စံးထီၣ်ပတြၢၤ 69:29 - Sgaw Karen Common Bible

²⁹ မ့မ့ၢ်ယဲဒၣ်အံၤယဘၣ်နးဘၣ်ဖှီၣ်ဒီး ယအိၣ်လၢတၢ်ဆူးတၢ်ဆါအပူၤလီၤ. ကစၢ်ယွၤဧၢ, မ်နတၢ်အုၣ်က့ၤခီၣ်က့ၤပာ်ယၤလၢ တၢ်ထီၣ်ထီန့ၣ်တက့ၢ်.

စံးထီၣ်ပတြၢၤ 69:29 Iomraidhean Croise

စံးထီၣ်ပတြၢၤ 109:22

အဂ့ၢ်ဒ်အံၤ, ယဲဒၣ်အံၤယမ့ၢ်ပှၤဖှီၣ်ဖိယာ်ဖိ ဒီးပှၤလိၣ်ဘၣ်တၢ်မၤစၢၤ ဒီးယသးဘၣ်ဒိတုၤလၢယသးအကံၢ်အလဲအပူၤလီၤ.

စံးထီၣ်ပတြၢၤ 109:31

အဂ့ၢ်ဒ်အံၤ, အဝဲဂဲၤဆၢထၢၣ်လၢ ပှၤလိၣ်ဘၣ်တၢ်မၤစၢၤအစုထွဲ ဒ်သိးကအုၣ်က့ၤခီၣ်က့ၤအီၤလၢ ပှၤလၢအစံၣ်ညီၣ်အီၤဆူတၢ်သံအဂီၢ်န့ၣ်လီၤ.

စံးထီၣ်ပတြၢၤ 18:48

ဒီးမၤပူၤဖျဲးယၤလၢယဒုၣ်ယဒါတဖၣ်န့ၣ်လီၤ. ယွၤဧၢ, နဟ့ၣ်ယၤတၢ်မၤနၢၤလၢ ယဒုၣ်ယဒါတဖၣ်အဖီခိၣ် ဒီးဒီဒၣ်ယၤလၢ ပှၤစုဆူၣ်ခီၣ်တကးသ့ၣ်တဖၣ်န့ၣ်လီၤ.

စံးထီၣ်ပတြၢၤ 20:1

မ်ယွၤစံးဆၢနၤလၢ တၢ်မၤကိၢ်မၤဂီၤအမုၢ်တနံၤတက့ၢ်. မ်စီၤယၤကိာ်အကစၢ်ယွၤအမံၤ ကခိးတြီကွံာ်တၢ်အၢလၢနၤတက့ၢ်.

စံးထီၣ်ပတြၢၤ 40:17

ယွၤဧၢ, ယဂံၢ်ယဘါစၢ်ဒီးယဖှီၣ်ယဲလီၤ. ဘၣ်ဆၣ်နတသးပ့ၤနီၣ်တ့ၢ်ယၤဘၣ်. နမ့ၢ်ပှၤလၢအမၤပူၤဖျဲးယၤဒီးယကစၢ်ယွၤလီၤ. မၤယံာ်နသးလၢနကမၤစၢၤယၤအဂီၢ်န့ၣ်တဂ့ၤ.

စံးထီၣ်ပတြၢၤ 59:1

ကစၢ်ယွၤဧၢ, မၤပူၤဖျဲးယၤလၢယဒုၣ်ယဒါတဖၣ်န့ၣ်တက့ၢ်. ကဟုဘံၣ်ကယာ်ဘၢယၤလၢပှၤလၢ အဂဲၤဆၢထၢၣ်ထီဒါယၤတဖၣ်န့ၣ်တက့ၢ်.

စံးထီၣ်ပတြၢၤ 70:5

ယမ့ၢ်ပှၤဖှီၣ်ဖိယာ်ဖိဒီး ပှၤလိၣ်ဘၣ်တၢ်မၤစၢၤန့ၣ်လီၤ. ကစၢ်ယွၤဧၢ, မၤချ့ချ့လၢယဂီၢ်န့ၣ်တက့ၢ်. နမ့ၢ်ယတၢ်မၤစၢၤဒီးပှၤမၤပူၤဖျဲးယၤလီၤ. ယွၤဧၢ, မၤယံာ်မၤနီၢ်နသးတဂ့ၤ.

လံာ်တၢ်ဟးထီၣ်ကွံာ် 32:33

ယွၤစံးဆၢအီၤ, “ယကတြူာ်ကွံာ်ပှၤတဖၣ်လၢအမၤတၢ်ဒဲးဘးထီ ဒါယၤအမံၤလၢယလံာ်အပူၤလီၤ.

လံာ်ယံးရမံယၤ 17:13

ယွၤဧၢ, နမ့ၢ်ကီၢ်အံၣ်စရ့လးအတၢ်မုၢ်လၢ်လီၤ. ကယဲၢ်ပှၤလၢအပာ်လီၤတဲာ်ကွံာ်နၤန့ၣ် ကဘၣ်တၢ်မၤမဲာ်ဆှးအီၤလီၤ. အဝဲသ့ၣ်ကလီၤမၢ်ကွံာ်ဝဲဒ်မံၤတဖၣ်လၢအဘၣ်တၢ်ကွဲးလီၤအီၤလၢဖၣ် ကမူၣ်ဖၣ်ဆါကျါအသိး, မ့ၢ်လၢအဝဲသ့ၣ်ပာ်လီၤတဲာ်ကွံာ်နၤ, ယွၤတဂၤလၢအမ့ၢ်ထံမူအထံထီၣ်ပၢၢ်အဃိန့ၣ်လီၤ.

လံာ်မးသဲ 8:20

ယ့ၣ်ၡူးစံးဆၢအီၤဒီးစံး, “ထွံၣ်မံၤတဖၣ်အိၣ်ဒီးအပူၤဒီးထိၣ်လၢတၢ်ဖးဖီတဖၣ်အိၣ်ဒီးအသွံတဖၣ်လီၤ. ဘၣ်ဆၣ်ဒီးပှၤကညီဖိခွါအံၤထဲအကပာ်လီၤအခိၣ်ဒၣ်လဲာ်တၢ်လီၢ် တအိၣ်ဘၣ်.”

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.