စံးထီၣ်ပတြၢၤ 64:4 - Sgaw Karen Common Bible

⁴ ခးခူသူၣ်ပှၤလၢအတၢ်ကမၣ်တအိၣ်, ခးအီၤသတူၢ်ကလာ်ဒီးတပျံၤဘၣ်တၢ်ဘၣ်.

စံးထီၣ်ပတြၢၤ 64:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:14

လၢတၢ်န့ၣ်အဃိ, စီၤဒၤဝံးစံးဘၣ်ကယဲၢ်အပဒိၣ်ပပှၢ်ခဲလၢာ်လၢ အအိၣ်ဒီးအီၤလၢဝ့ၢ်ယရူၤၡလ့ၣ်အပူၤန့ၣ်, “ပမ့ၢ်အဲၣ်ဒိးပူၤဖျဲးကွံာ်လၢစီၤအးဘၡါလိၣ်န့ၣ် ပကဘၣ်ဟးထီၣ်ကွံာ်တဘျီဃီန့ၣ်လီၤ. မၤချ့ချ့တက့ၢ်. မ့တမ့ၢ်ဘၣ်န့ၣ်တယံာ်ဘၣ်ဒီးအဝဲကဟဲတုၤဖဲအံၤ, ဒီးမၤနၢၤကွံာ်ပှၤဒီးမၤသံကွံာ်ကယဲၢ်ပှၤအိၣ်လၢဝ့ၢ်ပူၤခဲလၢာ်န့ၣ်လီၤ.”

လံာ်စီၤနဃ့မယၤ 4:11

ပဒုၣ်ပဒါတဖၣ်ဆိကမိၣ်ဝဲဒၣ်လၢပတထံၣ်အဝဲသ့ၣ်မ့ၢ်ဂ့ၤ, ပတသ့ၣ်ညါလၢတၢ်မၤအသးတုၤလၢအဝဲသ့ၣ်ကအိၣ်လၢပလိၤ, ဒီးမၤသံပှၤ, ဒီးမၤကတၢၢ်ကွံာ်ပတၢ်မၤမ့ၢ်ဂ့ၤန့ၣ်ဘၣ်လီၤ.

စံးထီၣ်ပတြၢၤ 11:2

ကွၢ်, ပှၤအၢပှၤသီတဖၣ်ဖ့ၣ်ထီၣ်အချံၣ်, ပညိၣ်ဃီၤအပျၢ်တဖၣ်အခိၣ်လၢချံၣ်အလိၤ, ဒီးခိးခူသူၣ်တၢ်ဒ်သိးကခး ပှၤအသူၣ်လိၤသးဘျၢန့ၣ်လီၤ.

စံးထီၣ်ပတြၢၤ 55:19

ကစၢ်ယွၤ, လၢအပၢတၢ်လၢတၢ်လီၤထူလီၤယိာ်န့ၣ် ကနၢ်ဟူယၤဒီးမၤနၢၤအဝဲသ့ၣ်လီၤ. အဂ့ၢ်ဒ်အံၤ, အဝဲသ့ၣ်တလဲလိာ်အသးဘၣ် ဒီးအဝဲသ့ၣ်တပျံၤဘၣ်ယွၤဘၣ်. စ့လၤ

စံးထီၣ်ပတြၢၤ 55:22

ပာ်ထီၣ်နတၢ်ဝံတၢ်ယိးလၢယွၤအလိၤတက့ၢ်. ဒီးအဝဲဒၣ်ကမၤစၢၤနၤလီၤ. အဝဲတပျဲပှၤတီပှၤလိၤဟူးဝးနီတဘျီဘၣ်.

စံးထီၣ်ပတြၢၤ 57:5

ကစၢ်ယွၤဧၢ, မ်နဘၣ်တၢ်ပာ်ထီၣ်ထီနၤလၢမူခိၣ် ဒီးနလၤကပီၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

စံးထီၣ်ပတြၢၤ 64:7

ဘၣ်ဆၣ်ကစၢ်ယွၤကခးအပျၢ်လၢအဝဲသ့ၣ်, အဝဲသ့ၣ်ကဘၣ်ဒိဆါသတူၢ်ကလာ်လီၤ.

လံာ်ဃဘးကူာ် 3:14

နပျၢ်ဆဲးဖျိကွံာ်သုးခိၣ်ကျၢၢ်လၢအသုးမုၢ်အကျါ, ဖဲအဟဲဒ်ကလံၤမုၢ်လၢအကမၤလီၤပြံလီၤပြါပှၤ, ဒီးကွၢ်စူၣ်ဃီၤတၢ်ဒ်ပှၤလၢအကူၣ်ထီၣ်ခူသူၣ်တၢ်မၤနၢၤမၤပ့ၤ ပှၤဖှီၣ်ဖိယာ်ဖိအခါန့ၣ်လီၤ.

လံာ်ယိၤဟၣ် 19:6

တုၤပှၤလုၢ်တၢ်အခိၣ်အဒိၣ်တဖၣ်ဒီးတၢ်လုၢ်ဟံၣ်အပှၤပၢၤတၢ် တဖၣ်ထံၣ်ယ့ၣ်ၡူးဒီး, အဝဲသ့ၣ်ကိးပသူထီၣ်ဒီးစံးဝဲဒၣ်, “ပျၤထီအီၤလၢထူၣ်စုညါအလိၤ, ပျၤထီအီၤလၢထူၣ်စုညါ အလိၤတက့ၢ်.” စီၤပံၤလးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ဟဲဟံးန့ၢ်အီၤ ဒီးပျၤထီကွံာ်အီၤလၢထူၣ်စုညါအလိၤလၢသုကစၢ်ဒၣ်သုဝဲ တက့ၢ်. ယဲယတထံၣ်န့ၢ်တၢ်အဂ့ၢ်အခၢးလၢယကစံၣ်ညီၣ်အီၤ အဂီၢ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 18:11

ဒီးစံးလီၤအသး, “ယကဆဲးတ့ၢ်အီၤလၢဂီၤပၤအလိၤလီၤ.” ဒီးကွံာ်ဝဲဘီန့ၣ်ဆူစီၤဒၤဝံးအအိၣ်ခံဘျီဘၣ်ဆၣ်ဒီးစီၤ ဒၤဝံးပဒ့ၣ်အသးပူၤတဘျီဘၣ်တဘျီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:10

စီၤစီလူးကျဲးစၢးဝဲဒ်သိးကဆဲးတံၢ်စီၤဒၤဝံးလၢဂီၤပၤအလိၤလၢ အဘီလီၤ. ဘၣ်ဆၣ်ဒီး, စီၤဒၤဝံးပဒ့ၣ်အသးဒီးဘီန့ၣ်စဲဘူးအသးလၢဂီၤ ပၤလိၤဒီးစီၤဒၤဝံးဃ့ၢ်ထီၣ်ကွံာ်ဝဲဒီးပူၤဖျဲးဝဲဒၣ်လီၤ.