စံးထီၣ်ပတြၢၤ 71:10 - Sgaw Karen Common Bible

¹⁰ အဂ့ၢ်ဒ်အံၤ, ယဒုၣ်ယဒါကတိၤတဖၣ်ထီဒါယၤ, ဒီးပှၤလၢအကွၢ်ဟုၣ်ယသးန့ၣ် ကူၣ်ထီၣ်ဖးလီၤတၢ်အၢတပူၤဃီထီဒါယၤလီၤ.

စံးထီၣ်ပတြၢၤ 71:10 Iomraidhean Croise

စံးထီၣ်ပတြၢၤ 10:9

အိၣ်ခိးဝဲလၢတၢ်ခူသူၣ်အပူၤဒ် ခ့ယုၢ်လၢတပှီာ်အကျါအသိး, အိၣ်ခိးဝဲဒ်သိးကဖီၣ်န့ၢ်ပှၤဖှီၣ်ဖိယာ်ဖိ ဒီးဖီၣ်န့ၢ်အဝဲသ့ၣ်လၢအပျံၤသကွီၤအပူၤ ဒီးထုးတြူာ်ကွံာ်အီၤန့ၣ်လီၤ.

စံးထီၣ်ပတြၢၤ 109:20

ယွၤဧၢ, စံၣ်ညီၣ်ယဒုၣ်ယဒါတဖၣ်လၢကျဲဒ်န့ၣ်, ပှၤတဖၣ်လၢအစံးအၢထီဒါယၤ ဒ်သိးန့ၣ်တက့ၢ်.

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

စံးထီၣ်ပတြၢၤ 31:13

ယနၢ်ဟူယဒုၣ်ယဒါအါဂၤကတိၤကသွံတၢ်, တၢ်လီၤပျံၤအိၣ်ဝးတရံးယၤလီၤ. အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ, ကူၣ်ထီၣ်လၢကမၤသံယၤလီၤ.

စံးထီၣ်ပတြၢၤ 56:6

အဝဲသ့ၣ်အိၣ်ဖှိၣ်ရိဖှိၣ်တပူၤဃီ, လၢတၢ်ခူသူၣ်, ဒီးကွၢ်ယခီၣ်ခါတဖၣ် ဒ်အဝဲသ့ၣ်ခိးကွၢ်တ့ၢ်ယသးသမူအသိးန့ၣ်လီၤ.

စံးထီၣ်ပတြၢၤ 83:3

အဝဲသ့ၣ်ကူၣ်ထီၣ်တၢ်ကူၣ်ခူသူၣ်ထီဒါနပှၤဂီၢ်မုၢ် ဒီးကူၣ်တၢ်အၢထီဒါပှၤလၢနကဟုဘံၣ်ကယာ်ဘၢ အီၤတဖၣ်န့ၣ်လီၤ.

တၢ်ကတိၤဒိ. 1:11

အဒိအဝဲသ့ၣ်ကစံး, “ဟဲ, ပကလဲၤဆူပှၤတဂၤဂၤလၢပကမၤသံအီၤ အအိၣ်တက့ၢ်. မ်ပကမၤဒၢၣ်ပှၤလၢအတၢ်ကမၣ် တအိၣ်တဖၣ်လၢတၢ်မၤမုာ်ပသးဒၣ်ဝဲအဂီၢ်တက့ၢ်.

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:11

မုၢ်တနၤဃီန့ၣ်, စီၤစီလူးမၢလီၤပှၤလဲၤခိးကွၢ်စီၤဒၤဝံး အဟံၣ်ဒီးမၢအမၤသံကွံာ်အီၤလၢမုၢ်ဆ့ၣ်ထီၣ်န့ၣ်လီၤ. စီၤဒၤဝံးအမါနီၢ်မံကၤလးဟ့ၣ်ပလီၢ်အီၤ, “နမ့ၢ်တဟးထီၣ်ကွံာ်တနၤညါအံၤန့ၣ်, ခဲမုၢ်ဆ့ၣ်နကသံလီၤ.”