စံးထီၣ်ပတြၢၤ 68:2 - Sgaw Karen Common Bible

² ဒ်မ့ၣ်အူလုၣ်ဒံကွံာ်အသိးန့ၣ်ဟီထီၣ်ကွံာ်အဝဲသ့ၣ်, ဒီးဒ်ဃိးပှံၢ်ဝဲလၢမ့ၣ်အူအမဲာ်ညါအသိးန့ၣ် မ်ပှၤတတီတလိၤဟးဂီၤကွံာ်လၢ ကစၢ်ယွၤအမဲာ်ညါန့ၣ်တက့ၢ်.

စံးထီၣ်ပတြၢၤ 68:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:13

စီၤယိၤအာ်ဒီးအပှၤတဖၣ်လဲၤထီၣ်ဆူညါလၢကဒုးတၢ်အဂီၢ်ဒီးပှၤ စူၤရံဖိတဖၣ်ထွးထီၣ်ဃ့ၢ်ကွံာ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 10:18

တၢ်ဒုးတၢ်ယၤစးထီၣ်ဝဲဒီးပှၤအံၣ်စရ့လးဖိတဖၣ်နီၣ်ကဒါက့ၤ ပှၤစူၤရံဖိအသုးမုၢ်ဆူအလီၢ်ခံန့ၣ်လီၤ. စီၤဒၤဝံးဒီးအပှၤတဖၣ်မၤသံကွံာ်ပှၤစူၤရံဖိအပှၤနီၣ်လ့ၣ်ကဟၣ်ဒုးသုးအဂၤနွံကယၤဒီး ကသ့ၣ်သုးဖိအဂၤလွံၢ်ကလး, ဒီးအဝဲသ့ၣ်မၤဘၣ်ဒိဘၣ်ထံးဒုၣ်ဒါအသုးခိၣ်ကျၢၢ်စီၤၡိဘး လၢအသံဝဲဖဲတၢ်ဒုးပျီအပူၤန့ၣ်လီၤ.

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

စံးထီၣ်ပတြၢၤ 37:20

ဘၣ်ဆၣ်ပှၤအၢပှၤသီကသံဝဲလီၤ. ယွၤအဒုၣ်အဒါတဖၣ်ကလီၤမၢ်ကွံာ်ဒ် တၢ်အီၣ်ဆၣ်အလီၢ်အတၢ်ဃံတၢ်လၤအသိး, အဝဲသ့ၣ်ကဟါမၢ်ကွံာ်ဒ်မ့ၣ်အူလုၣ်အသိးန့ၣ်လီၤ.

စံးထီၣ်ပတြၢၤ 76:7

မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

စံးထီၣ်ပတြၢၤ 80:16

ပဒုၣ်ပဒါတဖၣ်ဒွဲၣ်ကွံာ်အီၤလၢမ့ၣ်အူ, ကူာ်လီၤဃံၤကွံာ်အီၤလံ. ကွၢ်အဝဲသ့ၣ်လၢတၢ်သးထီၣ်အပူၤဒီး မၤဟးဂီၤကွံာ်အဝဲသ့ၣ်န့ၣ်တက့ၢ်.

စံးထီၣ်ပတြၢၤ 97:5

ကစၢၢ်ကလိပှံၢ်လီၤဝဲဒ်ဃိးအသိးလၢယွၤအမဲာ်ညါ, လၢဟီၣ်ခိၣ်ဒီဘ့ၣ်ညါအကစၢ်အမဲာ်ညါလီၤ.

လံာ်ယၡါယၤ 33:3

ဖဲနဒုးတၢ်လၢပဂီၢ်န့ၣ်, ပှၤကလုာ်တဖၣ်ဃ့ၢ်ကွံာ်ဝဲလၢတၢ်ဒုး တၢ်ယၤအတၢ်သီၣ်တၢ်သဲအဃိန့ၣ်လီၤ.

လံာ်ယၡါယၤ 64:2

အဝဲသ့ၣ်ဟူးဝးဝဲဒ်ထံကလာ်ထီၣ်ဝဲလၢမ့ၣ်အူကိၢ်အဖီခိၣ် အသိးန့ၣ်လီၤ. ဟဲဒီးလီၣ်ဖျါထီၣ်နစိနကမီၤဆူနဒုၣ်နဒါတဖၣ်, ဒီးဒုးကနိးကစုာ်ပှၤကလုာ်တဖၣ်လၢနမဲာ်ညါန့ၣ်တက့ၢ်.

လံာ်ယၡါယၤ 9:18

ပှၤဂီၢ်မုၢ်အတၢ်အၢတၢ်သီအီၣ်ကွံာ်တၢ်ဒ်မ့ၣ်အူလၢအမၤဟးဂီၤ တပှီာ်တၤဆှုၣ်တဖၣ်ဒီးတၤဆှုၣ် တၤမဲတဖၣ်အသိးန့ၣ်လီၤ. အီၣ်ကွံာ်တၢ်ဒ်သ့ၣ်ပှၢ်မ့ၣ်အူအသိးလၢအဆှၢထီၣ်မ့ၣ်အူလုၢ် အထူၣ်တဖၣ်န့ၣ်လီၤ.

လံာ်ယံးရမံယၤ 46:15

ဘၣ်မနုၤအဃိ သုကစၢ်ကျီၢ်ဖါလၢ အဂံၢ်ဆူၣ်ဘါဆူၣ် အ့ပ့း(စ်) လီၤဃံၤကွံာ်ဝဲလဲၣ်. ယွၤတီၢ်လီၤဃံၤကွံာ်အီၤအဃိလီၤ.

လံာ်ဟိၤၡ့ 13:3

လၢတၢ်န့ၣ်အဃိ, ပှၤဂီၢ်မုၢ်တဖၣ်အံၤကဟါမၢ်ကွံာ်ဝဲဒ်မုၢ်ဂီၤ အဘှ့ၣ်အသိးဒ်ပစီၤထံလၢအလီၤမၢ်လၢမုၢ်တနံၤဂီၤဂီၤအသိးန့ၣ်လီၤ. အဝဲသ့ၣ်ကလီၤဂာ်ဒ်ဖ့လၢကလံၤအူဒံကွံာ်အီၤလၢကြဲၢ်ပူၤ အသိးဒီးမ့ၣ်အူလုၣ်လၢမ့ၣ်အူပျိာ်တခါအပူၤအသိးန့ၣ်လီၤ.

လံာ်မံကၤ 1:4

တုၤနုၤတစု, ဒ်ဃိးလၢအပှံၢ်လီၤဝဲလၢမ့ၣ်အူပူၤဒီးထံလၢ အယွၤလီၤဝဲလၢတၢ်လူၢ်ခိၣ်အသိးန့ၣ်ကစၢၢ်တဖၣ်ကပှံၢ်လီၤဝဲ ဒီးယွၤလီၤဝဲလၢကစၢၢ်ကဆူးပူၤလီၤ.

လံာ်တၢ်ဂံၢ် 10:35

ဖဲတၢ်အၢၣ်လီၤအီလီၤအတလါစးထီၣ်လဲၤတၢ်တဘျီလၢ်လၢ်န့ၣ်စီၤ မိၤၡ့ကစံးဝဲဒၣ်, “ယွၤဧၢ, ဂဲၤထၢၣ်, မၤလီၤမုၢ်ပြံ ပြါနဒုၣ်နဒါတဖၣ်, ဒုးတၢ်ထီဒါပှၤလၢအသးဟ့နၤတဖၣ်တက့ၢ်” န့ၣ်လီၤ.