စံးထီၣ်ပတြၢၤ 71:18 - Sgaw Karen Common Bible

¹⁸ ကစၢ်ယွၤဧၢ, တုၤလီၤလၢယသးပှၢ်ဒီးခိၣ်ဝါ, ယတချုးဒုးနဲၣ်ဒံးဘၣ်နတၢ်ဂံၢ်တၢ်ဘါဒီးနစိနကမီၤ လၢကယဲၢ်ပှၤလၢအကဟဲတဖၣ်ဒံးဘၣ်န့ၣ်, လဲၤသဒၣ်ကွံာ်ဒံးယၤတဂ့ၤ.

စံးထီၣ်ပတြၢၤ 71:18 Iomraidhean Croise

လံာ်တၢ်ကဲထီၣ်အခီၣ်ထံး 27:1

ခဲအံၤ, စီၤအံၤစဲးန့ၣ်အသးပှၢ်ဝဲဒီးအမဲာ်တထံၣ်လၢၤဘၣ်တၢ် ဘၣ်. အဝဲမၢပှၤကိးန့ၢ်အဖိဝဲၢ်ကိစီၤဧ့ၡီၤဒီးစံးဘၣ်အီၤ, “ယဖိခွါဧၢ,” ဒီးစီၤဧ့ၡီၤစံးဆၢအီၤ, “မ့ၢ်, ယၤလီၤ.”

စံးထီၣ်ပတြၢၤ 22:31

ပှၤလၢအတအိၣ်ဖျဲၣ်ထီၣ်ဒံးဘၣ်သ့ၣ်တဖၣ် ကဘၣ်တၢ်စံးဘၣ်တဲဘၣ်အီၤလၢ, “ယွၤမၤပူၤဖျဲးအပှၤဂီၢ်မုၢ်န့ၣ်လီၤ.”

စံးထီၣ်ပတြၢၤ 48:14

ကစၢ်ယွၤအံၤမ့ၢ်ပကစၢ်ယွၤအစိၤစိၤအဃၣ်ဃၣ်, ဒီးကဆှၢပှၤလၢဆၢကတီၢ်လၢကဟဲန့ၣ်လီၤ.

စံးထီၣ်ပတြၢၤ 71:9

လၢယသးပှၢ်အဆၢကတီၢ်န့ၣ်ကွံာ်တ့ၢ်ကွံာ်ယၤတဂ့ၤ. ဖဲယဂံၢ်ယဘါလၢာ်ဒီးလဲၤသဒၣ်ယၤတဂ့ၤ.

စံးထီၣ်ပတြၢၤ 78:4

ပတပာ်တဒၢတၢ်သ့ၣ်တဖၣ်န့ၣ်လၢပဖိတဖၣ်ဘၣ်. ပကတဲဘၣ်ပှၤလၢခံတစိၤ လၢယွၤအတၢ်မၤအဒိၣ်အမုၢ်တဖၣ် ဒီးအစိအကမီၤ, ဒီးအတၢ်မၤလီၤလးတဖၣ်လၢအမၤတ့ၢ်ဝဲန့ၣ်လီၤ.

စံးထီၣ်ပတြၢၤ 78:6

ဒ်သိးပှၤလၢခံတစိၤကမၤလိတၢ်သ့ၣ်တဖၣ်န့ၣ်, ဒီးမၤကဒီးတဆီအဝဲသ့ၣ်ကတဲက့ၤ အဖိအလံၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 13:8

ဖဲဘူၣ်စးထီၣ်န့ၣ်, တဲနၢ်ပၢၢ်သုဖိခွါတဖၣ်လၢသုမၤတၢ်အံၤ န့ၣ်မ့ၢ်လၢယွၤမၤတ့ၢ်တၢ်လၢသုဂီၢ်ဖဲသုဟးထီၣ်လၢကီၢ်အဲၤ ကူပတူးအဃိန့ၣ်တက့ၢ်.

လံာ်ယၡါယၤ 46:4

ယမ့ၢ်သုကစၢ်ယွၤဒီးယကသူၣ်အိၣ်သးအိၣ်သု တုၤသုသးပှၢ်ထီၣ်ဒီးသုခိၣ်ဝါလီၤ. ယတ့လီၤသုဒီးယကအံးထွဲကွၢ်ထွဲသုလီၤ. ယကဟ့ၣ်သုတၢ်မၤစၢၤဒီးမၤပူၤမၤဖျဲးသုလီၤ.

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

မၤတၢ် 13:36

အဂ့ၢ်ဒ်အံၤ, စီၤဒၤဝံးမၤတၢ်လၢကစၢ်ယွၤတိာ်ပာ်တ့ၢ်လၢအဂီၢ်လၢ အစိၤအဆၢကတီၢ်ဒၣ်ဝဲဝံၤအလီၢ်ခံသံဝဲ, ဘၣ်တၢ်ခူၣ်လီၤအီၤလၢအပၢ်လၢပျၢၤတဖၣ်အသိးအကျါဒီး အုၣ်ကွံာ်ကျၣ်ကွံာ်ဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:15

(စီၤဧ့လံၤန့ၣ်ခဲအံၤအသးအိၣ်လံခွံဆံဃိးနံၣ်ဒီးအမဲာ်ချံဘူးကခံးလီၤ လၢာ်လၢာ်ဆ့ဆ့လံ.)

လံာ်စီၤၡမူၤအ့လးအခီၣ်ထံးတဘ့ၣ် 4:18

တုၤပှၤတဂၤန့ၣ်ယၢၤထီၣ်ယွၤအတၢ်အၢၣ်လီၤအီလီၤအတလါစီဆှံအဂ့ၢ်န့ၣ် စီၤဧ့လံၤလီၤကဒါဆူလီၢ်ခံလၢအလီၢ်ဆ့ၣ်နီၤဖီခိၣ်ဘူးဒီး ကျဲစၢၤန့ၣ်လီၤ. အဝဲအသးပှၢ်ဒိၣ်မးဒီးဘီၣ်ဒိၣ်မးတုၤဒၣ်လဲာ် အတၢ်လီၤဃံၤန့ၣ်မၤကၢ်ကွံာ်အကိာ်ဒီးသံဝဲဒၣ်လီၤ. အဝဲမ့ၢ်တ့ၢ်ကီၢ်အံၣ်စရ့လးအခိၣ်အနၢ်တဂၤလၢအနံၣ်လွံၢ်ဆံ အပူၤန့ၣ်လီၤ.