စံးထီၣ်ပတြၢၤ 69:34 - Sgaw Karen Common Bible

³⁴ မ်မူခိၣ်ဒီးဟီၣ်ခိၣ်, ပီၣ်လဲၣ်ဒီး ကယဲၢ်တၢ်လၢအလဲၤလၢအပူၤခဲလၢာ်န့ၣ်, စံးထီၣ်ပတြၢၤကစၢ်ယွၤတက့ၢ်.

စံးထီၣ်ပတြၢၤ 69:34 Iomraidhean Croise

လံာ်တၢ်ကဲထီၣ်အခီၣ်ထံး 1:20

ဒီးကစၢ်ယွၤခါလီၤအကလုၢ်, “မ်ထံဘၣ်တၢ်မၤပှဲၤအီၤဒီးတၢ်ဘၣ်တ့ လၢအမူဟူးဂဲၤလၢထံကျါသ့အကလုာ်ကလုာ်ဒီးမူကပိာ်လိၤ ဘၣ်တၢ်မၤပှဲၤအီၤဒီးထိၣ်ဧိၤလံာ်ဧိၤတဖၣ်တက့ၢ်.”

စံးထီၣ်ပတြၢၤ 102:18

တၢ်လၢယွၤမၤတ့ၢ်ဝဲအံၤ, ကွဲးလီၤအီၤလၢ ပှၤလၢခံတစိၤဂီၢ်, ဒ်သိးပှၤလၢအတအိၣ်ဖျဲၣ်ထီၣ်ဒံးသ့ၣ်တဖၣ် ကစံးထီၣ်ပတြၢၤယွၤန့ၣ်တက့ၢ်.

စံးထီၣ်ပတြၢၤ 150:6

မ်အတၢ်ဘၣ်တ့လၢအမူခဲလၢာ်စံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 96:11

မ်မူခိၣ်သူၣ်ခုသးခု, ဒီးဟီၣ်ခိၣ်သူၣ်ဖှံသးညီတက့ၢ်. မ်ပီၣ်လဲၣ်ဒီးတၢ်လၢအမၤပှဲၤအီၤခဲလၢာ် သီၣ်ထီၣ်တက့ၢ်.

လံာ်ယၡါယၤ 49:13

မူခိၣ်မူကပိာ်လိၤဧၢ, သးဝံၣ်ထီၣ်တက့ၢ်. ကိးပသူထီၣ်လၢတၢ်သးခုအဂ့ၢ်တက့ၢ်. မ်ကစၢၢ်တဖၣ်သီၣ်ပုာ်ထီၣ်လၢတၢ်သးဝံၣ်တက့ၢ်. ယွၤကမၤမုာ်မၤခုၣ်အပှၤဂီၢ်မုၢ်အသးလီၤ. အဝဲကအိၣ်ဒီးတၢ်သးကညီၤဘၣ်အပှၤဂီၢ်မုၢ်လၢအဘၣ်တူၢ်ဘၣ်တၢ် တဖၣ်န့ၣ်လီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.