စံးထီၣ်ပတြၢၤ 66:18 - Sgaw Karen Common Bible

¹⁸ ယမ့ၢ်ပာ်ကဲတ့ၢ်တၢ်အၢလၢယသးကံၢ်ပူၤဒီး ယွၤတဒိကနၣ်ဘၣ်ယၤဘၣ်.

စံးထီၣ်ပတြၢၤ 66:18 Iomraidhean Croise

လံာ်စီၤယိၤဘး 35:13

အဂ့ၢ်ဒ်အံၤ, အဝဲသ့ၣ်အတၢ်ကိးထီၣ်န့ၣ်မ့ၢ်တၢ်ကလီကလီလီၤ. သ့တၢ်လၢာ်ကစၢ်ယွၤတထံၣ်ဒီးတနၢ်ဟူအဝဲသ့ၣ်ဘၣ်.

လံာ်စီၤယိၤဘး 36:21

ပလီၢ်နသးဒ်သိးနသုတဃၣ်နသးဆူတၢ်အၢတၢ်သီတဂ့ၤ. တၢ်ဟ့ၣ်လီၤနၤလၢတၢ်တူၢ်ဘၣ်ခီၣ်ဘၣ်ဒ်သိးကမၤပူၤဖျဲး နၤလၢတၢ်န့ၣ်လီၤ.

တၢ်ကတိၤဒိ. 15:29

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤဒိကနၣ်ဝဲလီၤ. မ့မ့ၢ်ယွၤတကနာ်ဃုာ်ဘၣ်ပှၤအအၢအသီတဖၣ်ဘၣ်.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 21:13

နမ့ၢ်ဂ့ၢ်လိာ်လၢနကဒိကနၣ်ပှၤအဖှီၣ်အယာ်အတၢ်ကိးထီၣ်ဒီး, နတၢ်ကိးထီၣ်ဒၣ်နဲလၢတၢ်မၤစၢၤအဂီၢ်စ့ၢ်ကီးတၢ်တနၢ်ဟူ ဘၣ်အီၤဘၣ်န့ၣ်လီၤ.

တၢ်ကတိၤဒိ. 28:9

နမ့ၢ်တဒိကနၣ်တၢ်သိၣ်တၢ်သီဘၣ်ဒီး, ကစၢ်ယွၤကထံၣ်ဝဲလၢနတၢ် ထုကဖၣ်တဖၣ်န့ၣ်လီၤသးဘၣ်အၢနးမးလၢတၢ်ကဒိကနၣ်အီၤအဂီၢ်လီၤ.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယိၤဟၣ် 9:31

ပသ့ၣ်ညါလၢကစၢ်ယွၤတဒိကနၣ်ပှၤတၢ်ဒဲးဘးဖိတဖၣ် န့ၣ်ဘၣ်. မ့မ့ၢ်အဝဲဒိကနၣ်ပှၤလၢအယူးယီၣ်အီၤ ဒီးမၤတၢ်လၢအဘၣ်အသးန့ၣ်လီၤ.

ယၤကိာ် 4:3

ဒီးဖဲသုဃ့တၢ်န့ၣ်သုတဒိးန့ၢ်အီၤဘၣ်, အဂ့ၢ်မ့ၢ်လၢသုတၢ်တိာ်တဖၣ်အၢဝဲသီဝဲအဃိလီၤ. သုဃ့တၢ်လၢသုကသူအီၤလၢသုတၢ်မုာ်လၤသးဖှံဒၣ်ဝဲ အဂီၢ်အဃိန့ၣ်လီၤ.