စံးထီၣ်ပတြၢၤ 69:19 - Sgaw Karen Common Bible

¹⁹ နသ့ၣ်ညါယဘၣ်တၢ်ဒုၣ်ဒွဲၣ်ယၤဒ်လဲၣ်, တၢ်မၤမဲာ်ဆှးဒီး မၤတရီတပါယၤဒ်လဲၣ်, နထံၣ်ယဒုၣ်ယဒါခဲလၢာ်လီၤ.

စံးထီၣ်ပတြၢၤ 69:19 Iomraidhean Croise

စံးထီၣ်ပတြၢၤ 38:9

ယွၤဧၢ, နသ့ၣ်ညါယတၢ်ဆၢန့ၢ်ဘၣ်ခဲလၢာ်, ဒီးနနၢ်ဟူယတၢ်ကအုကစွါခဲလၢာ်န့ၣ်လီၤ.

စံးထီၣ်ပတြၢၤ 5:9

အဂ့ၢ်ဒ်အံၤ, တၢ်ကတိၤအမ့ၢ်အတီ တအိၣ်ဘၣ်လၢအထးခိၣ်နီတထံၣ်ဘၣ်. လၢအသးကံၢ်ပူၤန့ၣ်အိၣ်ထဲ တၢ်သးအိၣ်မၤဟးဂီၤတၢ်န့ၣ်လီၤ. အကိာ်ပူၤန့ၣ်လီၤဂာ်ဒီးတၢ်သွၣ်ခိၣ်အပူၤ အိၣ်အိးထီၣ်အသး, အပျ့ၤတဖၣ်ပှဲၤဒီးတၢ်ကတိၤအူသဖှိထီၣ်တၢ်လၢ ကလီန့ၢ်ပှၤအဂီၢ်လီၤ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်ယိၤဟၣ် 8:49

ယ့ၣ်ၡူးစံးဆၢဝဲ, “တၢ်နါတအိၣ်လၢယပူၤဘၣ်. ယယူးယီၣ်ယပၢ်, ဘၣ်ဆၣ်သုတယူးယီၣ်ယၤဘၣ်.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.