စံးထီၣ်ပတြၢၤ 68:13 - Sgaw Karen Common Bible

¹³ လၢအမ့ၢ်, ထိၣ်လွံၢ်အဂီၤတဖၣ်လၢ တၢ်ကးဘၢအီၤဒီးစ့, အိၣ်ဒီးအဒံးဆ့လၢ အကတြ့ၣ်ဒီးသူန့ၣ်လီၤ. (လၢတၢ်ဒုးတၢ်ယၤအမုၢ်နံၤန့ၣ် ဘၣ်မနုၤသုဝဲတနီၤအိၣ်မံလီၤလၢသိကရၢၢ်ပူၤလဲၣ်)

စံးထီၣ်ပတြၢၤ 68:13 Iomraidhean Croise

လံာ်တၢ်ကဲထီၣ်အခီၣ်ထံး 49:14

စီၤယံးစၣ်ကၢ်တဂ့ၤန့ၢ်ကသ့ၣ်ယီၤတဒုလၢအကိာ်လီၤဒီးမံလီၤ လၢအဂီၤကၢ်တဖၣ်အကဆူးဘၣ်.

လံာ်စီၤပၤခံဘ့ၣ်တဘ့ၣ် 7:16

ၡၤမရံအပှၤဂီၢ်မုၢ်ဃ့ၢ်သဖှိဃီၤဒီးဂုာ်န့ၢ်တၢ်အီၣ်လၢပှၤစူၤ ရံဖိအသူၣ်ဒဲအလီၢ်န့ၣ်လီၤ. ဒီးဒ်ယွၤစံးတ့ၢ်ဝဲအသိးန့ၣ်, ကိၣ်ကမူၣ်အဂ့ၤကတၢၢ်တစ့အၤမ့ၢ်ဂ့ၤ, ဘုမုယီၤခံစ့အၤမ့ၢ်ဂ့ၤ, ဘၣ်တၢ်ဆါကွံာ်အီၤလၢစ့တဘ့ၣ်န့ၣ်လီၤ.

စံးထီၣ်ပတြၢၤ 105:37

အန့ၣ်ဝံၤဒီး အဝဲဒုးဟးထီၣ်ကွံာ်ပှၤအံၣ်စရ့လးဖိတဖၣ်, အဝဲသ့ၣ်စိာ်ဃုာ်ဒီး စ့ဒီထူ, ဒီးအဝဲသ့ၣ်ခဲလၢာ်အိၣ်ဒီး တၢ်အိၣ်ဆူၣ်အိၣ်ချ့ ဒီးဂံၢ်ဆူၣ်ဘါဆူၣ်ဝဲဒၣ်လီၤ.

စံးထီၣ်ပတြၢၤ 149:4

အဂ့ၢ်ဒ်အံၤ, ယွၤဘၣ်အသးလၢအပှၤဂီၢ်မုၢ်လီၤ. မၤလၤကပီၤပှၤလၢအသူၣ်စူၤအသးစူၤ လၢတၢ်မၤနၢၤလီၤ.

စံးထီၣ်ပတြၢၤ 74:19

ဟ့ၣ်လီၤကွံာ်နထိၣ်လွံၢ်ဘုၣ်အသးဆူ တၢ်မံၤလာ်တဖၣ်န့ၣ်တဂ့ၤ. ဒီးသးပ့ၤနီၣ်ကွံာ်နပှၤဂီၢ်မုၢ်လၢအဘၣ်နးဘၣ်ဖှီၣ်အသးသမူ လီၤထူလီၤယိာ်တဂ့ၤ.

စံးထီၣ်ပတြၢၤ 81:6

“ယသုးကွံာ်နဖံဘၣ်ခိၣ်အတၢ်ဝံတၢ်ယိး, ဒီးနစုတဖၣ်ထူၣ်ဖျဲးထီၣ်လၢတၢ်ဃၢတၢ်စုာ် အလိၤလံ.”

လံာ်တၢ်ဟးထီၣ်ကွံာ် 1:14

ဒီးမၢဆူၣ်မၤနၢၤဝဲဒၣ်လၢတၢ်သူၣ်ထီၣ်ဘှီထီၣ်တၢ်မၤလီၢ်တဖၣ် ဒီးလၢစံာ်ပျီတဖၣ်အပူၤ, ဒီးတသးကညီၤဘၣ်ဝဲနီတစဲးဘၣ်န့ၣ်လီၤ.

လံာ်ယၡါယၤ 33:23

အဂ့ၢ်ဒ်အံၤ, ယွၤအကစၢ်ဒၣ်ဝဲမ့ၢ်ပစီၤပၤလီၤ. အဝဲပၢပှၤဒီးဒီဒၣ်အိၣ်ပှိၤပှၤလီၤ.

လံာ်တၢ်ဂံၢ် 31:27

နီၤဖးတၢ်လၢဘၣ်တၢ်ဟဲစိာ်အီၤတဖၣ်န့ၣ်ခံပူပှဲၤသိးသိး, တပူန့ၣ်လၢပှၤသုးဖိတဖၣ်အဂီၢ်ဒီးအဂၤတပူန့ၣ်လၢပှၤအိၣ်လီၤ တဲာ်ကမျၢၢ်ခဲလၢာ်အဂီၢ်တက့ၢ်.

လံာ်လူၤကၣ် 15:16

အဝဲဒၣ်အဲၣ်ဒိးအီၣ်ပှဲၤအဟၢဖၢလၢထိးဆၣ်ဘၣ်ဆၣ်, ပှၤတဟ့ၣ်အီၤတၢ်လၢအကအီၣ်ဝဲအဂီၢ်နီတမံၤနီတဂၤဘၣ်.

လံာ်လူၤကၣ် 15:22

ဘၣ်ဆၣ်ဒီးပၢ်ကိးဃီၤအတၢ်ခ့တၢ်ပှၤတဖၣ်ဒီးစံး, ‘မၤချ့ချ့တက့ၢ်. ဟဲစိာ်ဆ့ကၤဖးထီအဂ့ၤကတၢၢ်တဘ့ၣ်ဒီးဒုးကၤထီၣ်အီၤတက့ၢ်. ဖျီၣ်လီၤပသံးတဘိလၢအစုမုၢ်လိၤဒီးဒုးဒိးထီၣ်အီၤခီၣ်ဖံးတက့ၢ်.

1 ကရံၣ်သူး 12:2

သုသ့ၣ်ညါသုဝဲလၢဖဲသုမ့ၢ်ဒံးပှၤသူခိၣ်ဖိအဆၢကတီၢ်န့ၣ်, သုဘၣ်တၢ်ဆှၢဖျိးသုလၢကျဲအါဘိအပူၤဆူတၢ်ဘါတၢ်ဂီၤ တၢ်ဖီၣ်လၢအသးသမူတအိၣ်တဖၣ်န့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

လံာ်စီၤယိၤၡူ 10:16

ပှၤအမိၢ်ဖိအစီၤပၤယဲၢ်ဂၤထွး ထီၣ်ဃ့ၢ်ဝဲဒီးအိၣ်ခူသူၣ်ဝဲလၢတၢ်ကအိပူၤဖဲဝ့ၢ်မးက့ဒၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:16

ဘၣ်မနုၤလၢအဝဲသ့ၣ်အိၣ်တ့ၢ်လၢတၢ်လီၢ်ခံဃုာ်ဒီးအသိတဖၣ်န့ၣ် လဲၣ်. မ့ၢ်ဒ်သိးကကနၣ်ပှၤကွၢ်သိတဖၣ်ကိးအသိအဖုအဂီၢ်အကလုၢ်န့ၣ်ဧါ. မ့ၢ်ဝဲသၢၣ်. ရူၤဘ့ၣ်အဒူၣ်အသးလီၤဖးလီၤ. အဝဲသ့ၣ်ကဟဲပိာ်ဝဲအဂီၢ်ပဲာ်ဖးနီၤဖးအသးတန့ၢ်ဘၣ်.

လံာ်ပှၤစံၣ်ညီၣ်ကွီၢ် 5:19

ဖဲဝ့ၢ်တၤနးလၢထံကျိဖိမကံးဒိၤအနံၤန့ၣ်ကနၤဧၣ်အစီၤပၤတဖၣ်ဟဲဒုးတၢ်လီၤ. ဘၣ်ဆၣ်ဒီးတဟံးန့ၢ်ဘၣ်စ့နီၢ်နီတစဲးဘၣ်.