စံးထီၣ်ပတြၢၤ 67:2 - Sgaw Karen Common Bible

² ဒ်သိးပှၤဟီၣ်ခိၣ်ဖိကသ့ၣ်ညါအကျဲ, ပှၤကလုာ်ခဲလၢာ်ကသ့ၣ်ညါ အတၢ်အုၣ်က့ၤခီၣ်က့ၤအစိကမီၤန့ၣ်တက့ၢ်.

စံးထီၣ်ပတြၢၤ 67:2 Iomraidhean Croise

စံးထီၣ်ပတြၢၤ 117:2

အဂ့ၢ်ဒ်အံၤ, အဘျုးအဖှိၣ်အိၣ်ဝဲလၢပဖီခိၣ်ဒိၣ်မးလီၤ. ဒီးယွၤအတၢ်မ့ၢ်တၢ်တီ အိၣ်ဝဲဆိးဝဲလီၤထူလီၤယိာ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 4:7

တၢ်သးခုလၢနဟ့ၣ်ယၤန့ၣ်, ဒိၣ်န့ၢ်အဝဲသ့ၣ် အတၢ်သးခုလၢအအိၣ်ဒီးအီၤ ဖဲအဘုဧိၤဟုဧိၤဒီးအစပံးထံအိၣ်ဝဲ အါအါဂီၢ်ဂီၢ်အခါန့ၣ်လီၤ.

စံးထီၣ်ပတြၢၤ 41:5

ယဒုၣ်ယဒါသ့ၣ်တဖၣ်ကတိၤဆၢအၢဆၢသီယၤ ဒီးစံးဝဲ, “အဝဲကသံဒီးအမံၤကဘၣ်တၢ် သးပ့ၤနီၣ်အီၤအခါဖဲလဲၣ်.”

စံးထီၣ်ပတြၢၤ 43:5

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 52:10

ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်ဒၤနံးယ့လး 9:17

အိကစၢ်ယွၤဧၢ, ဒိကနၣ်လၢ်ယတၢ်ထုကဖၣ်ဒီးယတၢ်ဃ့ ကညးတက့ၢ်. မၤအိၣ်ထီၣ်က့ၤနတၢ်လုၢ်ဟံၣ်လၢအဘၣ်တၢ် မၤဟးဂီၤအီၤတက့ၢ်. မၤအိၣ်ထီၣ်က့ၤအီၤဒ်သိးပှၤကိးဂၤ ကသ့ၣ်ညါလၢနမ့ၢ်ကစၢ်ယွၤတက့ၢ်.

လံာ်မးသဲ 28:19

လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

လံာ်လူၤကၣ် 3:6

ပှၤဟီၣ်ခိၣ်ဖိကိးဂၤဒဲး ကထံၣ်ဘၣ် ကစၢ်ယွၤအတၢ်အုၣ်က့ၤခီၣ်က့ၤလီၤ.’ ”

မၤတၢ် 13:10

ဒီးစံးဝဲ, “မုၣ်ကီၤလံၢ်အဖိခွါဧၢ, နမ့ၢ်ကယဲၢ်တၢ်ဂ့ၤကိးမံၤဒဲးအဒုၣ် အဒါလီၤ. နပှဲၤဒီးတၢ်လီတၢ်ဝ့ၤအအၢအသီကိးကလုာ်ဒဲး, ဒီးထီဘိတဘိယူၢ်ဃီန့ၣ်နဂုာ်ကျဲးစၢးဒုးကဲထီၣ်ကစၢ် အတၢ်မ့ၢ်တၢ်တီတဖၣ်ဆူတၢ်လီတၢ်ဝ့ၤန့ၣ်လီၤ.

မၤတၢ် 18:25

အဝဲဒၣ်ဘၣ်တၢ်သိၣ်လိနဲၣ်လိတ့ၢ်အီၤလၢကစၢ်အကျဲဧိၤ ကပူၤဧိၤ, ဒီးလၢတၢ်သူၣ်ဆူၣ်သးဂဲၤအဒိၣ်အမုၢ်အပူၤစံၣ် တဲၤတဲလီၤတၢ်ဒီးသိၣ်လိသီလိတၢ်လီၤတံၢ်လီၤဆဲးဘၣ်ဃး ယ့ၣ်ၡူးအဂ့ၢ်န့ၣ်လီၤ. ဘၣ်ဆၣ်ဒီးအဝဲဒၣ်သ့ၣ်ညါထဲစီၤယိၤဟၣ်အတၢ်ဘျၢတမံၤဧိၤလီၤ.

မၤတၢ် 22:4

ပှၤလၢအပိာ်ယ့ၣ်ၡူးခရံာ်အကျဲတဖၣ်န့ၣ်, ယမၤအၢမၤနးအီၤတုၤတၢ်မၤသံဒၣ်လဲာ်န့ၣ်လီၤ. ယဖီၣ်ဒီးဒၢနုာ်ပိာ်မုၣ်ပိာ်ခွါတဖၣ်ဆူဃိာ်ပူၤလီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

တံတူး 2:11

အဂ့ၢ်ဒ်အံၤ, ကစၢ်ယွၤလီၣ်ဖျါထီၣ်အဘျုးအဖှိၣ်လၢပှၤဟီၣ်ခိၣ်ဖိ ခဲလၢာ်ကဘၣ်တၢ်အုၣ်က့ၤခီၣ်က့ၤအီၤအဂီၢ်လီၤ.