စံးထီၣ်ပတြၢၤ 69:11 - Sgaw Karen Common Bible

¹¹ ယသိးထီၣ်တၢ်သးအုးအကူအသိးဒီး အဝဲသ့ၣ်နံၤဘၣ်ယၤလီၤ.

စံးထီၣ်ပတြၢၤ 69:11 Iomraidhean Croise

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်စီၤယိၤဘး 17:6

ဒီးခဲအံၤပှၤဂီၢ်မုၢ်သူတၢ်ကတိၤဒိအံၤထီဒါယၤ, ဒီးယကဲထီၣ်ပှၤလၢအမဲာ်ဘၣ်တၢ်ထူးပှဲာ်အီၤလီၤ.

စံးထီၣ်ပတြၢၤ 109:24

ယခီၣ်လ့ၢ်ခိၣ်တဖၣ်အဂံၢ်အဘါစၢ်လီၤဝဲလၢ တၢ်အီၣ်တအိၣ်ဘၣ်အဃိ, ဒီးယဖှံၣ်လီၤယဲၤလီၤကွံာ်လီၤ.

လံာ်ယၡါယၤ 20:2

တချုးတၢ်အံၤသၢနံၣ်န့ၣ်, ယွၤစံးဘၣ်တ့ၢ်စီၤအၤမိာ်အဖိခွါ စီၤယၡါယၤလၢကဘ့ၣ်လီၤအခီၣ်ဖံးဒီးထၢၣ်တၢ်ကံးယာ်လၢ အကၤဝဲန့ၣ်လီၤ. အဝဲဒိကနၣ်ဝဲ, ဒီးဟးဝ့ၤဝီၤအိၣ်ဘ့ၣ်ဆ့ အိၣ်ဘ့ၣ်ခီၣ်န့ၣ်လီၤ.

လံာ်ယၡါယၤ 22:12

ယွၤစိဒိၣ်ကမီၤထီ, သ့တၢ်လၢာ်ကစၢ်ကိးထီၣ်တ့ၢ်လံသုလၢ သုကဟီၣ်တၢ်ယၢၤတၢ်ဒီးသူၣ်အုးသးအုး, လၢသုကလူၤသု ခိၣ်တဖၣ်ဒီးကူထီၣ်ကၤထီၣ်ထၢၣ်တၢ်ကံးယာ်လီၤ.

လံာ်ယံးရမံယၤ 24:9

ယကဟဲစိာ်တၢ်တတၢးတနါဒ်န့ၣ်အသိးလၢအဝဲသ့ၣ်အဖီခိၣ်, တုၤဒၣ်လဲာ်ပှၤကလုာ်တဖၣ်လၢဟီၣ်ခိၣ်ဒီဘ့ၣ်ကပျံၤတၢ်ဖုးတၢ်န့ၣ် လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်, ကကတိၤကလိာ်ကလာ်တၢ်ဘၣ်ဃးအဝဲ သ့ၣ်, ကတိၤနံၤဘၣ်ဖၣ်လဲအဝဲသ့ၣ်, ဒီးသူ အဝဲသ့ၣ်အမံၤဒ်တၢ်ဆိၣ်အၢတမံၤအသိးလၢတၢ်လီၢ်ကိးပူၤဒဲးဖဲ ယမၤလီၤပြံလီၤပြါအဝဲသ့ၣ်န့ၣ်လီၤ.

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်ယိၤအ့လး 1:8

ပှၤဂီၢ်မုၢ်သ့ၣ်ဧၢ, ဟီၣ်ဒ်မုၣ်ကနီၤတဂၤလၢအသူၣ်အုးသးအုး လၢပိာ်ခွါလၢအဝဲကဒိးတ့ဒိးဖျီအသး ဒီးအီၤတဂၤအတၢ်သံအဃိန့ၣ်တက့ၢ်.

လံာ်သိၣ်လီၤသီလီၤတၢ် 28:37

လၢထံကီၢ်တဖၣ်ဖဲယွၤကမၤလီၤပြံလီၤပြါသုအပူၤန့ၣ်, ပှၤဂီၢ်မုၢ်တဖၣ်ကဖုးဘၣ်အသးလၢတၢ်လၢအမၤအသးဒီးသု အဃိန့ၣ်လီၤ. အဝဲသ့ၣ်ကလိာ်လ့သုဒီးနံၤဘၣ်ဖၣ်လဲသုန့ၣ်လီၤ.