စံးထီၣ်ပတြၢၤ 70:4 - Sgaw Karen Common Bible

⁴ ပှၤလၢအဃုနၤခဲလၢာ်န့ၣ် မ်အသူၣ်ဖှံသးညီဒီးသူၣ်ခုသးခုလၢနပူၤတက့ၢ်. မ်ပှၤလၢအအဲၣ်နတၢ်အုၣ်က့ၤခီၣ်က့ၤတဖၣ်န့ၣ် စံးဝဲထီဘိ “ကစၢ်ယွၤန့ၣ်ဒိၣ်ဝဲ” န့ၣ်တက့ၢ်.

စံးထီၣ်ပတြၢၤ 70:4 Iomraidhean Croise

စံးထီၣ်ပတြၢၤ 35:27

မ်ပှၤလၢအဆၢထံၣ်ဘၣ်ယၤလၢ တၢ်ပာ်တၢ်ကမၣ်အလီၢ်တအိၣ်ဘၣ်န့ၣ် ကိးထီၣ်လၢတၢ်သးခုအဂီၢ်ဒီးစံးထီဘိ, “ယွၤန့ၣ်ဒိၣ်ဝဲလီၤ.” အဝဲဘၣ်သူၣ်ဘၣ်သးလၢ အခ့အပှၤအတၢ်ကဲထီၣ်လိၣ်ထီၣ်န့ၣ်လီၤ.

စံးထီၣ်ပတြၢၤ 40:16

မ်ပှၤလၢအဟဲဆူနအိၣ်ခဲလၢာ် ကသူၣ်ခုသးခုဒီးသူၣ်ဖှံသးညီန့ၣ်တက့ၢ်. မ်ပှၤလၢအစံးဘျုးနၤလၢ နတၢ်အုၣ်က့ၤခီၣ်က့ၤအဂီၢ်ခဲလၢာ် စံးထီဘိ, ‘‘ယွၤန့ၣ်ဒိၣ်ဝဲလီၤ’’ န့ၣ်တက့ၢ်.

စံးထီၣ်ပတြၢၤ 5:11

မ့မ့ၢ်ကယဲၢ်ပှၤလၢအအိၣ်တဒၢလၢနပူၤန့ၣ် မ်အသူၣ်ခုသးခု, သူၣ်ဖှံသးညီတက့ၢ်. မ်အသူၣ်ဝံၣ်သးဆၢတၢ်လၢတၢ်သးခုအပူၤ တဘိယူၢ်ဃီတက့ၢ်. ပှၤလၢအအဲၣ်နမံၤန့ၣ်ကဟုကယာ်အီၤ, ဒ်သိးကသူၣ်ဖှံသးညီလၢနပူၤန့ၣ်တက့ၢ်.

စံးထီၣ်ပတြၢၤ 97:12

သုဝဲပှၤတီပှၤလိၤသ့ၣ်ဧၢ, သူၣ်ခုသးခုလၢ တၢ်လၢယွၤမၤတ့ၢ်အဃိန့ၣ်တက့ၢ်. သ့ၣ်နီၣ်ထီၣ်က့ၤတၢ်လၢကစၢ်ယွၤစီဆှံမၤတ့ၢ်ဝဲ, ဒီးစံးထီၣ်ပတြၢၤအီၤန့ၣ်တက့ၢ်.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်သးသယုၢ်တၢ် 3:25

ယွၤန့ၣ်ဂ့ၤဝဲလၢကယဲၢ်ပှၤလၢအအိၣ်ခိးအီၤဒီးပှၤလၢအသးဃု အီၤတဖၣ်အဂီၢ်လီၤ.

လံာ်ယိၤဟၣ် 16:20

ယစံးဘၣ်တဲဘၣ်သုတၢ်မ့ၢ်တၢ်တီ, သုကဟီၣ်သုကယၢၤဘၣ်ဆၣ်ဒီး ဟီၣ်ခိၣ်ကသးခုလီၤ. သုကသူၣ်အုးသးအုးဘၣ်ဆၣ်ဒီး သုတၢ်သူၣ်အုးသးအုးန့ၣ်, ကကဲထီၣ်ကဒါက့ၤလၢ တၢ်သူၣ်ခုသးခု န့ၣ်လီၤ.