စံးထီၣ်ပတြၢၤ 69:13 - Sgaw Karen Common Bible

¹³ ယွၤဧၢ, မ့မ့ၢ်ယဲဒၣ်အံၤ, ယဘါထုကဖၣ်တၢ်ဆူနၤလီၤ. ကစၢ်ယွၤဧၢ, လၢဆၢကတီၢ်လၢနဃုထၢအီၤ ဒီးလၢနတၢ်အဲၣ်ဂၢၢ်ကျၢၤလၢလၢပှဲၤပှဲၤအပူၤန့ၣ် စံးဆၢလၢ်ယၤတက့ၢ်. အဂ့ၢ်ဒ်အံၤ, နဟံးဃာ်ကျၢၤနတၢ်အၢၣ်လီၤအီလီၤလၢ နကအုၣ်က့ၤခီၣ်က့ၤတၢ်လီၤ.

စံးထီၣ်ပတြၢၤ 69:13 Iomraidhean Croise

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်နီၢ်အ့ၤစတၢ် 5:2

တုၤစီၤပၤထံၣ်ဘၣ်နီၢ်ပၤမုၣ်အ့ၤစတၢ်ဆၢထၢၣ်ဖဲတၢ်ချၢန့ၣ်, အဝဲကွၢ်မဲာ်အီၤဒီးယူာ်ဃီၤအနီၣ်ထိးထူဆူအအိၣ်န့ၣ်လီၤ. နီၢ်အ့ၤစတၢ်ဟဲနုာ်ဒီးထိးနီၣ်ထိးထူအခိၣ်န့ၣ်လီၤ.

လံာ်နီၢ်အ့ၤစတၢ် 5:6

ဖဲစီၤပၤအီစပံးထံအခါန့ၣ်စီၤပၤစံးဘၣ်အီၤ, “တဲဘၣ်ယၤတၢ်လၢနအဲၣ်ဒိးတက့ၢ်. ဒီးယကဟ့ၣ်နၤလီၤ. နမ့ၢ်ဃ့ယဘီယမုၢ်တဝာ်ဒၣ်လဲာ်ယကဟ့ၣ်နၤလီၤ.”

လံာ်နီၢ်အ့ၤစတၢ် 7:2

ဖဲအအီမူၤစပံးထံန့ၣ်စီၤပၤသံကွၢ်ကဒီးအီၤ, “ခဲအံၤနီၢ်ပၤမုၣ်အ့ၤစတၢ်ဧၢ, နအဲၣ်ဒိးတၢ်မနုၤလဲၣ်. တဲဘၣ်ယၤဒီးနကမၤန့ၢ်အီၤလီၤ. ယကဟ့ၣ်ဒၣ်လဲာ်နၤလၢယဘီ ယမုၢ်တဝာ်န့ၣ်လီၤ.”

စံးထီၣ်ပတြၢၤ 32:6

လၢတၢ်န့ၣ်အဃိ, ပှၤလၢအသးတီဒီးနၤခဲလၢာ် ဃ့ထုကဖၣ်လၢနၤဖဲ အဝဲသ့ၣ်လိၣ်ဘၣ်တၢ်အကတီၢ်, တုၤတၢ်ဘၣ်ယိၣ်ဘၣ်ဘီအိၣ်ထီၣ်ချ့သဒံးန့ၣ်ဒီး တၢ်ဘၣ်ယိၣ်ဘၣ်ဘီအံၤတတုၤအိၣ်အီၤဘၣ်.

စံးထီၣ်ပတြၢၤ 51:1

ကစၢ်ယွၤဧၢ, သူၣ်ကညီၤသးကညီၤလၢ်ယၤ, ဒ်နတၢ်အဲၣ်ဂၢၢ်ကျၢၤအိၣ်ဝဲအသိး, ဒီးဒ်နတၢ်သးကညီၤအိၣ်အါအါကလဲာ်အသိးန့ၣ် တြူာ်ကွံာ်ယတၢ်မၤကမၣ်တၢ်တဖၣ်န့ၣ်တက့ၢ်.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

စံးထီၣ်ပတြၢၤ 98:3

အဝဲသ့ၣ်နီၣ်ထီၣ်တ့ၢ်အတၢ်အဲၣ်ဂၢၢ်ကျၢၤ ဒီးအတၢ်သးတီလၢ အံၣ်စရ့လးအပှၤဟံၣ်ဖိအဂီၢ်န့ၣ်လီၤ. ဟီၣ်ခိၣ်အကတၢၢ်ခဲလၢာ်ထံၣ်ဘၣ်တ့ၢ်လံ ပကစၢ်ယွၤအတၢ်အုၣ်က့ၤခီၣ်က့ၤန့ၣ်လီၤ.

လံာ်ယၡါယၤ 49:8

ယွၤစံးဘၣ်အပှၤဂီၢ်မုၢ်, “ဖဲတၢ်ဆၢကတီၢ်ဟဲဝဲလၢတၢ်အုၣ်က့ၤခီၣ်က့ၤသုအဂီၢ်ဒီး, ယကဒုးနဲၣ်ယတၢ်ကွၢ်မဲာ်သုဒီးစံးဆၢသုတၢ်ကိးထီၣ်တဖၣ်လၢတၢ် မၤစၢၤအဂီၢ်န့ၣ်လီၤ. ယကကဟုကယာ်ဒီးဒီဒၣ်အိၣ်ပှိၤသုဒီးခီဖျိသုန့ၣ်, ယကမၤတၢ်အၢၣ်လီၤအီလီၤဒီးပှၤဂီၢ်မုၢ်ခဲလၢာ်လီၤ. ယကပျဲသုအိၣ်ဆိးက့ၤကဒီးလၢသုထံသုကီၢ်ဒၣ်ဝဲလၢခဲအံၤ အိၣ်လီၤဃီဝဲန့ၣ်လီၤ.

လံာ်ယၡါယၤ 55:6

ဃၣ်သုသးဆူယွၤအအိၣ်ဒီးဖဲအအိၣ်ဘူးအဖၢမုၢ်အံၤန့ၣ်ဘါ ထုကဖၣ်တၢ်ဆူအအိၣ်တက့ၢ်.

လံာ်သးသယုၢ်တၢ် 3:63

စးထီၣ်လၢမုၢ်ဂီၤတုၤမုၢ်နၤတၢ်ခံးန့ၣ်အဝဲသ့ၣ်မၤလီၤနံၤ လီၤကျံးတၢ်လၢယၤလီၤ.

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

လံာ်လူၤကၣ် 1:72

အဝဲဒၣ်စံးဝဲလၢအကဒုးနဲၣ်တၢ်သးကညီၤလၢ မိၢ်ပၢ်ဖံဖုလၢပျၢၤတဖၣ် ဒီးသ့ၣ်နီၣ်ထီၣ်အတၢ်အၢၣ်လီၤစီဆှံန့ၣ်လီၤ.

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

၂ ကရံၣ်သူး 6:2

ဒိကနၣ်တၢ်လၢကစၢ်ယွၤစံးဝဲန့ၣ်တက့ၢ်. “ဖဲတၢ်ဆၢကတီၢ်တုၤအိၣ်လၢယဂီၢ်, လၢယကမၤဂ့ၤသုန့ၣ်, ယဒိကနၣ်သုကလုၢ်လီၤ. ဖဲမုၢ်နံၤမုၢ်သီတုၤအိၣ်လၢယဂီၢ်, လၢယကဘၣ်အုၣ်က့ၤခီၣ်က့ၤသုန့ၣ်, ယမၤစၢၤသုလီၤ.” ဒိကနၣ်တက့ၢ်. ခဲကနံၣ်အံၤ မ့ၢ်ဝဲဆၢကတီၢ်နၣ်ရံၣ်လၢတၢ် ကဒိးန့ၢ်ယွၤအတၢ်မၤဂ့ၤအဂီၢ်လီၤ. တနံၤအံၤမ့ၢ်မုၢ်တနံၤလၢတၢ်ကဒိးန့ၢ်တၢ်အုၣ်က့ၤခီၣ်က့ၤ အဂီၢ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:8

ထဲဒၣ်သံကွၢ်ကွၢ်အဝဲသ့ၣ်, ဒီးအဝဲသ့ၣ်ကတဲနၤလီၤ. ပဟဲပဝဲဒၣ်လၢမူးဖးဒိၣ်အမုၢ်တနံၤ, ဒီးစီၤဒၤဝံးဃ့ကညး နၤလၢနကတူၢ်လိာ်ပဝဲသ့ၣ်တဖၣ်လၢတၢ်သူၣ်အိၣ်သးအိၣ်လီၤ. ဝံသးစူၤဟ့ၣ်ပှၤတၢ်လၢနဟ့ၣ်နခ့နပှၤပဝဲဒၣ်ဒီးနတံၤသကိးစီၤ ဒၤဝံးသ့ဝဲဒၣ်တဖၣ်တက့ၢ်.”