စံးထီၣ်ပတြၢၤ 63:11 - Sgaw Karen Common Bible

¹¹ ဘၣ်ဆၣ်စီၤပၤန့ၣ် ကသးခုလၢကစၢ်ယွၤအပူၤလီၤ. ကယဲၢ်ပှၤလၢအဆိၣ်တၢ်ဒီးအီၤလၢကစၢ်ယွၤအမံၤန့ၣ် ကစံးထီၣ်ပတြၢၤယွၤလီၤ. မ့မ့ၢ်ပှၤလၢအကတိၤတၢ်ကဘျံးကဘျၣ် အထးခိၣ်ကဘၣ်တၢ်ဆွံတံာ်အီၤလီၤ.

စံးထီၣ်ပတြၢၤ 63:11 Iomraidhean Croise

လံာ်စီၤယိၤဘး 5:16

အဝဲဟ့ၣ်တၢ်မုၢ်လၢ်ဆူပှၤဖှီၣ်ဖိယာ်ဖိသ့ၣ်တဖၣ်ဒီးကးတံာ်ပှၤ တတီတလိၤအထးခိၣ်န့ၣ်လီၤ.

စံးထီၣ်ပတြၢၤ 107:42

ပှၤအတီအလိၤထံၣ်တၢ်အံၤဒီးသးခုဝဲ, မ့မ့ၢ်ပှၤအၢပှၤသီခဲလၢာ်ကျၢၢ်တံၢ်အထးခိၣ်လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 21:1

ယွၤဧၢ, စီၤပၤသးခုဝဲလၢနဟ့ၣ်အီၤတၢ်ဂံၢ်တၢ်ဘါ, ဒီးသးဖှံဝဲလၢနဒုးမၤနၢၤအီၤတၢ်အဃိန့ၣ်လီၤ.

စံးထီၣ်ပတြၢၤ 31:18

ပှၤလီတၢ်ဖိသ့ၣ်တဖၣ်လၢအပာ်ထီၣ်ထီအသး ဒီးအပာ်အသးကဖၢလၢ, လၢအကတိၤတရီတပါပှၤတီပှၤလိၤတဖၣ်န့ၣ်, မ်အနိးဖံးအိၣ်ဘှီၣ်ကလာ်တက့ၢ်.

စံးထီၣ်ပတြၢၤ 44:20

ပမ့ၢ်ဆိကတီၢ်တ့ၢ်ပတၢ်ဘူၣ်ထီၣ်ဘါထီၣ်ကစၢ်ယွၤ ဒီးထုကဖၣ်ထီၣ်တၢ်ဆူပှၤတခီဘီမုၢ်အယွၤန့ၣ်ဒီး,

လံာ်ယၡါယၤ 19:18

တုၤတၢ်ဆၢကတီၢ်န့ၣ်ဟဲဝဲဒီး, ပှၤဧ့ၤဘြံၤဖိအကျိာ်ကဘၣ်တၢ် ကတိၤအီၤလၢကီၢ်အဲၤကူပတူးအဝ့ၢ်ယဲၢ်ဝ့ၢ်အပူၤန့ၣ်လီၤ. ပှၤဖဲန့ၣ်တဖၣ်ကဆိၣ်လီၤအသးလၢယွၤသ့တၢ်လၢာ်ကစၢ်အမံၤ အပူၤလီၤ. ဝ့ၢ်အကျါတဝ့ၢ်ကဘၣ်တၢ်ကိးအီၤလၢ, “မုၢ်အဝ့ၢ်” န့ၣ်လီၤ.

လံာ်ယၡါယၤ 45:23

ယတၢ်အၢၣ်လီၤတီဝဲလိၤဝဲ ဒီးတဘၣ်တၢ်လဲလိာ်ဘၣ်အီၤဘၣ်. ယအၢၣ်လီၤတၢ်လၢတၢ်သမှံၤသပှၢ်အပူၤဒ်ယမ့ၢ်တၢ်အသိးလၢာ်လၢာ်ဆ့ ဆ့န့ၣ်လီၤ. ပှၤကိးဂၤဒဲးကဟဲဒီးတီၤလီၤကဒွံကျိာ်လၢယမဲာ်ညါ ဒီးဆီၣ်လီၤအသးလၢအသးကတီဒီးယၤအဂီၢ်လီၤ.

လံာ်ယၡါယၤ 65:16

ပှၤတဂၤဂ့ၤတဂၤဂ့ၤလၢထံကီၢ်ပူၤ, လၢအဃ့တၢ်ဆိၣ်ဂ့ၤတမံၤ န့ၣ်, ကဃ့ဝဲဒ်သိးတၢ်သူၣ်တီသးရၤအကစၢ်ယွၤကဆိၣ်ဂ့ၤအီၤအဂီၢ် န့ၣ်လီၤ. ပှၤတဂၤလၢ်လၢ်လၢအမၤတၢ်ဆိၣ်တမံၤန့ၣ်, ကဆိၣ်လီၤအသးလၢတၢ်သူၣ်တီသးရၤအကစၢ်ယွၤအမံၤ အပူၤန့ၣ်လီၤ. တၢ်ကီတၢ်ခဲလၢအပူၤကွံာ်တဖၣ် ကလၢာ်ကွံာ်ဒီးကဘၣ်တၢ်သးပ့ၤနီၣ်ကွံာ်အီၤန့ၣ်လီၤ.”

လံာ်ယံးရမံယၤ 18:21

ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်စဖါနယၤ 1:5

ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 6:13

ယူးယီၣ်ယွၤ, သုကစၢ်ယွၤ, ဘူၣ်ထီၣ်ဘါထီၣ်ထဲအဝဲဒၣ်ဧိၤ, ဒီးမၤသုတၢ်အၢၣ်လီၤတဖၣ်ထဲလၢအဝဲတဂၤဧိၤအမံၤအပူၤန့ၣ်တ က့ၢ်.

ဧ့ၤဘြံၤ 6:13

ဖဲကစၢ်ယွၤစံးပာ်တၢ်ဒီးစီၤအၤဘြၤဟၣ်န့ၣ်အဝဲဆိၣ်လီၤ အသးလၢကမၤလၢပှဲၤတၢ်စံးပာ်အံၤန့ၣ်လီၤ. အဂ့ၢ်ဒ်အံၤ, ပှၤဒိၣ်န့ၢ်အီၤတအိၣ်ဘၣ်ဒီးယွၤသူအမံၤဒၣ်ဝဲလၢ အတၢ်ဆိၣ်လီၤအသးအပူၤ,

လံာ်စီၤၡမူၤအ့လးအခီၣ်ထံးတဘ့ၣ် 23:17

ဒီးစံးဘၣ်အီၤ, “ပျံၤတၢ်တဂ့ၤ. ယပၢ်စီၤစီလူးမၤဆါနၤ တန့ၢ်ဘၣ်. အဝဲသ့ၣ်ညါဝဲဂ့ၤဂ့ၤကလဲာ်လၢနမ့ၢ်ပှၤတဂၤလၢကကဲထီၣ်ကီၢ်အံၣ် စရ့လးအစီၤပၤဒီးယကမ့ၢ်ပှၤအလီၢ်ဖုၣ်န့ၣ်နၤတဂၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 24:20

ခဲကနံၣ်အံၤ, ယသ့ၣ်ညါသပှၢ်ကတၢၢ်လၢနကကဲထီၣ်ဘၣ်အံၣ်စရ့လးအစီၤပၤဒီး ဘီမုၢ်ကအိၣ်ဂၢၢ်ဆိးကျၢၤလၢ နတၢ်ပၢအပူၤလီၤ.