စံးထီၣ်ပတြၢၤ 70:3 - Sgaw Karen Common Bible

³ ပှၤလၢအစံး, အၣ်ဟါ, အၣ်ဟါန့ၣ် မ်အဘၣ်တၢ်မၤပျံၤမၤဖုးအီၤလၢ အတၢ်မဲာ်ဆှးအဃိန့ၣ်တက့ၢ်.

စံးထီၣ်ပတြၢၤ 70:3 Iomraidhean Croise

စံးထီၣ်ပတြၢၤ 35:21

အဝဲသ့ၣ်အဲးထီၣ်အထးခိၣ်ဖးလဲၢ်ဒီးကတိၤထီဒါယၤ, “အၣ်ဟါ, အၣ်ဟါ, ပထံၣ်တၢ်လၢနမၤတ့ၢ်လီၤ.”

စံးထီၣ်ပတြၢၤ 35:25

တဘၣ်ပျဲအဝဲသ့ၣ်စံးလီၤအသးဒၣ်ဝဲလၢ, “အၣ်ဟါ, ပတၢ်အလိၣ်လၢပှဲၤလံ.” မ်အသုတစံးပယူၢ်လီၤကွံာ်လံအီၤလံန့ၣ်တဂ့ၤ.

စံးထီၣ်ပတြၢၤ 40:15

မ်ပှၤလၢအနံၤဘၣ်ဖၣ်လဲယၤတဖၣ်န့ၣ် အမဲာ်ဆှးလီၤက့ၤအသးတုၤ အမၤက့ၤတၢ်မၤတသ့ဘၣ်နီတမံၤန့ၣ်တက့ၢ်.

စံးထီၣ်ပတြၢၤ 71:13

ပှၤလၢအဃုယသး ဒ်သိးကမၤဟးဂီၤယၤန့ၣ် မ်အဘၣ်တၢ်မဲာ်ဆှးဒီးဟးဂီၤကွံာ်န့ၣ်တက့ၢ်. ပှၤလၢအဃုယတၢ်ဟးဂီၤတဖၣ်န့ၣ် မ်အဘၣ်တၢ်လုၣ်ဘၢကွံာ်အီၤလၢတၢ်ဒုၣ်ဒွဲၣ်, ဒီးတၢ်မၤမဲာ်ဆှးန့ၣ်တက့ၢ်.

စံးထီၣ်ပတြၢၤ 71:24

ဒီးယပျ့ၤကစံးကတိၤနတၢ်တီတၢ်လိၤ အတၢ်မၤစၢၤသ့သ့တနံၤလီၤ. အဂ့ၢ်ဒ်အံၤ, ပှၤလၢအဃုမၤဟးဂီၤယၤတဖၣ်န့ၣ် အမဲာ်ဆှးဒီးဘၣ်တၢ်ပာ်မဲာ်ဆှးအီၤလီၤ.

လံာ်ယဃ့းစက့လး 25:3

တဲဘၣ်အဝဲသ့ၣ်လၢကဒိကနၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. သုဘၣ်သူၣ်ဘၣ်သးတ့ၢ်လၢသုထံၣ်ဘၣ်ယတၢ်လုၢ်ဟံၣ်ဘၣ်တၢ်မၤ တရီတပါအီၤ, သုထံၣ်ဘၣ်ကီၢ်အံၣ်စရ့လးဘၣ်တၢ်မၤဟးဂီၤဒီးမၤအိၣ်သယုၢ်အီၤ, သုထံၣ်ဘၣ်ကီၢ်ယူဒၤအပှၤဂီၢ်မုၢ်လဲၤဆူတၢ်စိာ်မၢကဲကုၢ်အပူၤ အဃိန့ၣ်လီၤ.

လံာ်ယဃ့းစက့လး 26:2

အဒ်မ်ဝဲစံးဝဲဒၣ်, “ပှၤကညီလၢအသံသ့ဧၢ, အအံၤမ့ၢ်တၢ်လၢပှၤဂီၢ်မုၢ်လၢဝ့ၢ်ထါယၢၣ်အပူၤကိး ပသူထီၣ်တၢ်သူၣ်ဖှံသးညီအပူၤအဂ့ၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, ဝ့ၢ်ယရူၤၡလ့ၣ်ဟးဂီၤလီၤပြံလီၤပြါ ကွံာ်လံ. အပနံၣ်တၢ်ကၤတၢ်အတၢ်မၤအစိကမီၤန့ၣ်ဟးဂီၤကွံာ်လံ. အဝဲတမ့ၢ်လၢၤပှၤပြၢလိာ်အသးဒီးပှၤနီတစုလၢၤဘၣ်.

လံာ်ယဃ့းစက့လး 36:2

ယွၤပၢဘၣ်တၢ်ခဲလၢာ်ကစၢ်အတၢ်ကစီၣ်လၢအဝဲသ့ၣ်အဂီၢ်န့ၣ် တက့ၢ်. ကီၢ်အံၣ်စရ့လးအဒုၣ်အဒါတဖၣ်ကွၢ်စူၣ်တၢ်လၢ တၢ်သးခုခူသူၣ်အပူၤဒီးစံးဝဲဒၣ်လၢ, ခဲကနံၣ်အံၤတၢ်လုၢ် လၢပျၢၤတဖၣ်န့ၣ်မ့ၢ်ပတၢ်လီၤ.

မၤတၢ် 1:18

(စ့လၢစီၤယူဒၤမၤန့ၢ်ဝဲခီဖျိအမၤတၢ်လၢအအၢတမံၤန့ၣ်, အဝဲဒၣ်ပှ့ၤန့ၢ်ဟီၣ်ခိၣ်တကဝီၤ, ဒီးလီၤတဲာ်ဆှိခိၣ်လၢအပူၤန့ၣ်လီၤ. အဟၢဖၢပိၢ်ဖးဒီးအပှံာ်အကဖုတဖၣ်လီၤလဲာ်ကွံာ်ခဲလၢာ်လီၤ.