စံးထီၣ်ပတြၢၤ 66:13 - Sgaw Karen Common Bible

¹³ ယကဟဲဆူနဟံၣ်ပူၤဒီးတၢ်လုၢ်မ့ၣ်အူတဖၣ်, ယကဟ့ၣ်ထီၣ်နၤလၢယတၢ်ဆိၣ်သ့ၣ်တဖၣ်,

စံးထီၣ်ပတြၢၤ 66:13 Iomraidhean Croise

လံာ်စီၤယိၤဘး 22:27

ဖဲနဘါထုကဖၣ်အီၤန့ၣ်အဝဲကဒိကနၣ်နၤ, ဒီးနကမၤလၢထီၣ်ပှဲၤ ထီၣ်ဘၣ်တၢ်ဆိၣ်လၢနမၤတ့ၢ်ဒီးအီၤန့ၣ်လီၤ.

စံးထီၣ်ပတြၢၤ 100:4

ဟဲနုာ်လၢအပဲတြီဒီးတၢ်သးဝံၣ်, အဂၢၤတဖၣ်ဒီးတၢ်စံးထီၣ်ပတြၢၤန့ၣ်တက့ၢ်. စံးဘျုးအီၤဒီးစံးထီၣ်ပတြၢၤအီၤတက့ၢ်.

စံးထီၣ်ပတြၢၤ 116:14

ယကမၤဘူၣ်ယွၤလၢ တၢ်ဘၣ်ဃးဒီး ယဆိၣ်တၢ်လၢ အပှၤဂီၢ်မုၢ်ခဲလၢာ် အမဲာ်ညါခဲကနံၣ်အံၤလီၤ.

စံးထီၣ်ပတြၢၤ 118:19

အိးထီၣ်န့ၢ်ယၤလၢတၢ်လုၢ်ဟံၣ် အတြဲၤတဖၣ်န့ၣ်တက့ၢ်. ယကလဲၤနုာ်ဆူအပူၤဒီးစံးဘျုးစံးဖှိၣ်ယွၤန့ၣ်လီၤ.

စံးထီၣ်ပတြၢၤ 118:27

ယွၤမ့ၢ်ကစၢ်ယွၤလီၤ. အဝဲမ့ၢ်တၢ်ဂ့ၤလၢပဂီၢ်လီၤ. စးထီၣ်တၢ်သးခုအဘူၣ်လၢသုစုပူၤ, ဒီးလဲၤတရံးတၢ်လုၢ်လီၢ်န့ၣ်တက့ၢ်.

စံးထီၣ်ပတြၢၤ 22:25

ယကစံးထီၣ်ပတြၢၤနၤလၢတၢ်လၢနမၤတ့ၢ် သ့ၣ်တဖၣ်အဃိ လၢပှၤလၢအဘူၣ်ထီၣ်ဘါထီၣ်နၤသ့ၣ်တဖၣ် အမဲာ်ညါန့ၣ်လီၤ. ယကလုၢ်ထီၣ်တၢ်လုၢ်တဖၣ် ဒ်ယအၢၣ်လီၤတ့ၢ်အသိးန့ၣ်လီၤ.

စံးထီၣ်ပတြၢၤ 56:12

ကစၢ်ယွၤဧၢ, တၢ်လၢယဆိၣ်တၢ်လၢနဂီၢ်သ့ၣ်တဖၣ်န့ၣ်, ယကပာ်ဖျါထီၣ်အီၤ, ယကဟ့ၣ်ထီၣ်တၢ်စံးထီၣ်ပတြၢၤ အတၢ်မၤဘူၣ်သ့ၣ်တဖၣ်ဆူနၤလီၤ.

စံးထီၣ်ပတြၢၤ 65:2

မ့ၢ်လၢနစံးဆၢပတၢ်ထုကဖၣ်အဃိန့ၣ်လီၤ. ပှၤကလုာ်လၢလီၢ်ကိးပူၤဒဲးကဟဲဆူနအိၣ်,

လံာ်ပှၤစံၣ်တဲၤတဲလီၤတၢ် 5:4

မၤသးဒ်န့ၣ်ဒီး, ဖဲနမၤတၢ်အၢၣ်လီၤအီလီၤဒီးကစၢ်ယွၤန့ၣ်, မၤလၢပှဲၤအီၤချ့ချ့တသ့ဖဲအသ့တက့ၢ်. ပှၤအမၢးတဂၤန့ၣ်, ကစၢ်ယွၤသူအီၤတသ့ဘၣ်. မၤတၢ်လၢနအၢၣ်လီၤလၢနကမၤအီၤန့ၣ်တက့ၢ်.

လံာ်ယိၤနါ 2:9

မ့မ့ၢ်ယဲဒၣ်အံၤယကလုၢ်ထီၣ်နၤလၢ တၢ်လုၢ်အိၣ်ဒီးတၢ်သးဝံၣ်စံးထီၣ်ပတြၢၤနၤ ဒီးယကမၤတၢ်လၢယအၢၣ်လီၤအီလီၤန့ၣ်လီၤ. တၢ်အုၣ်က့ၤခီၣ်က့ၤန့ၣ်ဟဲလၢယွၤလီၤ.”

လံာ်နၤဃူၣ် 1:15

ကွၢ်ကွၢ်, ပှၤစိာ်တၢ်ကစီၣ်ဟဲလၢကစၢၢ်ကလိအဒီခိၣ်အိၣ်ဒီးတၢ် ကစီၣ်အမုာ်န့ၣ်လီၤ. အဝဲဟဲဝဲလံဒ်သိးကဘိးဘၣ်သ့ၣ်ညါတၢ်မၤနၢၤအကစီၣ်န့ၣ်လီၤ. ကီၢ်ယူဒၤအပှၤဂီၢ်မုၢ်ဧၢ, မၤသုဘူၣ်တဖၣ်အမူးဖးဒိၣ်ဒီးဟ့ၣ်ကစၢ်ယွၤလၢတၢ်လၢသု အၢၣ်လီၤတ့ၢ်သညူးသပှၢ်ဒီးအီၤန့ၣ်တက့ၢ်. ပှၤအၢပှၤသီတနုာ်လီၤဒုးကဒီးသုထံသုကီၢ်နီတဘျီလၢၤဘၣ်. အဝဲသ့ၣ်ဘၣ်တၢ်မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.

လံာ်သိၣ်လီၤသီလီၤတၢ် 23:22

သုမ့ၢ်တမၤတၢ်ဆိၣ်တမံၤဒီးယွၤန့ၣ်, တမ့ၢ်ဘၣ်တၢ်ဒဲးဘးဘၣ်.

လံာ်သိၣ်လီၤသီလီၤတၢ် 23:23

ဘၣ်ဆၣ်ဒီးသုမ့ၢ်မၤတၢ်ဆိၣ်တမံၤဒ်သုတၢ်သးအိၣ်ဒၣ်ဝဲအသိး န့ၣ်မၤလီၤတံၢ်လၢသုကတိၢ်န့ၢ်ဖံးဃာ်အီၤတက့ၢ်.

လံာ်သိၣ်လီၤသီလီၤတၢ် 23:24

တုၤသုဟးလၢကျဲဖိတဘိလၢပှၤတဂၤဂၤအစပံးလီၢ်အပူၤန့ၣ်, သုအီၣ်စပံးသၣ်တဖၣ်ဒ်သုအဲၣ်ဒိးအီၣ်အသိးသ့ဝဲ, ဘၣ်ဆၣ်ဒီးသုတဘၣ်က့ၤစိာ်အီၤနီတမံၤလၢသုတၢ်ပူၤတၢ်တ့ၤ အပူၤဘၣ်.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

လံာ်ပှၤစံၣ်ညီၣ်ကွီၢ် 11:35

ဒီးဖဲအထံၣ်ဘၣ်အဖိမုၣ်န့ၣ်အဝဲဖှီယာ်အဆ့ကၤလၢတၢ်သးအုးအပူၤဒီးစံး, “အိ, ယဖိမုၣ်ဧၢ, နမၤသ့ၣ်ဖးယသးလီၤ. ဘၣ်မနုၤအဃိလၢနဘၣ်မ့ၢ်ပှၤမၤဘၣ်ဒိဆါယၤန့ၣ်လဲၣ်. ယမၤတ့ၢ်တၢ်အၢၣ်လီၤသညူးသပှၢ်ဆူယွၤဒီးယထုးက့ၤတသ့လၢၤဘၣ်.”