စံးထီၣ်ပတြၢၤ 68:27 - Sgaw Karen Common Bible

²⁷ ဒူၣ်အဆံးကတၢၢ်, ဘံၣ်ယၤမံၣ်ဟဲလၢညါ, ဝံၤဒီးယူဒၤအခိၣ်အနၢ်တဖၣ်ဒီး အဝဲသ့ၣ်အကရူၢ်လၢ စဘူလိၣ်ဒီးနးသၤလံ အပှၤခိၣ်ပှၤနၢ်တဖၣ် ပိာ်ထွဲထီၣ်အခံန့ၣ်လီၤ.

စံးထီၣ်ပတြၢၤ 68:27 Iomraidhean Croise

လံာ်တၢ်ကဲထီၣ်အခီၣ်ထံး 42:32

ပမ့ၢ်ပှၤဒီပုၢ်ဝဲၢ်ခွါခဲလၢာ်တဆံခံဂၤ, ပၢ်တဂၤဃီအဖိခွါ တဖၣ်န့ၣ်လီၤ. ပဒီပုၢ်ဝဲၢ်ခွါတဂၤသံလံ. ဒီးပပုၢ်အဆံးကတၢၢ်အိၣ်ဒံးဒီး ပပၢ်လၢကီၢ်ကနၤဧၣ်အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:19

စီၤအဘံန့ၢ်ကတိၤစ့ၢ်ကီးတၢ်ဆူပှၤဘံၣ်ယၤမံၣ်အဒူၣ်အ ပှၤဂီၢ်မုၢ်အအိၣ်, ဝံၤဒီးလဲၤဝဲဆူဝ့ၢ်ဃ့ဘြိၣ်လၢကတဲဘၣ် စီၤဒၤဝံးတၢ်လၢဘံၣ်ယၤမံၣ်ဒီးအံၣ်စရ့လးအပှၤဂီၢ်မုၢ်ဘၣ်သူၣ်ဘၣ်သးတ့ၢ်ဝဲ တၢ်လၢအကမၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:16

ဘၣ်တဘျီပှၤတဖုလၢဘံၣ်ယၤမံၣ်အဒူၣ်ဒီးယူဒၤအဒူၣ်အကျါလဲၤဆူ စီၤဒၤဝံးအအိၣ်, ဖဲအဝဲအိၣ်ဝဲဆိးဝဲလၢတိာ်ပူၤအခါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:29

လၢပှၤဘံၣ်ယၤမံၣ်အဒူၣ် (လၢအမ့ၢ်စီၤစီလူးအဒူၣ်ဒၣ်ဝဲ) အကျါန့ၣ်ပှၤ သၢကထိဂၤ (ပှၤဘံၣ်ယၤမံၣ်အဒူၣ်ဖိအါဒၣ်တၢ်တက့ၢ် မ့ၢ်ပှၤတဖၣ်လၢအသးတီတ့ၢ်ဒီးစီၤစီလူးတဖၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 15:3

လၢတၢ်န့ၣ်အဃိစီၤဒၤဝံးဒုးအိၣ်ဖှိၣ်ရိဖှိၣ်ပှၤအံၣ်စရ့လး ဖိခဲလၢာ်လၢဝ့ၢ်ယရူၤၡလ့ၣ်ဒ်သိးအကဟဲစိာ်တၢ်အၢၣ်လီၤအီလီၤ အတလါဆူတၢ်လီၢ်လၢအကတဲာ်ကတီၤဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:12

ခွံလါတလါ. စီၤအဘံၤဧ့စ့ၢ်, ပှၤဧၤနသိးဖိလၢဘံၣ်ယၤမံၣ် အဒူၣ်အလီၢ်ကဝီၤပူၤ.

စံးထီၣ်ပတြၢၤ 26:12

ယပူၤဖျဲးဒီးတၢ်ဘၣ်ယိၣ်ဘၣ်ဘီခဲလၢာ်, ယစံးထီၣ်ပတြၢၤယွၤလၢအပှၤဂီၢ်မုၢ် အတၢ်အိၣ်ဖှိၣ်ရိဖှိၣ်အပူၤလီၤ.

စံးထီၣ်ပတြၢၤ 47:9

ပှၤပၢတၢ်လၢအပၢပှၤကလုာ်တဖၣ်အိၣ်ဖှိၣ်ရိဖှိၣ် ဒီးစီၤအၤဘြၤဟၣ်အကစၢ်ယွၤ အပှၤဂီၢ်မုၢ်တဖၣ်န့ၣ်လီၤ. အဂ့ၢ်ဒ်အံၤ ဟီၣ်ခိၣ်အကတီၤတဖၣ် ဘၣ်ဃးဒီးယွၤန့ၣ်လီၤ. အဝဲဘၣ်တၢ်ပာ်ထီၣ်ထီအီၤဒိၣ်မးန့ၣ်လီၤ.

စံးထီၣ်ပတြၢၤ 60:7

ကံးလဧးမ့ၢ်ယတၢ်, မနၤၡ့ၤမ့ၢ်ယတၢ်, အ့ဖရဲၣ်မ့ၢ် ယခိၣ်သလုးထး, ဒီးယူဒၤမ့ၢ်ယစီၤပၤအနီၣ်ထိးလီၤ.

လံာ်ယၡါယၤ 11:13

ကီၢ်အံၣ်စရ့လးအဘီမုၢ်တသးက့ၣ်သးကါလၢၤကီၢ်ယူဒၤ အဘီမုၢ်လၢၤဘၣ်, ဒီးကီၢ်ယူဒၤတမ့ၢ်လၢၤကီၢ်အံၣ်စရ့လး အဒုၣ်အဒါလၢၤဘၣ်.

လံာ်ယၡါယၤ 48:1

ကီၢ်အံၣ်စရ့လးအပှၤဂီၢ်မုၢ်, သုဝဲလၢအဟဲလီၤစၢၤလၢ စီၤယူဒၤသ့ၣ်ဧၢ, ဒိကနၣ်တၢ်အံၤတက့ၢ်. သုဆိၣ်တၢ်လၢယွၤအမံၤ ဒီးစံးလၢသုကဘူၣ်ထီၣ်ဘါထီၣ် ကီၢ်အံၣ်စရ့လးအကစၢ်ယွၤလီၤ. ဘၣ်ဆၣ်ဒီးသုတမၤအီၤဒ်သုကတိၤတၢ် အသိးန့ၣ်ဘၣ်.

လံာ်ပှၤစံၣ်ညီၣ်ကွီၢ် 20:35

ယွၤဟ့ၣ်အံၣ်စရ့လးလၢကမၤနၢၤဘံၣ်ယၤမံၣ်အသုးမုၢ်လီၤ. ပှၤအံၣ်စရ့လးမၤသံကွံာ်အဒုၣ်အဒါခံကလးယဲၢ်ကထိတကယၤဂၤ လၢမုၢ်နံၤအဝဲန့ၣ်အပူၤလီၤ.

လံာ်ပှၤစံၣ်ညီၣ်ကွီၢ် 5:18

ဘၣ်ဆၣ်ဒီးစဘူလိၣ်အပှၤဂီၢ်မုၢ်ဒီးနးသၤလံအပှၤဂီၢ်မုၢ်ဟ့ၣ်လီၤအသးဒူဒူလၢတၢ်ဒုးပျီအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:21

စီၤစီလူးစံးဆၢဝဲဒၣ်, “ယဘၣ်ဃးဒီးစီၤဘံၣ်ယၤမံၣ်အဒူၣ် လၢအမ့ၢ်ပှၤအဒူၣ်အဆံးကတၢၢ်လၢကီၢ်အံၣ်စရ့လးအပူၤဒီးယဟံၣ်ဖိဃီဖိန့ၣ် မ့ၢ်ပှၤတၢ်အကါဒိၣ်အစှၤကတၢၢ်လၢဒူၣ်တဒူၣ်အပူၤလီၤ. ဘၣ်မနုၤအဃိနကတိၤတၢ်ဒီးယၤဒ်သိးအံၤန့ၣ်လဲၣ်.”