စံးထီၣ်ပတြၢၤ 68:12 - Sgaw Karen Common Bible

¹² “စီၤပၤတဖၣ်ဒီး အသုးမုၢ်တဖၣ်ဃ့ၢ်ကွံာ်ဝဲ, ဃ့ၢ်ကွံာ်ဝဲ,” ဒီးပိာ်မုၣ်လၢအအိၣ်ဒၣ်တၢ်လၢဟံၣ်ပူၤန့ၣ် နီၤဖးတၢ်ဂုာ်န့ၢ်,

စံးထီၣ်ပတြၢၤ 68:12 Iomraidhean Croise

လံာ်တၢ်ဟးထီၣ်ကွံာ် 14:25

ယွၤမၤကတံာ်ကွံာ်အဝဲသ့ၣ်အလ့ၣ်ကဟၣ်အပၣ်တဖၣ်ဒ်သိးကသုးအသးအိၣ် ဒီးတၢ်ကီတၢ်ခဲဖးဒိၣ်န့ၣ်လီၤ. ပှၤအဲၤကူပတူးဖိတဖၣ်စံးဝဲ, “ယွၤဒုးတၢ်လၢပှၤအံၣ်စရ့လးဖိတဖၣ်အဂီၢ်ထီဒါပှၤလီၤ. မ်ပဟးထီၣ်ကွံာ်လၢတၢ်လီၢ်ဖဲအံၤတက့ၢ်.”

လံာ်တၢ်ဂံၢ် 31:27

နီၤဖးတၢ်လၢဘၣ်တၢ်ဟဲစိာ်အီၤတဖၣ်န့ၣ်ခံပူပှဲၤသိးသိး, တပူန့ၣ်လၢပှၤသုးဖိတဖၣ်အဂီၢ်ဒီးအဂၤတပူန့ၣ်လၢပှၤအိၣ်လီၤ တဲာ်ကမျၢၢ်ခဲလၢာ်အဂီၢ်တက့ၢ်.

လံာ်တၢ်ဂံၢ် 31:54

မၤသးဒ်န့ၣ်ဒီး, စီၤမိၤၡ့ဒီးစီၤအလၤဧစၢ်လဲၤစိာ်ထူတဖၣ်န့ၣ် ဆူဒဲစီဆှံဒ်သိးယွၤကဒီဒၣ်အိၣ်ပှိၤကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ.

လံာ်စီၤယိၤၡူ 10:16

ပှၤအမိၢ်ဖိအစီၤပၤယဲၢ်ဂၤထွး ထီၣ်ဃ့ၢ်ဝဲဒီးအိၣ်ခူသူၣ်ဝဲလၢတၢ်ကအိပူၤဖဲဝ့ၢ်မးက့ဒၤန့ၣ်လီၤ.

လံာ်စီၤယိၤၡူ 10:42

ဒီးစီၤယိၤၡူမၤန့ၢ်စီၤပၤတဖၣ်အံၤခဲလၢာ်ဃုာ်ဒီးအထံအကီၢ်တဘျီဃီ, မ့ၢ်လၢယွၤအံၣ်စရ့လးအကစၢ်ယွၤဒုးတၢ်လၢ အံၣ်စရ့လးအဂီၢ်အဃိန့ၣ်လီၤ.

လံာ်လီၣ်ဖျါ 6:15

တုၤနုၤတစု, ဟီၣ်ခိၣ်အစီၤပၤတဖၣ်, ပှၤပၢတၢ်ပြးတၢ်တဖၣ်ဒီးသုးခိၣ်သုးနၢ်တဖၣ်, ပှၤထူးပှၤတီၤဒီးပှၤဂံၢ်ဆူၣ်ဘါဆူၣ်တဖၣ်, ဒီးပှၤအဂၤကိးဂၤဒဲး, ကုၢ်ဒီးပှၤသဘျ့, အိၣ်ခူသူၣ်ဝဲဒၣ်လၢလၢၢ်ကအိပူၤတဖၣ်ဒီးလၢလၢၢ်ဧိၤလ့ ဧိၤလၢကစၢၢ်ဒီခိၣ်တဖၣ်အဖီလာ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:19

ဖဲဝ့ၢ်တၤနးလၢထံကျိဖိမကံးဒိၤအနံၤန့ၣ်ကနၤဧၣ်အစီၤပၤတဖၣ်ဟဲဒုးတၢ်လီၤ. ဘၣ်ဆၣ်ဒီးတဟံးန့ၢ်ဘၣ်စ့နီၢ်နီတစဲးဘၣ်.

လံာ်ပှၤစံၣ်ညီၣ်ကွီၢ် 5:30

“အဝဲသ့ၣ်လူၤဃုဒၣ်ထဲတၢ်တဖၣ်လၢကမၤန့ၢ်ဝဲ ဒီးနီၤဖးဝဲအဂီၢ်, ပိာ်မုၣ်ဖိတဂၤမ့တမ့ၢ်ခံဂၤလၢပှၤသုးဖိတဂၤ စုာ်စုာ်အဂီၢ်, တၢ်ကူတၢ်သိးအလုၢ်ဒိၣ်ပှ့ၤဒိၣ်လၢစီၤစံစရၤအဂီၢ်, တၢ်ဆးကံၣ်ဆးဝ့ၤအတၢ်ကယၢကယဲတဖၣ်လၢနီၢ်ပၤမုၣ်အကိာ်အဂီၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:24

တၢ်လၢသုစံးတ့ၢ်တဖၣ်န့ၣ်ပှၤဘၣ်သူၣ်ဘၣ်သးတသ့နီတဂၤဘၣ်. ပှၤကိးဂၤဒဲးကဘၣ်ဒိးန့ၢ်အတၢ်နီၤဖးဒ်သိးသိးလီၤ. ပှၤတဂၤလၢ်လၢ်လၢအိၣ်လီၤတဲာ်ဃုာ်ဒီးတၢ်အီၣ်တၢ်အီ, တဖၣ်န့ၣ်, ကဘၣ်မၤန့ၢ်တၢ်ဒ်သိးသိးဒီးပှၤလၢအလဲၤဆူ တၢ်ဒုးတၢ်ယၤအပူၤတဖၣ်န့ၣ်လီၤ.”