စံးထီၣ်ပတြၢၤ 67:3 - Sgaw Karen Common Bible

³ ကစၢ်ယွၤဧၢ, မ်ပှၤဂီၢ်မုၢ်စံးထီၣ်ပတြၢၤနၤတက့ၢ်. မ်ပှၤခဲလၢာ်စံးထီၣ်ပတြၢၤနၤတက့ၢ်.

စံးထီၣ်ပတြၢၤ 67:3 Iomraidhean Croise

စံးထီၣ်ပတြၢၤ 119:175

ဟ့ၣ်ယၤတၢ်မူဒ်သိးယကစံးထီၣ်ပတြၢၤနၤတက့ၢ်. ဒီးမ်နစံၣ်ညီၣ်တၢ်တဖၣ်န့ၣ်မၤစၢၤယၤတက့ၢ်.

စံးထီၣ်ပတြၢၤ 142:7

ဒုးထူၣ်ဖျဲးထီၣ်ယၤလၢ ယတၢ်ကိၢ်တၢ်ဂီၤအပူၤတက့ၢ်. အန့ၣ်ဒီးယကစံးထီၣ်ပတြၢၤနၤမ့ၢ်လၢ နတၢ်မၤဂ့ၤယၤအဃိ, လၢနပှၤဂီၢ်မုၢ်အတၢ်အိၣ်ဖှိၣ်အပူၤန့ၣ်လီၤ. နကမၤဂ့ၤယၤလၢလၢပှဲၤပှဲၤလီၤ.

စံးထီၣ်ပတြၢၤ 45:17

ယကပၢၤဃာ်နမံၤဒ်သိးကဘၣ်တၢ်သ့ၣ်နီၣ် မၤလၤကပီၤအီၤလၢစိၤခဲလၢာ်အပူၤန့ၣ်လီၤ. မၤသးဒ်န့ၣ်ဒီးပှၤဂီၢ်မုၢ်ကစံးထီၣ်ပတြၢၤနၤ အစိၤစိၤအဃၣ်ဃၣ်လီၤ.

စံးထီၣ်ပတြၢၤ 67:5

ကစၢ်ယွၤဧၢ, မ်ပှၤဂီၢ်မုၢ်စံးထီၣ်ပတြၢၤနၤတက့ၢ်. မ်ပှၤခဲလၢာ်စံးထီၣ်ပတြၢၤနၤတက့ၢ်.

စံးထီၣ်ပတြၢၤ 74:21

မ်ပှၤလၢအဘၣ်တၢ်မၤအၢမၤနး အသုတဘၣ်တၢ်မၤမဲာ်ဆှးအီၤန့ၣ်တဂ့ၤ. မ်ပှၤဖှီၣ်ဖိယာ်ဖိဒီးပှၤလၢအလိၣ်ဘၣ် တၢ်မၤစၢၤသ့ၣ်တဖၣ်စံးထီၣ်ပတြၢၤနၤတက့ၢ်.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်မံကၤ 5:3

မၤသးဒ်န့ၣ်ဒီး, ယွၤကဒုးစူးကွံာ်ညိကွံာ်အပှၤဂီၢ်မုၢ်ဆူအဒုၣ်အဒါတဖၣ် အစုပူၤတုၤပိာ်မုၣ်လၢအကဆံးစၢ်တဂၤန့ၣ်န့ၢ်ဘၣ်အဖိခွါလီၤ. တုၤနုၤတစု, အထံဖိကီၢ်ဖိကဒဲကဒဲလၢအဘၣ်တၢ်စိာ်မၢကဲကုၢ်အီၤတဖၣ်န့ၣ်, ကဘၣ်တၢ်ပာ်ဖှိၣ်က့ၤဃုာ်အီၤဒီးအပှၤဂီၢ်မုၢ်ဒၣ်ဝဲလီၤ.