စံးထီၣ်ပတြၢၤ 68:6 - Sgaw Karen Common Bible

⁶ ပှၤလၢအအိၣ်သယုၢ်ထဲတဂၤဧိၤန့ၣ် ယွၤဟ့ၣ်အီၤဟံၣ်လၢကအိၣ်ဝဲ, အဝဲဆှၢဝဲပှၤဘၣ်တၢ်စၢဃာ်သ့ၣ်တဖၣ်ဆူ တၢ်အီၣ်ကုာ်အီပှဲၤန့ၣ်လီၤ. မ့မ့ၢ်ပှၤပူထီၣ်တၢ်ဖိသ့ၣ်တဖၣ်န့ၣ် အိၣ်ဝဲဆိးဝဲလၢတၢ်လီၢ်အိၣ်သယုၢ်န့ၣ်လီၤ.

စံးထီၣ်ပတြၢၤ 68:6 Iomraidhean Croise

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 107:10

ပှၤတနီၤဆ့ၣ်နီၤဝဲလၢတၢ်ခံးတၢ်နၤ ဒီးတၢ်သူၣ်အုးသးအုးအပူၤ, ဒီးပှၤလၢတၢ်စၢဃာ်အီၤတဖၣ် တူၢ်ဘၣ်တၢ်နးတၢ်ဖှီၣ်လၢထးဧိၤတြၤဧိၤလီၤ.

စံးထီၣ်ပတြၢၤ 107:14

အဝဲဒၣ်စိာ်ထီၣ်ကွံာ်အဝဲသ့ၣ်လၢတၢ်ခံးတၢ်နၤ ဒီးတၢ်သူၣ်အုးသးအုးအဒိၣ်အဃိာ်အပူၤ, ဒီးမၤတဲာ်ကွံာ် အဝဲသ့ၣ်အထးသွဲတဖၣ်န့ၣ်လီး.

စံးထီၣ်ပတြၢၤ 107:34

အဝဲဒၣ်ဒုးကဲထီၣ်ကီၢ်လၢအသၣ်ထီၣ်တဘ့ၣ်ဆူ အံသၣ်အလီၢ်, မ့ၢ်လၢပှၤလၢအအိၣ်ဝဲဆိးဝဲတဖၣ် အတၢ်အၢတၢ်သီအဃိန့ၣ်လီၤ.

စံးထီၣ်ပတြၢၤ 113:9

အဝဲမၤလၤကပီၤပိာ်မုၣ်တူာ်ဖိတဖၣ် လၢအဟံၣ်ပူၤ, ဒုးသးခုအဝဲသ့ၣ်ခီဖျိဟ့ၣ်အီၤဖိတဖၣ်န့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 146:7

လၢအစံၣ်ညီၣ်တၢ်လၢပှၤဘၣ်တၢ်မၤအၢအီၤအဂီၢ်, လၢအဟ့ၣ်လီၤတၢ်အီၣ်တၢ်အီလၢ ပှၤသၣ်ဝံၤအဂီၢ်န့ၣ်, မၤထူၣ်ဖျဲးပှၤလၢအဘၣ်တၢ်စၢဃာ်တဖၣ်န့ၣ်လီၤ.

စံးထီၣ်ပတြၢၤ 69:33

အဂ့ၢ်ဒ်အံၤ, ယွၤနၢ်ဟူပှၤဖှီၣ်ဖိယာ်ဖိအကလုၢ် ဒီးအပှၤလၢအဘၣ်တၢ်စၢဃာ်တဖၣ်န့ၣ် တသးပ့ၤနီၣ်ဝဲဒၣ်ဘၣ်.

တၢ်ကတိၤဒိ. 23:11

ယွၤမ့ၢ်အဝဲသ့ၣ်အပှၤဒီဒၣ်တၢ်လၢအစိကမီၤဒိၣ်ဝဲ, ဒီးကကတိၤဂ့ၢ်လိာ်တၢ်လၢအဝဲသ့ၣ်အကွီၢ်အဂီၢ်ထီဒါနၤလီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ဟိၤၡ့ 2:3

အဝဲမ့ၢ်တပာ်ကတီၢ်ဝဲဘၣ်ဒီး, ယကဘ့ၣ်ကွံာ်အကူအကၤခဲ လၢာ်ဒီးဒုးအိၣ်ဘ့ၣ်ဆ့အီၤဒ်မုၢ်တနံၤလၢအအိၣ်ဖျဲၣ်ဝဲအသိး န့ၣ်လီၤ. ယကမၤအီၤလီၤဂာ်ဒ်ဟီၣ်ခိၣ်လၢအဃ့ထီဒီးတဟ့ၣ်ထီၣ်တၤ သူတၤသၣ်တပူၤအသိးဒီးအဝဲကသံလၢတၢ်သူအသးလၢထံအဃိ န့ၣ်လီၤ.

လံာ်မၤလကံ 1:3

ဒီးယသးဟ့စီၤဧ့ၡီၤဒီးအစၢၤအသွဲၣ်တဖၣ်လီၤ. ယဒုးအိၣ်သယုၢ်အကစၢၢ်ကလိဒီးဒုးကဲထီၣ် အတၢ်အိၣ်တၢ်ဆိးအလီၢ်လၢပှၢ်မုၢ်ကနၢလီၤ.”

မၤတၢ် 16:26

သတူၢ်ကလာ်, ဟီၣ်ခိၣ်ဟူးဝဲဒၣ်ဆူၣ်ဆူၣ်ကလဲာ်တုၤ အမၤဟူးဝးဆှဲးဆှိးဃိာ်အခီၣ်ထံးန့ၣ်လီၤ. တဘျီဃီဖဲန့ၣ်, တြဲၤတဖၣ်အိးထီၣ်အသးဒီးပျံၤထးတဖၣ်လီၤတဲာ်ကွံာ်လၢ ပှၤဃိာ်ဖိခဲလၢာ်အလိၤလီၤ.

ကလၤတံ 4:27

အဂ့ၢ်ဒ်အံၤ, တၢ်ကွဲးအသးစံးဝဲ, “သးခုတက့ၢ်, ပိာ်မုၣ်လၢအဖိတအိၣ်တဂၤဧၢ, ကိးပသူထီၣ်လၢတၢ်သးဖှံအပူၤ, ပှၤလၢအတတူၢ်ဘၣ်တၢ်ဟုးဆါနီတစု နၤဧၢ, အဂ့ၢ်ဒ်အံၤ, ပိာ်မုၣ်လၢအဝၤဟးသဒၣ်ကွံာ်အီၤ တဂၤန့ၣ်ကအိၣ်ဒီးအဖိအါန့ၢ် ပိာ်မုၣ်လၢအဝၤတဟးသဒၣ်အီၤ နီတဘျီဘၣ်တဂၤလီၤ” (ၡါ ၅၄:၁).

လံာ်သိၣ်လီၤသီလီၤတၢ် 10:18

အဝဲမၤလီၤတံၢ်ဝဲလၢဖိၣ်ဃဲတဖၣ်ဒီးမုၣ်ကမဲတဖၣ်ကဘၣ်တၢ်မၤ အီၤတီတီလိၤလိၤန့ၣ်လီၤ. အဝဲအဲၣ်ပှၤတခီဘီမုၢ်ဖိတဖၣ်လၢအအိၣ်ဆိးဝဲလၢပပှၤဂီၢ်မုၢ်အကျါ, ဒီးဟ့ၣ်လီၤအဝဲသ့ၣ်လၢတၢ်အီၣ်တၢ်အီဒီးတၢ်ကူတၢ်သိးတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:5

ပှၤဂီၢ်မုၢ်လၢတဘျီအီၣ်ကုးအီပှဲၤန့ၣ်, ခဲအံၤလဲၤထီၣ်ဒိးလဲအသးလၢကန့ၢ်ဘၣ်တၢ်အီၣ်အဂီၢ်လီၤ. မ့မ့ၢ်ပှၤလၢတၢ်သၣ်ဝံၤအသးတဖၣ်န့ၣ်, တသၣ်ဝံၤလၢၤနီတစု လၢၤဘၣ်. မါလၢအဖိတအိၣ်တဖၣ်န့ၣ်ဆံးစၢ်ထီၣ်အဖိနွံဂၤလီၤ. မ့မ့ၢ်မိၢ်လၢအဖိအိၣ်အါဂၤန့ၣ်အဖိတအိၣ်လၢၤနီတဂၤဂၤဘၣ်.