စံးထီၣ်ပတြၢၤ 70:2 - Sgaw Karen Common Bible

² ပှၤလၢအဃုယသးသမူတဖၣ်န့ၣ် မ်အဘၣ်တၢ်မၤမဲာ်ဆှးဒီး ဘၣ်တၢ်မၤကဒံကဒါအီၤန့ၣ်တက့ၢ်. ပှၤလၢအဆၢမၤဆါယၤန့ၣ် မ်အဝဲသ့ၣ်ဂုၤက့ၤဆူအလီၢ်ခံဒီး ဘၣ်တၢ်မၤဟးဂီၤအလၤကပီၤန့ၣ်တက့ၢ်.

စံးထီၣ်ပတြၢၤ 70:2 Iomraidhean Croise

စံးထီၣ်ပတြၢၤ 109:29

မ်ယဒုၣ်ယဒါတဖၣ်ဘၣ်တၢ်ကျၢၢ်ဘၢအီၤလၢ တၢ်မၤမဲာ်ဆှးန့ၣ်တက့ၢ်. မ်အဝဲသ့ၣ်ကသိးထီၣ်အတၢ်မဲာ်ဆှး လီၤဂာ်ဒ်ဆ့ကၤတဘ့ၣ်အသိးန့ၣ်တက့ၢ်.

စံးထီၣ်ပတြၢၤ 141:1

ယွၤဧၢ, ယကိးထီၣ်နၤလီၤ. မၤချ့ချ့လၢယဂီၢ်တက့ၢ်. တုၤယကိးထီၣ်နၤဒီး, ကနၣ်ယကလုၢ်တက့ၢ်.

စံးထီၣ်ပတြၢၤ 22:12

ဒုၣ်ဒါအါဂၤကဝီၤဃာ်ယၤဒ်ဂီၤဖံးဖါတဖၣ်အသိး, အဝဲသ့ၣ်အိၣ်ဝးတရံးယၤဒ်ဂီၤဖံးဖါလၢအအၢ လၢအအိၣ်လၢကီၢ်ဘၤၡၣ်အသိးန့ၣ်လီၤ.

စံးထီၣ်ပတြၢၤ 22:20

မၤပူၤဖျဲးယၤလၢနး, မၤပူၤဖျဲးယသးသမူလၢထွံၣ်တဖၣ်အံၤတက့ၢ်.

စံးထီၣ်ပတြၢၤ 35:26

ပှၤလၢအသူၣ်ခုသးခုဝဲလၢယတၢ်နးတၢ်ဖှီၣ်အဃိန့ၣ်, မ်ကဘၣ်တၢ်မၤမဲာ်ဆှးဒီးတၢ်မၤနၢၤကွံာ်အီၤ လၢာ်လၢာ်ဆ့ဆ့န့ၣ်တက့ၢ်. ပှၤလၢအပာ်ဒိၣ်အသးထီဒါယၤတဖၣ်န့ၣ်, မ်အဘၣ်တၢ်ဒုးကူဒုးသိးအီၤလၢတၢ်မဲာ်ဆှးဒီး တၢ်မၤဟးဂီၤအလၤကပီၤန့ၣ်တက့ၢ်.

စံးထီၣ်ပတြၢၤ 35:4

ပှၤလၢအဂုာ်ကျဲးစၢးမၤသံယၤန့ၣ်, မ်အဘၣ်တၢ်မၤနၢၤအီၤဒီး ဘၣ်တၢ်မၤမဲာ်ဆှးအီၤတက့ၢ်. ပှၤလၢအကူၣ်တၢ်အၢထီဒါယၤန့ၣ်, မ်အဘၣ်တၢ်ဃၣ်ကဒါက့ၤအီၤဒီး မၤကတုၤအသးန့ၣ်တက့ၢ်.

စံးထီၣ်ပတြၢၤ 40:14

မ်ပှၤလၢအဂုာ်ကျဲးစၢးမၤသံယၤတဖၣ် ဘၣ်တၢ်မၤနၢၤဒီးဘၣ်တၢ်မၤသဘံၣ်ဘုၣ်ကွံာ်အီၤ လၢာ်လၢာ်ဆ့ဆ့ မ်ပှၤလၢအသးခုလၢယတၢ်ဘၣ်ကိၢ်ဘၣ်ဂီၤအဃိန့ၣ်, ဘၣ်တၢ်မၤဃၣ်ကွံာ်အီၤဒီး ဘၣ်တၢ်မၤမဲာ်ဆှးအီၤန့ၣ်တက့ၢ်.

စံးထီၣ်ပတြၢၤ 6:10

ယဒုၣ်ယဒါခဲလၢာ်န့ၣ်အမဲာ်ကဆှး ဒီး ကပျံၤတၢ်ဖုးတၢ်ဒိၣ်မး, ကက့ၤကဒါက့ၤဆူအလီၢ်ခံ လၢတၢ်သဘံၣ်ဘုၣ်သတူၢ်ကလာ်အပူၤလီၤ.

စံးထီၣ်ပတြၢၤ 71:12

ကစၢ်ယွၤဧၢ, အိၣ်ယံၤဒီးယၤတဂ့ၤ. ယကစၢ်ယွၤဧၢ, မၤချ့ချ့လၢတၢ်မၤစၢၤယၤအဂီၢ်န့ၣ်တက့ၢ်.

စံးထီၣ်ပတြၢၤ 71:13

ပှၤလၢအဃုယသး ဒ်သိးကမၤဟးဂီၤယၤန့ၣ် မ်အဘၣ်တၢ်မဲာ်ဆှးဒီးဟးဂီၤကွံာ်န့ၣ်တက့ၢ်. ပှၤလၢအဃုယတၢ်ဟးဂီၤတဖၣ်န့ၣ် မ်အဘၣ်တၢ်လုၣ်ဘၢကွံာ်အီၤလၢတၢ်ဒုၣ်ဒွဲၣ်, ဒီးတၢ်မၤမဲာ်ဆှးန့ၣ်တက့ၢ်.

လံာ်ယၡါယၤ 28:13

လၢတၢ်န့ၣ်အဃိ, ယွၤကသိၣ်လိသုလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ. အန့ၣ်ဒီးသုခီၣ်ကဘၣ်တိၢ်လၢခီၣ်ကါလၢသုခါထီၣ်ကိးကါဒဲးလီၤ. သုကဘၣ်ဒိဘၣ်ထံး, ဘၣ်ပျံၤသကွီၤ, ဒီးဘၣ်တၢ်ဖီၣ်န့ၢ်ဒ်ပှၤဃိာ်ဖိအသိးလီၤ.

လံာ်ယၡါယၤ 41:11

ပှၤလၢအသးထီၣ်ဘၣ်သုတဖၣ်ကသ့ၣ်ညါဘၣ်တၢ်ဃၣ်ကွံာ်အတၢ်မဲာ်ဆှး န့ၣ်လီၤ. ပှၤလၢအဒုးတၢ်ထီဒါသုတဖၣ်ကသံဝဲလီၤ.

လံာ်ယိၤဟၣ် 18:6

ဖဲန့ၣ်ယ့ၣ်ၡူးစံးဘၣ်အဝဲသ့ၣ်လၢ, “ယမ့ၢ်ပှၤအဝဲန့ၣ်လီၤ” န့ၣ်, အဝဲသ့ၣ်ဂုၤက့ၤဆူအလီၢ်ခံဒီးလီၤဃံၤဝဲလၢဟီၣ်ခိၣ် အလိၤန့ၣ်လီၤ.