စံးထီၣ်ပတြၢၤ 69:17 - Sgaw Karen Common Bible

¹⁷ ပာ်တဒၢနမဲာ်လၢနခ့နပှၤအအိၣ်န့ၣ်တဂ့ၤ. အဂ့ၢ်ဒ်အံၤ, ယအိၣ်လၢတၢ်ကိၢ်တၢ်ဂီၤဖးဒိၣ်အပူၤလီၤ. မၤချ့ချ့လၢနကစံးဆၢယၤန့ၣ်တက့ၢ်.

စံးထီၣ်ပတြၢၤ 69:17 Iomraidhean Croise

လံာ်စီၤယိၤဘး 7:21

နပျၢ်ယတၢ်ဒဲးဘးတသ့လၢၤဘၣ်ဧါ. နကွၢ်ကပာ်ကွံာ်တၢ်ကမၣ် လၢယမၤဘၣ်အီၤတသ့ဘၣ်ဧါ. တယံာ်ဘၣ်ဒီးယကအိၣ်ယဲလၢ ယသွၣ်ခိၣ်အပူၤဒီးဖဲနဃုယၤန့ၣ်ယတအိၣ်လၢၤဘၣ်.

စံးထီၣ်ပတြၢၤ 102:2

လၢယဘၣ်တၢ်ကိၢ်တၢ်ဂီၤအမုၢ်တနံၤန့ၣ် ပာ်တဒၢနမဲာ်လၢယၤတဂ့ၤ. ဒိးနနၢ်လၢယၤ, ဒီးမုၢ်တနံၤလၢယကိးထီၣ်နၤန့ၣ် စံးဆၢလၢ်ယၤချ့ချ့တက့ၢ်.

စံးထီၣ်ပတြၢၤ 13:1

ဆံးယံာ်လဲၣ်, ယွၤဧၢ, နကသးပ့ၤနီၣ်ယၤလီၤထူလီၤယိာ်ဧါ. နကပာ်တဒၢနမဲာ်ဒီးယၤဆံးယံာ်လဲၣ်.

စံးထီၣ်ပတြၢၤ 143:7

ယွၤဧၢ, မၤချ့ချ့လၢနကမၤစၢၤယၤန့ၣ်တက့ၢ်. ယတၢ်မုၢ်လၢ်လၢာ်ကွံာ်လံ. ဒ်သိးယသုတကဲထီၣ်ဒ်ပှၤလၢအလဲၤလီၤဆူ တၢ်သံအကီၢ်ပူၤတဂ့ၤဒီး, ပာ်တဒၢနမဲာ်ဒီးယၤတဂ့ၤ.

စံးထီၣ်ပတြၢၤ 143:9

ယွၤဧၢ, မၤပူၤဖျဲးယၤလၢယဒုၣ်ယဒါတက့ၢ်. ယဃ့ၢ်ဆူနအိၣ်လၢတၢ်ပူၤဖျဲးအဂီၢ်လီၤ.

စံးထီၣ်ပတြၢၤ 22:24

အဝဲတမ့ၢ်ပှၤလၢအကွၢ်ယပာ်ကွံာ်ပှၤဖှီၣ်ဖိယာ်ဖိ မ့တမ့ၢ်တပာ်သ့ၣ်ညါအသးလၢအဝဲသ့ၣ် အတၢ်နးတၢ်ဖှီၣ်န့ၣ်ဘၣ်. အဝဲတဃၣ်ဒူချၢအသးလၢအဝဲသ့ၣ်ဘၣ်, ဘၣ်ဆၣ်ဖဲအဝဲသ့ၣ်ကိးထီၣ်လၢ တၢ်မၤစၢၤအဂီၢ်န့ၣ်, အဝဲစံးဆၢဝဲဒၣ်လီၤ.”

စံးထီၣ်ပတြၢၤ 27:9

ပာ်တဒၢနမဲာ်လၢယၤတဂ့ၤ. ဟီထီၣ်ကွံာ်နခ့နပှၤလၢ တၢ်သးထီၣ်အပူၤတဂ့ၤ. နမ့ၢ်တ့ၢ်ယတၢ်မၤစၢၤ, လဲၤသဒၣ်ယၤတဂ့ၤ. ညိကွံာ်ယၤတဂ့ၤ, ပှၤအုၣ်က့ၤခီၣ်က့ၤယၤ, ကစၢ်ယွၤဧၢ.

စံးထီၣ်ပတြၢၤ 40:13

ယွၤဧၢ, ဟဲဒီးမၤပူၤမၤဖျဲးယၤတက့ၢ်. ယွၤဧၢ, မၤချ့ချ့လၢနကမၤစၢၤယၤတက့ၢ်.

စံးထီၣ်ပတြၢၤ 44:24

ဘၣ်မနုၤလၢနပာ်သဒၢနသးလၢပှၤန့ၣ်လဲၣ်. တဘၣ်သးပ့ၤနီၣ်ပတၢ်နးတၢ်ဖှီၣ်ဒီး ပတၢ်ကိၢ်တၢ်ဂီၤန့ၣ်တဂ့ၤ.

စံးထီၣ်ပတြၢၤ 66:14

လၢအထီၣ်ဖျဲးလၢယနိးဖံးတဖၣ်, ဒီးယထးခိၣ်အၢၣ်လီၤဖဲ ယဘၣ်တၢ်ကိၢ်တၢ်ဂီၤန့ၣ်လီၤ.

စံးထီၣ်ပတြၢၤ 70:1

ကစၢ်ယွၤဧၢ, မၤပူၤဖျဲးယၤတက့ၢ်. ယွၤဧၢ, မၤချ့ချ့လၢနကမၤစၢၤယၤတက့ၢ်.

လံာ်သးသယုၢ်တၢ် 3:22

ယွၤအတၢ်အဲၣ်ဒီးအတၢ်သးကညီၤလၢအတလီၤ တူၢ်လီၤကာ်ဘၣ်န့ၣ်အကတၢၢ်တအိၣ်ဘၣ်,

လံာ်မးသဲ 26:38

ဒီးအဝဲဒၣ်စံးဘၣ်ပှၤသၢဂၤန့ၣ်, “တၢ်သူၣ်အုးသးအုးလၢယသးပူၤအံၤဒိၣ်မးဝဲတုၤဒၣ်လဲာ် ကမၤသဘှံးယၤလီၤ. အိၣ်ဖဲအံၤဒီးဆိးသီဒီးယၤတက့ၢ်.”

လံာ်မးသဲ 27:46

ဖဲအကဘၣ်သၢနၣ်ရံၣ်န့ၣ်, ယ့ၣ်ၡူးကိးပသူထီၣ်လၢအကလုၢ်ဖးဒိၣ်ဒီးစံး, “အ့ၤလံၤ, အ့ၤလံၤ, လၤမၤစၤဘၤဃသၤနံ,” အခီပညီမ့ၢ်ဝဲ, “ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်ကွံာ်ယၤလဲၣ်.”