စံးထီၣ်ပတြၢၤ 7:4 - Sgaw Karen Common Bible

⁴ ယမ့ၢ်မၤဆၢက့ၤယတံၤသကိးလၢ တၢ်အၢတၢ်သီမ့တမ့ၢ်မၤတရီတပါယဒုၣ်ယဒါလၢ တၢ်ကလီကလီအပူၤဒီး,

စံးထီၣ်ပတြၢၤ 7:4 Iomraidhean Croise

လံာ်တၢ်ကဲထီၣ်အခီၣ်ထံး 44:4

ဖဲအဝဲသ့ၣ်ဟးပူၤထီၣ်ဒီးဝ့ၢ်တယံၤအါအါဘၣ်န့ၣ်, စီၤယိၤသးစံးဘၣ်ဟံၣ်အတၢ်ခ့တၢ်ပှၤအခိၣ်, “လူၤပိာ်ထွဲပှၤတဖၣ်န့ၣ်အခံချ့ချ့တက့ၢ်. ဖဲနချုးန့ၢ်အဝဲသ့ၣ်န့ၣ်, သံကွၢ်အီၤ, ဘၣ်မနုၤအဟ့ၣ်ဆၢတၢ်အၢလၢတၢ်ဂ့ၤအဂီၢ်န့ၣ်လဲၣ်.

လံာ်တၢ်ကဲထီၣ်အခီၣ်ထံး 44:9

ကစၢ်ဧၢ, ပှၤလၢပကျါတဂၤဂၤမ့ၢ်ဘၣ်တၢ်ထံၣ်န့ၢ်အီၤလၢတၢ်န့ၣ် အိၣ်လၢအအိၣ်ဒီး, အဝဲကဘၣ်တၢ်မၤသံအီၤဒီးပဝဲပှၤအိၣ်လီၤတဲာ်တဖၣ်ပကကဲထီၣ် နကုၢ်တဖၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:8

နဟံးန့ၢ်ကွံာ်စီၤစီလူးအဘီအမုၢ်, ဒီးခဲကနံၣ်အံၤယွၤစံၣ် ညီၣ်နၤ, လၢနမၤသံတ့ၢ်စီၤစီလူးအဟံၣ်ဖိဃီဖိအါအါဂီၢ်ဂီၢ်အဃိန့ၣ် လီၤ. ယွၤဟ့ၣ်လီၤလံဘီမုၢ်ဆူနဖိခွါစီၤအးဘၡါလိၣ်အစုပူၤ, ဒီးနဲဒၣ်ပှၤမၤသံမၤဝီတၢ်ဧၢ, နဟးဂီၤလံ.”

လံာ်စီၤယိၤဘး 31:22

မ်ယစုဒုၣ်စုတီၤဘၣ်တၢ်မၤကၢ်ကွံာ်အီၤဒီးမၤလီၤဖျူကွံာ်အီၤ လၢယဖံဘၣ်ခိၣ်န့ၣ်တက့ၢ်.

လံာ်စီၤယိၤဘး 31:7

ယခီၣ်ခါမ့ၢ်ဃၣ်ကွံာ်အသးလၢကျဲအတီဒီးယသးမ့ၢ်ကတၢ ထွဲယမဲာ်ချံအတၢ်ထံၣ်ဒီးယစုမ့ၢ်ဘၣ်အၢလၢတၢ်ဒဲးဘးန့ၣ်ဒီး,

စံးထီၣ်ပတြၢၤ 109:5

အဝဲသ့ၣ်ဟ့ၣ်ဆၢက့ၤယၤတၢ်အၢလၢတၢ်ဂ့ၤအဂီၢ် ဒီးတၢ်သးဟ့လၢတၢ်အဲၣ်အဂီၢ်လီၤ.

စံးထီၣ်ပတြၢၤ 55:20

ယတံၤသကိးယူာ်ထီၣ်အစုထီဒါ အတံၤသကိးသ့ၣ်တဖၣ် ဒီးမၤဟးဂီၤအတၢ်အၢၣ်လီၤအီလီၤတဖၣ်န့ၣ်လီၤ.

တၢ်ကတိၤဒိ. 17:3

ထူဒီးစ့ဘၣ်တၢ်မၤကွၢ်အီၤလၢမ့ၣ်အူဒီးပှၤကညီတဂၤအသးန့ၣ် ဘၣ်တၢ်မၤကွၢ်အီၤလၢယွၤလီၤ.

မၤတၢ် 16:28

ဘၣ်ဆၣ်ဒီးစီၤပီလူးကိးထီၣ်လၢအကလုၢ်ဖးဒိၣ်ဒီးစံးဝဲ, “မၤဆါလီၤနသးတဂ့ၤ. ပအိၣ်ပဝဲဖဲအံၤကိးဂၤဒဲးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 20:1

တုၤနုၤတစုစီၤဒၤဝံးထွးထီၣ်ဃ့ၢ်လၢနၤဝိးလၢဝ့ၢ်ရၤမါ ဒီးလဲၤဆူစီၤယိနၤသၣ်အအိၣ်လီၤ. စီၤဒၤဝံးသံကွၢ်ဝဲ, “မ့ၢ်ယမၤတ့ၢ်တၢ်မနုၤလဲၣ်. ယမၤတ့ၢ်တၢ်ကမၣ်ခီပတာ်တၢ်သိၣ်တၢ် သီမနုၤလဲၣ်. ယမၤကမၣ်ဘၣ်တ့ၢ်နပၢ်တုၤလၢအကဘၣ်အဲၣ်ဒီးမၤသံယၤန့ၣ်လၢမနုၤ တမံၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 22:14

စီၤအဃံၤမ့လ့းစံးဆၢဝဲဒၣ်, “စီၤဒၤဝံးမ့ၢ်သုးခိၣ်သုး နၢ်တဂၤလၢအသူၣ်တီသးလိၤဒီးနၤလၢနဒိးန့ၢ်ဘၣ်အီၤန့ၣ်လီၤ. အဝဲမ့ၢ်နမာ်ဒၣ်နဲဒီးပှၤပၢၤနသးသမူတဖၣ်အခိၣ်, ဒီးဘၣ်တၢ်ပာ်ကဲအီၤဒိၣ်မးလၢပှၤကိးဂၤလၢအအိၣ်လၢစီၤပၤအနူၢ်ပူၤစီၤပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:7

မၤသးဒ်န့ၣ်ဒီး, စီၤဒၤဝံးတဲနၢ်ပၢၢ်အပှၤတဖၣ်ဒ်သိးအဝဲသ့ၣ် သုတမၤအၢစီၤစီလူးတဂ့ၤလီၤ. စီၤစီလူးဂဲၤဆၢထၢၣ်ဒီးဟးထီၣ်လၢလၢၢ်ကအိပူၤဒီးစးထီၣ် အတၢ်လဲၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:21

စီၤစီလူးစံးဆၢဝဲဒၣ်, “ယမၤကမၣ်တ့ၢ်တၢ်လံ. ဟဲက့ၤကဒါက့ၤစီၤဒၤဝံး, ယဖိခွါဧၢ, ယတမၤဆါကဒီးနၤနီတစုလၢၤဘၣ်. အဂ့ၢ်ဒ်အံၤ, နပျဲပူၤဖျဲးယသးသမူလၢတနၤအံၤအဃိလီၤ. ယမ့ၢ်တ့ၢ်ပှၤအမၢးတဂၤလီၤ. ယမၤတ့ၢ်တၢ်အၢတၢ်သီဖးဒိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:24

ဒ်ယပျဲပူၤတ့ၢ်နသးသမူတနံၤအံၤအသိး, မ်ယွၤမၤတၢ်တမံၤဃီ လၢယၤဒီးမၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်ခဲလၢာ် န့ၣ်တက့ၢ်.”