စံးထီၣ်ပတြၢၤ 67:4 - Sgaw Karen Common Bible

⁴ မ်ပှၤကလုာ်တဖၣ်သူၣ်ခုသးခု, ဒီးသးဝံၣ်တၢ်လၢတၢ်သူၣ်ဖှံသးညီန့ၣ်တက့ၢ်. အဂ့ၢ်ဒ်အံၤ, နစံၣ်ညီၣ်ပှၤဂီၢ်မုၢ်လၢတၢ်တီတၢ်လိၤ, ဒီးဆှၢပှၤကလုာ်ခဲလၢာ်လၢဟီၣ်ခိၣ်ချၢလီၤ. စ့လၤ

စံးထီၣ်ပတြၢၤ 67:4 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

စံးထီၣ်ပတြၢၤ 2:8

ဃ့တၢ်လၢယၤတက့ၢ်, ဒီးယကဟ့ၣ်နၤလၢ ပှၤကလုာ်ခဲလၢာ်လီၤ. ဟီၣ်ခိၣ်ဒီဘ့ၣ်ကမ့ၢ်နတၢ်လီၤ.

စံးထီၣ်ပတြၢၤ 82:6

ယစံး “သုမ့ၢ်ကစၢ်တဖၣ်, ဒီးသုမ့ၢ်တၢ်ထီကတၢၢ်တဂၤအဖိခွါတဖၣ်လီၤ.

စံးထီၣ်ပတြၢၤ 9:8

အဝဲပၢပှၤဟီၣ်ခိၣ်ဖိလၢတၢ်တီတၢ်လိၤ, စံၣ်ညီၣ်ပှၤကလုာ်တဖၣ်လၢတၢ်စံၣ်ညီၣ်တီအပူၤ

စံးထီၣ်ပတြၢၤ 96:10

စံးဘၣ်ပှၤကလုာ်ခဲလၢာ် “ယွၤမ့ၢ်စီၤပၤလီၤ. ဟီၣ်ခိၣ်ဘၣ်တၢ်ပာ်လီၤဂၢၢ်ကျၢၤအီၤလၢ အလီၢ်ဒၣ်ဝဲအပူၤ ဒီးတၢ်မၤဟူးဝးအီၤတသ့ဘၣ်. အဝဲကစံၣ်ညီၣ်ပှၤဂီၢ်မုၢ်လၢတၢ်စံၣ်ညီၣ်တီလီၤ.”

စံးထီၣ်ပတြၢၤ 98:9

အဂ့ၢ်ဒ်အံၤ, အဝဲဟဲဒ်သိးကပၢဟီၣ်ခိၣ်န့ၣ်လီၤ. အဝဲကပၢပှၤဂီၢ်မုၢ်လၢဟီၣ်ခိၣ်ချၢလၢ တၢ်စံၣ်ညီၣ်တီဒီး တၢ်တီတၢ်လိၤအပူၤန့ၣ်လီၤ.

လံာ်ယၡါယၤ 54:1

ဝ့ၢ်ယရူၤၡလ့ၣ်ဧၢ, နလီၤဂာ်တ့ၢ်ဒီးပိာ်မုၣ်တူာ်ဖိတဂၤလီၤ. ဘၣ်ဆၣ်ဒီးခဲအံၤ, နသးဝံၣ်ဒီးကိးထီၣ်လၢတၢ်သးခု အပူၤန့ၣ်သ့လံ. ခဲအံၤ, နကအိၣ်ဒီးနဖိအါန့ၢ်ဒံးပိာ်မုၣ်တဂၤလၢ အဝၤတဟးဖးဒီးအီၤနီတစုန့ၣ်လီၤ.

လံာ်ယၡါယၤ 55:4

ယဒုးကဲထီၣ်အီၤလၢခိၣ်နၢ်တဂၤဒီးပှၤကလုာ်တဖၣ်အသုးခိၣ်ဖးဒိၣ်, ဒီးခီဖျိအီၤန့ၣ်ယဒုးနဲၣ်အဝဲသ့ၣ်လၢ ယတၢ်စိတၢ်ကမီၤလီၤ.

လံာ်ယၡါယၤ 60:6

ပှၤလဲၤတၢ်ဒီးကီၤလၤအူးဒီတဖုကဟဲလၢကီၢ်မံးဒယၣ် ဒီးကီၢ်ဧ့ၤဖၣ်လီၤ. အဝဲသ့ၣ်ကဟဲလၢကီၢ်ၡဘၤ, ကဟဲစိာ်ဃုာ်ထူဒီးတၢ်နၢမူလီၤ. ပှၤဂီၢ်မုၢ်ကစံးဘၣ်တဲဘၣ်တၢ်သးခုကစီၣ်လၢတၢ်လၢယွၤ မၤတ့ၢ်ဝဲအဂ့ၢ်န့ၣ်လီၤ.

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ကလၤတံ 4:27

အဂ့ၢ်ဒ်အံၤ, တၢ်ကွဲးအသးစံးဝဲ, “သးခုတက့ၢ်, ပိာ်မုၣ်လၢအဖိတအိၣ်တဂၤဧၢ, ကိးပသူထီၣ်လၢတၢ်သးဖှံအပူၤ, ပှၤလၢအတတူၢ်ဘၣ်တၢ်ဟုးဆါနီတစု နၤဧၢ, အဂ့ၢ်ဒ်အံၤ, ပိာ်မုၣ်လၢအဝၤဟးသဒၣ်ကွံာ်အီၤ တဂၤန့ၣ်ကအိၣ်ဒီးအဖိအါန့ၢ် ပိာ်မုၣ်လၢအဝၤတဟးသဒၣ်အီၤ နီတဘျီဘၣ်တဂၤလီၤ” (ၡါ ၅၄:၁).

လံာ်သိၣ်လီၤသီလီၤတၢ် 32:43

ပှၤကလုာ်တဖၣ်ဧၢ, သုကဘၣ်စံးထီၣ်ပတြၢၤယွၤအပှၤဂီၢ်မုၢ်, အဝဲစံၣ်ညီၣ်ကယဲၢ်ပှၤလၢအမၤသံအဝဲသ့ၣ်န့ၣ်လီၤ. အဝဲဟ့ၣ်ကၣ်တၢ်လၢအဒုၣ်အဒါတဖၣ်အလိၤ ဒီးပျၢ်ကွံာ်အဝဲအပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ.”