စံးထီၣ်ပတြၢၤ 7:15 - Sgaw Karen Common Bible

¹⁵ ခူၣ်တၢ်ပူၤဒီးဘၢၣ်ဝဲ, ဒီးလီၤတဲာ်နုာ်ဆူတၢ်ပူၤလၢအခူၣ်ဝဲန့ၣ်လီၤ.

စံးထီၣ်ပတြၢၤ 7:15 Iomraidhean Croise

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်စီၤယိၤဘး 15:35

အဝဲသ့ၣ်တဖၣ်ဒၢထီၣ်တၢ်ကူၣ်ဟးဂီၤဒီးဆံးစၢ်တၢ်အၢတၢ်သီ န့ၣ်လီၤ. အဒၢလီၢ်တဖၣ်ဒုးကဲထီၣ်တၢ်လီတၢ်ဝ့ၤအက့ၢ်အဂီၤလီၤ.

လံာ်စီၤယိၤဘး 4:8

ဒ်ယထံၣ်တ့ၢ်ယဲအသိး, ပှၤလၢအထဲၣ်တၢ်အၢဒီးသူၣ်လီၤ တၢ်ကိၢ်တၢ်ဂီၤန့ၣ်ကူးဘၣ်က့ၤဝဲတၢ်န့ၣ်တမံၤဃီလီၤ.

လံာ်စီၤယိၤဘး 6:27

ဒီးသုကဖီၣ်ဒၣ်လဲာ်တၢ်ဖးလၢတၢ်မၤန့ၢ်ကုၢ်ဖိၣ်ဃဲဖိတဖၣ်အ ဂီၢ်ဒီးဆါလီၤကွံာ်သုတံၤသုသကိးတံၢ်နီၢ်တဖၣ်လၢသုကထူး ထီၣ်တီၤထီၣ်အဂီၢ်န့ၣ်လီၤ.

စံးထီၣ်ပတြၢၤ 10:2

ပှၤတတီတလိၤပာ်ကဖိအသးဒီး မၤနးမၤဖှီၣ်ပှၤဖှီၣ်ဖိယာ်ဖိ, ဒီးဖီၣ်န့ၢ်အီၤလၢအဝဲသ့ၣ်အတၢ်ကူၣ်အၢ အပျံၤသကွီၤအပူၤန့ၣ်လီၤ.

စံးထီၣ်ပတြၢၤ 119:85

ပှၤပာ်ထီၣ်ထီအသးတဖၣ် ခူၣ်လီၤတၢ်ပူၤလၢယဂီၢ်လီၤ. အဝဲသ့ၣ်မ့ၢ်ပှၤလၢတဒိကနၣ် ယွၤအတၢ်သိၣ်တၢ်သီဘၣ်န့ၣ်လီၤ.

စံးထီၣ်ပတြၢၤ 141:10

မ်ပှၤအၢပှၤသီလီၤတဲာ်ကွံာ်ဆူအပျံၤသကွီၤဒၣ်ဝဲအပူၤ, ဖဲယထူၣ်ဖျဲးန့ၣ်တက့ၢ်.

စံးထီၣ်ပတြၢၤ 57:6

ယဒုၣ်ယဒါသ့ၣ်တဖၣ်ရၤလီၤအပှာ် ဧိၤစၤဧိၤလၢကဖီၣ်န့ၢ်ယၤအဂီၢ်လီၤ. ယဘၣ်တၢ်မၤနၢၤယၤလၢတၢ်ကိၢ်တၢ်ဂီၤန့ၣ်လီၤ. အဝဲသ့ၣ်ခူၣ်လီၤတၢ်ပူၤလၢယကျဲ, ဘၣ်ဆၣ်အကစၢ်ဒၣ်ဝဲလီၤတဲာ်လၢတၢ်ပူၤန့ၣ်လီၤ. စ့လၤ

စံးထီၣ်ပတြၢၤ 94:13

နဟ့ၣ်အီၤတၢ်အိၣ်ဘှံး လၢတၢ်ကိၢ်တၢ်ဂီၤအမုၢ်နံၤတဖၣ်အပူၤန့ၣ် နဒုးအိၣ်ဘှံးအီၤ, တုၤလီၤလၢတၢ်ပူၤတပူၤဘၣ်တၢ်ခူၣ်အီၤလၢ တၢ်ကဖီၣ်န့ၢ်ပှၤတတီတလိၤအဂီၢ်န့ၣ်လီၤ.

တၢ်ကတိၤဒိ. 26:27

ပှၤလၢအပာ်လီၤထုတဖၣ်လၢပှၤဂၤအဂီၢ်န့ၣ်, အကစၢ်ဒၣ်ဝဲကဘၣ်က့ၤထုလီၤ. ပှၤလၢအဒုးအိၣ်ထီၣ်ဟီၣ်ခိၣ်အတၢ်လီၤလာ်န့ၣ်, အကစၢ်ဒၣ်ဝဲတၢ်ကလီၤလာ်ဒိးသံအီၤန့ၣ်လီၤ.

တၢ်ကတိၤဒိ. 5:22

ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

လံာ်ယၡါယၤ 33:11

သုမၤတၢ်ကူၣ်ကျဲၤလၢအလုၢ်အပှ့ၤတအိၣ်တဖၣ်, ဒီးတၢ်လၢသုမၤခဲလၢာ်န့ၣ်မ့ၢ်တၢ်လၢအဘျုးတအိၣ်ဘၣ်လီၤ. ယသးလီၤဂာ်ဒီးမ့ၣ်အူတခါလၢအကမၤဟးဂီၤသုန့ၣ်လီၤ.

လံာ်ယၡါယၤ 59:4

သုလဲၤဆူကွီၢ်ဘျီၣ်, ဘၣ်ဆၣ်ဒီးသုတမၤန့ၢ်တၢ်စံၣ်ညီၣ် တီလၢသုအိၣ်တခီဘၣ်. သုသန့ၤထီၣ်သုသးလၢတၢ်လီ တၢ်ဝ့ၤတဖၣ်လၢသုကွီၢ်ကနၢၤအဂီၢ်လီၤ. သုမၤထွဲသုတၢ်ကူၣ်ကျဲၤတဖၣ်လၢကမၤဘၣ်ဒိဘၣ်ထံးပှၤဂၤ တဖၣ်အဂီၢ်န့ၣ်လီၤ.

လံာ်ယံးရမံယၤ 18:20

တၢ်အဂ့ၤန့ၣ်ကြၢးတၢ်ဟ့ၣ်ဆၢက့ၤလၢတၢ်အၢန့ၣ်ဧါ. အန့ၣ်ဒၣ်လဲာ်အ ဝဲသ့ၣ်ခူၣ်တ့ၢ်တၢ်ပူၤတပူၤလၢယကလီၤတဲာ်နုာ်အဂီၢ်လီၤ. သ့ၣ်နီၣ်ထီၣ်က့ၤလၢယဟဲဆူနအိၣ်ဒီးကတိၤတၢ်လၢ အဝဲသ့ၣ်အခၢၣ်စးဒ်လဲၣ်, ဒ်သိးဒီးနသုတမၤအဝဲ သ့ၣ်လၢတၢ်သူၣ်ဒိၣ်သးဖျိးအပူၤတဂ့ၤအဂီၢ်န့ၣ်တက့ၢ်.

လံာ်ဒၤနံးယ့လး 6:25

တၢ်န့ၣ်တဖၣ်အလီၢ်ခံန့ၣ်စီၤပၤဒၤရယါဝ့ၣ်ကွဲးလီၤ တၢ်ဆူကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ်အကလုာ်ကလုာ်တဖၣ်လၢဟီၣ်ခိၣ်ဒီဘ့ၣ်ညါ အအိၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.