၣ်ယွၤသ့တၢ်လၢာ်ကစၢ်ဒုးနဲၣ်အတၢ်ဒိၣ်တၢ်မုၢ်ခီဖျိ အမၤတၢ်အဘၣ်ဒီးအဝဲလီၣ်ဖျါထီၣ်အတၢ်စီတၢ်ဆှံခီဖျိ တၢ်စံၣ်ညီၣ်အပှၤဂီၢ်မုၢ်န့ၣ်လီၤ.

လံာ်ယၡါယၤ 55:9

အဂ့ၢ်ဒ်အံၤ, ဒ်မူခိၣ်မူကပိာ်လိၤထီန့ၢ်ဟီၣ်ခိၣ်အသိး, ယကျဲဒီးယတၢ်ဆိကမိၣ်တဖၣ်ထီန့ၢ်သုကျဲဒီး သုတၢ်ဆိကမိၣ်တဖၣ်စၢၢ်တလၢၢ်လီၤ.

လံာ်ယံးရမံယၤ 10:7

ပှၤကလုာ်ခဲလၢာ်အစီၤပၤဧၢ, ပှၤလၢကယူးယီၣ်မၤလၤကပီၤ နၤန့ၣ်မ့ၢ်မတၤလဲၣ်. နကြၢးဒီးတၢ်မၤလၤကပီၤန့ၣ်လီၤ. လၢပှၤကူၣ်သ့ခဲလၢာ်လၢပှၤကလုာ်တဖၣ်အကျါမ့ၢ်ဂ့ၤ, လၢ အဝဲသ့ၣ်အစီၤပၤတဖၣ်အကျါမ့ၢ်ဂ့ၤ, ပှၤဒ်သိးနၤတအိၣ်ဘၣ် နီတဂၤဘၣ်.

လံာ်လူၤကၣ် 1:49

အဂ့ၢ်မ့ၢ်လၢတၢ်အဒိၣ်အမုၢ်တဖၣ်လၢယွၤ, တၢ်စိဒိၣ်ကမီၤထီတဂၤမၤတ့ၢ်ဝဲလၢယဂီၢ်အဃိလီၤ. အဝဲဒၣ်အမံၤစီဝဲဆှံဝဲလီၤ.