စံးထီၣ်ပတြၢၤ 68:35 - Sgaw Karen Common Bible

³⁵ ကစၢ်ယွၤဧၢ, နမ့ၢ်တၢ်လီၤပျံၤအလီၢ်လၢ နလီၢ်စီဆှံအပူၤလီၤ. အံၣ်စရ့လးကစၢ်ယွၤ, မ့ၢ်ပှၤလၢ အဟ့ၣ်အပှၤဂီၢ်မုၢ်လၢတၢ်စိတၢ်ကမီၤဒီး တၢ်ဂံၢ်တၢ်ဘါန့ၣ်လီၤ. စံးထီၣ်ပတြၢၤကစၢ်ယွၤတက့ၢ်.

စံးထီၣ်ပတြၢၤ 68:35 Iomraidhean Croise

လံာ်စီၤနဃ့မယၤ 1:5

ဒီးယစံး, ယွၤ, မူခိၣ်အကစၢ်ယွၤဧၢ, နဒိၣ်ဝဲနီၢ်မးလီၤ. ဒီးပဆၢထၢၣ်လၢတၢ်ပျံၤတၢ်ဖုးအပူၤလၢနခီၣ်ထံးမဲာ်ညါလီၤ. နဟံးဃာ်ဂၢၢ်ကျၢၤနတၢ်အၢၣ်ဒီးလၢပှၤလၢအအဲၣ်နၤဒီးပှၤလၢအလူၤ ထွဲနတၢ်မၤလိာ်န့ၣ်လီၤ.

လံာ်စီၤယိၤဘး 37:22

တၢ်ကပီၤအယဲၤထူအိၣ်ဖျါထီၣ်လၢကလံၤစိးဒီးကစၢ်ယွၤ အလၤကပီၤမၤပှဲၤယသးဒီးတၢ်ယူးယီၣ်အီၤန့ၣ်လီၤ.

စံးထီၣ်ပတြၢၤ 29:1

မူခိၣ်ဖိသ့ၣ်ဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤအလၤကပီၤ ဒီးအစိကမီၤန့ၣ်တက့ၢ်.

စံးထီၣ်ပတြၢၤ 29:11

ယွၤဟ့ၣ်ဂံၢ်ဟ့ၣ်ဘါအပှၤဂီၢ်မုၢ်, ယွၤဆိၣ်ဂ့ၤအပှၤဂီၢ်မုၢ်လၢ တၢ်ဃူတၢ်ဖိးန့ၣ်လီၤ.

စံးထီၣ်ပတြၢၤ 45:4

ဒိးထီၣ်နကသ့ၣ်လၢ တၢ်ကဟုကညီၢ်အပူၤ ဆူတၢ်မၤနၢၤ, လၢတၢ်ဒီသဒၢတၢ် မ့ၢ်တၢ်တီဒီးတၢ်စံၣ်ညီၣ်တီအဂီၢ်တက့ၢ်. ပျဲနစုထွဲဒုးနဲၣ်နၤ တၢ်ဖံးတၢ်မၤလီၤလးတဖၣ်န့ၣ်တက့ၢ်.

စံးထီၣ်ပတြၢၤ 47:2

ယွၤ, တၢ်ထီကတၢၢ်တဂၤအံၤကဘၣ်တၢ်ပျံၤအီၤလီၤ. အဝဲမ့ၢ်စီၤပၤဖးဒိၣ်တဂၤလၢ အပၢဟီၣ်ခိၣ်ဒီဘ့ၣ်န့ၣ်လီၤ.

စံးထီၣ်ပတြၢၤ 65:5

နစံးဆၢပှၤခီဖျိနဟ့ၣ်ပှၤတၢ်မၤနၢၤ ဒီးနမၤတၢ်လီၤလးတဖၣ်လၢပတၢ်ပူၤဖျဲးအဂီၢ်လီၤ. ပှၤကလုာ်လၢဟီၣ်ခိၣ်ချၢခဲလၢာ် ဒီးလၢပီၣ်လဲၣ်ပီၣ်တြီၤသ့ၣ်တဖၣ် သန့ၤအသးလၢနၤလီၤ.

စံးထီၣ်ပတြၢၤ 66:20

စံးထီၣ်ပတြၢၤကစၢ်ယွၤတက့ၢ်. အဂ့ၢ်ဒ်အံၤ တဃၣ်ဒူချၢအသးလၢယတၢ်ထုကဖၣ်ဘၣ် ဒီးတသုးကွံာ်အတၢ်အဲၣ်ဂၢၢ်ကျၢၤလၢယၤဘၣ်.

စံးထီၣ်ပတြၢၤ 66:5

ဟဲဒီးကွၢ်တၢ်လၢကစၢ်ယွၤမၤတ့ၢ်န့ၣ်တက့ၢ်. အဝဲမ့ၢ်တၢ်ပျံၤအလီၢ်လၢ အတၢ်မၤတဖၣ်လၢပှၤကညီအကျါန့ၣ်လီၤ.

စံးထီၣ်ပတြၢၤ 76:12

အဝဲဆီၣ်လီၤပဒိၣ်တဖၣ်လၢအပာ်ထီၣ်ထီအသး ဒီးမၤပျံၤစီၤပၤဖးဒိၣ်တဖၣ်လီၤ.

လံာ်တၢ်ဟးထီၣ်ကွံာ် 15:1

တုၤနုၤတစု, စီၤမိၤၡ့ဒီးပှၤအံၣ်စရ့လးဖိတဖၣ်သးဝံၣ်တၢ် သးဝံၣ်အံၤဆူယွၤအအိၣ်လီၤ. “ယကသးဝံၣ်ထီၣ်ယွၤလီၤ. အဂ့ၢ်ဒ်အံၤ, အဝဲမၤနၢၤတၢ်အိၣ်ဒီးတၢ်မၤနၢၤအကဟုကညီၢ်ဖးဒိၣ်လီၤ. အဝဲတြူာ်ကွံာ်ကသ့ၣ်တဖၣ်ဒီးပှၤလၢအဒိးအီၤတဖၣ်ဆူပီၣ်လဲၣ်ပူၤလီၤ.

လံာ်ယၡါယၤ 40:29

ပှၤလၢအဂံၢ်စၢ်ဘါစၢ်တဖၣ်ဒီးပှၤလၢတၢ်ဘှံးအသးတဖၣ်န့ၣ်အဝဲ ဟ့ၣ်ဆူၣ်ထီၣ်အဂံၢ်အဘါလီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယၡါယၤ 45:21

ဟဲဒီးပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ်ပူၤတက့ၢ်. ပျဲပှၤဒီဒၣ်လီၤက့ၤအသးတဖၣ်ကူၣ်လိာ်သကိးအသးတဂၤဒီးတဂၤတ က့ၢ်. မ့ၢ်မတၤကတိၤဆိပာ်လၢအပူၤကွံာ်ယံာ်တ့ၢ်မးလံလၢတၢ်မနုၤ မနုၤကမၤအသးန့ၣ်တဂၤလဲၣ်. တမ့ၢ်ယၤ, ယွၤ, ကစၢ်ယွၤလၢအအုၣ်က့ၤခီၣ်က့ၤ အပှၤဂီၢ်မုၢ်န့ၣ်ဘၣ်ဧါ. ကစၢ်အဂၤတအိၣ်ဘၣ်.

လံာ်စကၤရယၤ 10:12

ယကဒုးဂံၢ်ဆူၣ်ဘါဆူၣ်ထီၣ်ယပှၤဂီၢ်မုၢ်, ဒီးအဝဲသ့ၣ်ကဘါထီၣ်ယၤဒီးစူၢ်ယၤလီၤ,” ယွၤကတိၤလံတၢ်လံ.

အ့းဖ့းစူး 3:16

ယဃ့ထုကဖၣ်ကစၢ်ယွၤ, ဒ်အလၤကပီၤထူးတီၤဝဲအသိးလၢအကဟ့ၣ်လီၤသုတၢ်စိတၢ် ကမီၤခီဖျိယွၤအသးဒ်သိးသုသးအဂံၢ်အဘါကဆူၣ်ထီၣ်ဝဲ အဂီၢ်,

လံာ်သိၣ်လီၤသီလီၤတၢ် 33:25

မ်အဝဲအဝ့ၢ်တဖၣ်ဘၣ်တၢ်ဒီဒၣ်အီၤလၢထးတြဲၤ ဖးဒိၣ်တဖၣ်, ဒီးမ်အဝဲအိၣ်မူထီဘိလၢတၢ်ဘံၣ်တၢ်ဘၢအပူၤ န့ၣ်တက့ၢ်.”

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,