စံးထီၣ်ပတြၢၤ 64:8 - Sgaw Karen Common Bible

⁸ လၢအဝဲသ့ၣ်အတၢ်ကတိၤတဖၣ်န့ၣ်အဃိ ယွၤကမၤဟးဂီၤအဝဲသ့ၣ်, ဒီးပှၤလၢအထံၣ်အဝဲသ့ၣ်ခဲလၢာ် ကကျၢၢ်ကျာ်အခိၣ်လီၤ.

စံးထီၣ်ပတြၢၤ 64:8 Iomraidhean Croise

လံာ်စီၤယိၤဘး 15:6

အလီၢ်တအိၣ်ဘၣ်လၢယကစံၣ်ညီၣ်နၤဘၣ်. နဘၣ်တၢ်စံၣ်ညီၣ် တ့ၢ်နၤခီဖျိတၢ်ကတိၤလၢနစံးဒၣ်နဲန့ၣ်လီၤ.

စံးထီၣ်ပတြၢၤ 140:9

ပျဲယဒုၣ်ယဒါတဖၣ် မၤနၢၤယၤတဂ့ၤ, မ်အတၢ်ကတိၤမၤပျံၤမၤဖုးထီဒါယၤတဖၣ်န့ၣ် လီၤဘၣ်ကဒါက့ၤလၢအလိၤတက့ၢ်.

စံးထီၣ်ပတြၢၤ 144:6

မၢလီၤလီဝၢ်အဒံး, ဒီးမၤလီၤပြံလီၤပြါနဒုၣ် နဒါတဖၣ်တက့ၢ်. ခးထီၣ်နပျၢ်တဖၣ်ဒီးဒုးဃ့ၢ်ကွံာ်အဝဲသ့ၣ်န့ၣ်တက့ၢ်.

စံးထီၣ်ပတြၢၤ 22:7

ပှၤလၢအထံၣ်ယၤခဲလၢာ်ဒုၣ်ဒွဲၣ်ယၤ, အဝဲသ့ၣ်လ့ၣ်အပျ့ၤလၢယၤဒီးကျၢၢ်ကျာ်အခိၣ်လီၤ.

စံးထီၣ်ပတြၢၤ 31:11

ယဒုၣ်ယဒါခဲလၢာ်, လီၤဆီဒၣ်တၢ်ပှၤလၢ ယဃၢၤတဖၣ်မၤယၤဒ်တၢ်လီၤသးဘၣ်အၢ, ပှၤလၢအသ့ၣ်ညါယၤတဖၣ်ပျံၤယၤ, တုၤအထံၣ်ယၤလၢကျဲဒီးဃ့ၢ်ကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 52:6

ပှၤအတီအလိၤကထံၣ်ဘၣ်ဝဲ, ဒီးကပျံၤတၢ်, ဒီးကနံၤဘၣ်နၤ, ဒီးစံးဝဲ,

စံးထီၣ်ပတြၢၤ 59:12

တၢ်ဒဲးဘးအိၣ်လၢအထးခိၣ်တဖၣ်အလိၤ, အတၢ်ကတိၤခဲလၢာ်မ့ၢ်တၢ်ဒဲးဘးန့ၣ်လီၤ. မ်အဝဲသ့ၣ်ဘၣ်တၢ်ဖီၣ်န့ၢ်အီၤလၢ အတၢ်ပာ်ထီၣ်ထီအသးဒၣ်ဝဲအပူၤန့ၣ်တက့ၢ်. အဂ့ၢ်ဒ်အံၤ, အဝဲသ့ၣ်ဆိၣ်တၢ်ဒီးလီတၢ်လီၤ.

စံးထီၣ်ပတြၢၤ 9:3

တုၤနလီၣ်ဖျါထီၣ်နသးဒီးယဒုၣ်ယဒါတဖၣ်ဃၣ်ကဒါက့ၤအသးဒီး အဝဲသ့ၣ်လီၤဃံၤဒီးသံဝဲလၢနမဲာ်ညါလီၤ.

တၢ်ကတိၤဒိ. 12:13

ပှၤတတီတလိၤတဂၤန့ၣ်ဘၣ်တၢ်ဖီၣ်န့ၢ်အီၤလၢအတၢ်ကတိၤဒၣ်ဝဲလီၤ. မ့မ့ၢ်ပှၤအတီအလိၤတဂၤန့ၣ်မၤထူၣ်ဖျဲးထီၣ်အသးလၢတၢ်ကီတၢ် ခဲအပူၤလီၤ.

တၢ်ကတိၤဒိ. 18:7

ဖဲပှၤဟးဂီၤဖိတဂၤကတိၤတၢ်န့ၣ်, အဝဲမၤဟးဂီၤလီၤအသးဒၣ်ဝဲ လီၤ. အဝဲဘၣ်တၢ်ဖီၣ်န့ၢ်အီၤလၢအတၢ်ကတိၤဒၣ်ဝဲတဖၣ်အပျံၤ သကွီၤန့ၣ်လီၤ.

လံာ်ယံးရမံယၤ 18:16

အဝဲသ့ၣ်ဒုးကဲထီၣ်တ့ၢ်ကီၢ်အံၤလၢတၢ် လီၤပျံၤလီၤဖုးအလီၢ်တတီၤ, လၢတၢ်ကသးဘၣ်အၢအီၤလီၤထူလီၤယိာ် အဂီၢ်န့ၣ်လီၤ. ကယဲၢ်ပှၤလၢအလဲၤခီဘၣ်ဖဲန့ၣ်, ကကမၢကမၣ်ဒီးသူၣ်ပျံၤသးဖုး လၢတၢ်လၢအဝဲသ့ၣ်ထံၣ်ဘၣ်ဝဲအဃိန့ၣ်လီၤ. အဝဲသ့ၣ်ကဂံၤဂုၤအခိၣ်လၢ တၢ်ကမၢကမၣ်အပူၤန့ၣ်လီၤ.

လံာ်ယံးရမံယၤ 48:27

ကီၢ်မိၤအးဧၢ, သ့ၣ်နီၣ်ထီၣ်က့ၤနကတိၤဆါ ကီၢ်အံၣ်စရ့လး ပှၤဂီၢ်မုၢ်ဒ်လဲၣ်န့ၣ်တက့ၢ်. နမၤတ့ၢ်အဝဲသ့ၣ်ဒ် ပှၤလၢအဘၣ်တၢ်ဖီၣ်န့ၢ် ဃုာ်အီၤဒီးတမျိၤတမျာ်အသိးန့ၣ်လီၤ.

လံာ်နၤဃူၣ် 3:7

ဒီးကယဲၢ်ပှၤလၢအထံၣ်နၤကသံးက့ၤအသး ဆူအလီၢ်ခံန့ၣ်လီၤ. အဝဲသ့ၣ်ကစံးဝဲဒၣ်လၢ, ဝ့ၢ်နံၤနဝ့ဒါလီၤအသးလၢတၢ်ဟးဂီၤအပူၤလံ. မ့ၢ်မတၤအိၣ်ဒံးဒီးတၢ်သးကညီၤလၢအဂီၢ်တဂၤလဲၣ်. မ့ၢ်မတၤကသးအိၣ်မၤမုာ်အီၤတဂၤလဲၣ်.”

လံာ်တၢ်ဂံၢ် 16:34

ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ထွးထီၣ်ဃ့ၢ်ကွံာ်ဝဲ ဖဲအနၢ်ဟူဘၣ်ပှၤတဖၣ်အတၢ်ကိးပသူန့ၣ်လီၤ. အဝဲသ့ၣ်ကိးထီၣ်ဝဲ, “ဃ့ၢ်တက့ၢ်. ဟီၣ်ခိၣ်ကယူၢ်လီၤကွံာ်စ့ၢ်ကီးပှၤဘၣ်ဖုးလီၤ.”

လံာ်မးသဲ 21:41

အဝဲသ့ၣ်စံးဆၢအီၤ, “ကမၤသံပှၤအၢပှၤသီတဖၣ်န့ၣ်သပှၢ်ကတၢၢ်လီၤ. ဒီးကဒိးလဲလီၤဝဲစပံးလီၢ်ဆူပှၤဒိးလဲစပံးလီၢ်အဂၤ, လၢအကဟ့ၣ်အီၤတၢ်လၢအဂ့ၤဒိးန့ၢ်ဝဲဘၣ်ဆၢဘၣ်ကတီၢ် တဖၣ်န့ၣ်လီၤ.”

လံာ်လူၤကၣ် 19:22

အဝဲဒၣ်စံးဘၣ်အီၤ, ‘ကုၢ်လၢအအၢတဂၤဧၢ, ယကသူက့ၤနတၢ်ကတိၤဒၣ်နဲလၢယကစံၣ်ညီၣ်နၤအဂီၢ်လီၤ. နသ့ၣ်ညါနဲလၢယမ့ၢ်ပှၤအကီတဂၤ, ယဟံးန့ၢ်တၢ်လၢအတမ့ၢ်ယတၢ်, ဒီးယကူးတၢ်လၢယတဖှံယဲန့ၣ်ဘၣ်လီၤ.

လံာ်လီၣ်ဖျါ 18:10

အဝဲသ့ၣ်အိၣ်ဆၢထၢၣ်ဝဲလၢအယံၤ, အဂ့ၢ်မ့ၢ်လၢအဘၣ်ယိၣ်ဝဲလၢအကတူၢ်ဘၣ်ဃုာ်တၢ်ဒီးအီၤ အဃိလီၤ. အဝဲသ့ၣ်စံးဝဲ, “လီၤပျံၤလီၤဖုးဆံးဒိၣ်လဲၣ်. နးဝဲဖှီၣ်ဝဲဆံးဒိၣ်လဲၣ်. ဝ့ၢ်ဘၤဘူၤလိၣ်လၢအဒိၣ်ဝဲသွါဝဲ ဒီးအဂံၢ်ဆူၣ်ဘါဆူၣ်တဖျၢၣ် အံၤဧၢ, ထဲလၢတနၣ်ရံၣ်အတီၢ်ပူၤနဘၣ်တၢ်စံၣ်ညီၣ်နၤလံ.”

လံာ်လီၣ်ဖျါ 18:4

တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.