စံးထီၣ်ပတြၢၤ 7:6 - Sgaw Karen Common Bible

⁶ ယွၤဧၢ, ဂဲၤဆၢထၢၣ်လၢနတၢ်သးထီၣ်အပူၤတက့ၢ်. ဆၢထၢၣ်ထီဒါယဒုၣ်ယဒါသ့ၣ်တဖၣ် အတၢ်သးကဲၤထီၣ်, ဖုသံနီၣ်ဒီးမၤစၢၤလၢ်ယၤတက့ၢ်. တၢ်တီတၢ်လိၤန့ၣ်မ့ၢ်တၢ်လၢ နဃ့ဒီးမၤလိာ်အီၤန့ၣ်လီၤ.

စံးထီၣ်ပတြၢၤ 7:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

စံးထီၣ်ပတြၢၤ 103:6

ယွၤမၤတၢ်တီတၢ်လိၤဒီးတၢ်မ့ၢ်တၢ်တီလၢ ကယဲၢ်ပှၤလၢတၢ်မၤအၢမၤနးအီၤအဂီၢ်လီၤ.

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 138:7

တုၤယလဲၤလၢတၢ်နးတၢ်ဖှီၣ်အပူၤန့ၣ်ဒီး, နပာ်ကီၤယသးသမူ, နယူာ်ထီၣ်နစုထီဒါယဒုၣ်ယဒါအတၢ်သးထီၣ် ဒီးနစုထွဲမၤပူၤဖျဲးယၤလီၤ.

စံးထီၣ်ပတြၢၤ 143:3

ယဒုၣ်ယဒါတဖၣ်လူၤမၤလီၤဃံၤတ့ၢ်ယၤ ဒီးမၤနၢၤကွံာ်တ့ၢ်လံယၤလၢာ်လၢာ်ဆ့ဆ့န့ၣ်လီၤ. ပာ်ယၤလၢတၢ်ခံးတၢ်နၤအတၢ်စၢဃာ်အပူၤ ဒီးယမၤယသးလီၤဂာ်ဒ် ပှၤလၢအသံတ့ၢ်ဃဲးဃဲးအသိးန့ၣ်လီၤ.

စံးထီၣ်ပတြၢၤ 3:7

ယွၤဧၢ, ဂဲၤဆၢထၢၣ်တက့ၢ်. ယကစၢ်ယွၤဧၢ, အုၣ်က့ၤခီၣ်က့ၤယၤတက့ၢ်. နကျီကွံာ်လံယဒုၣ်ယဒါအခၣ်ဃံခဲလၢာ်လံ. နမၤပိာ်လံပှၤတတီတလိၤဘၣ်တဖၣ်အမဲလံ.

စံးထီၣ်ပတြၢၤ 35:1

ယွၤဧၢ, ထီဒါပှၤလၢအထီဒါယၤ, ဒီးဒုးပှၤလၢအဒုးထီဒါယၤတက့ၢ်.

စံးထီၣ်ပတြၢၤ 35:23

ထိၣ်ဂဲၤထီၣ်နသး, ဒီးဖုသံနီၣ်ထီၣ်လၢနကဒီဒၣ်ယၤ ဒီးကတိၤပူၤဖျဲးန့ၢ်တၢ်လၢယကွီၢ်အဂီၢ်တက့ၢ်. ယွၤယကစၢ်ယွၤဧၢ,

စံးထီၣ်ပတြၢၤ 44:23

ယွၤဧၢ, ဖုသံနီၣ်ထီၣ်တက့ၢ်, ဘၣ်မနုၤလၢနမံန့ၣ်လဲၣ်. ဂဲၤထၢၣ်တက့ၢ်. တဘၣ်စူးကွံာ်ပှၤထီဘိန့ၣ်တဂ့ၤ.

စံးထီၣ်ပတြၢၤ 44:26

ဟဲလၢနကမၤစၢၤပှၤအဂီၢ်, ဒီးမၤပူၤမၤဖျဲးပှၤလၢနတၢ်အဲၣ်လၢ အအိၣ်စံၣ်အိၣ်ကျၢၤအဃိန့ၣ်တက့ၢ်.

စံးထီၣ်ပတြၢၤ 59:5

ဂဲၤဆၢထၢၣ်, ယွၤ, သ့တၢ်လၢာ်အကစၢ်ယွၤဧၢ, ဟဲလၢတၢ်မၤစၢၤယၤအဂီၢ်တက့ၢ်. အံၣ်စရ့လးအကစၢ်ယွၤဧၢ, ဟဲကွၢ်လၢနကစၢ်ဒၣ်နဲတက့ၢ်. ဖုသံနီၣ်ထီၣ်ဒီးစံၣ်ညီၣ်ပှၤလၢ တဘူၣ်ထီၣ်ဘါထီၣ်နၤတဖၣ်, ဒုးနဲၣ်နတၢ်သးကညီၤဆူပှၤကူၣ်လီတၢ်တဖၣ် နီတစဲးတဂ့ၤ. စ့လၤ

စံးထီၣ်ပတြၢၤ 73:20

အဝဲသ့ၣ်လီၤဂာ်ဒ်တၢ်မံမီၢ်လၢအလဲၤပူၤကွံာ် လၢမုၢ်ဂီၤအသိးန့ၣ်လီၤ. ကစၢ်ယွၤဧၢ, တုၤနထိၣ်ဂဲၤထီၣ်နသးန့ၣ်ဒီး အဝဲသ့ၣ်ဟါမၢ်ကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 74:3

ပဒုၣ်ပဒါတဖၣ်မၤဟးဂီၤတ့ၢ်လံတၢ်ခဲလၢာ်လၢ အအိၣ်လၢတၢ်လုၢ်ဟံၣ်အပူၤန့ၣ်လံ. ကွၢ်ဃုသ့ၣ်ညါတၢ်ဟးဂီၤလၢာ်လၢာ်ဆ့ဆ့ တဖၣ်အံၤန့ၣ်တက့ၢ်.

စံးထီၣ်ပတြၢၤ 78:65

အန့ၣ်ဒီးယွၤဖုသံနီၣ်ထီၣ်ဒ်ပှၤလၢအမံအသိး, ဒီးဒ်ပှၤဂံၢ်ဆူၣ်ဘါဆူၣ်လၢအကိးပသူထီၣ်လၢ စပံးထံအဃိအသိးန့ၣ်လီၤ.

လံာ်ယၡါယၤ 3:13

ယွၤအိၣ်ကတဲာ်ကတီၤအသးလၢကတဲဖျါထီၣ်အကွီၢ်, ဒီးအိၣ်ကတဲာ်ကတီၤအသးလၢကစံၣ်ညီၣ်အပှၤဂီၢ်မုၢ်လီၤ.

လံာ်ယၡါယၤ 33:10

ယွၤစံးဘၣ်ပှၤကလုာ်တဖၣ်, “ခဲကနံၣ်အံၤ, ယကမၤတၢ်လီၤ. ယကဒုးနဲၣ်လၢယစိကမီၤဒိၣ်ထဲလဲၣ်ထဲလဲၣ်န့ၣ်လီၤ.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 51:9

ယွၤဧၢ, ဖုးသံနီၣ်ထီၣ်ဒီးမၤစၢၤပှၤတက့ၢ်. သူနတၢ်စိတၢ်ကမီၤဒီးအုၣ်က့ၤခီၣ်က့ၤပှၤတက့ၢ်, သူအီၤဒ်နသူတ့ၢ်အီၤလၢပျၢၤ လၢကစၢၤအသိးန့ၣ်တက့ၢ်. နမ့ၢ်တ့ၢ်ပှၤလၢအကျီကွံာ်ပီၣ်လဲၣ် အတၢ်မုၢ်ဃၢ်ဖးဒိၣ်ရၤဃးတကူာ်တကူာ်န့ၣ်လီၤ.