စံးထီၣ်ပတြၢၤ 62:11 - Sgaw Karen Common Bible

¹¹ ယနၢ်ဟူတ့ၢ်အါန့ၢ်တဘျီလၢ ကစၢ်ယွၤစံးဝဲလၢ တၢ်စိတၢ်ကမီၤမ့ၢ် အတၢ်န့ၣ်လီၤ.

စံးထီၣ်ပတြၢၤ 62:11 Iomraidhean Croise

လံာ်စီၤပၤခံဘ့ၣ်တဘ့ၣ် 20:13

စီၤဃံးစကံယၤတူၢ်လိာ်မုာ်ပှၤစိာ်တၢ်ကစီၣ်တဖၣ်န့ၣ်ဒီးဒုး နဲၣ်အဝဲသ့ၣ်လၢအဝဲအတၢ်ထူးတၢ်တီၤလၢအမ့ၢ်, အဝဲအစ့ဒီးအထူ, အတၢ်နၢမူနၢဆှီတဖၣ်ဒီးထံနၢမူတဖၣ်ဒီး ကယဲၢ်အဝဲအသုးအစုကဝဲၤပီးလီတဖၣ်န့ၣ်လီၤ. လၢအဝဲအတၢ်ပာ်ဖှိၣ်အဒၢးတဖၣ်အပူၤမ့ၢ်ဂ့ၤ, လၢအဝဲအဘီအမုၢ်တပူၤလၢ်လၢ်မ့ၢ်ဂ့ၤန့ၣ်, တၢ်လၢအဝဲ တဒုးနဲၣ်အဝဲသ့ၣ်, တအိၣ်ဘၣ်နီတမံၤဘၣ်.

လံာ်စီၤပၤခံဘ့ၣ်တဘ့ၣ် 20:15

“အဝဲသ့ၣ်ထံၣ်ဘၣ်တၢ်မနုၤလၢနူၢ်ဧိၤစီၤဧိၤအပူၤလဲၣ်.” “အဝဲသ့ၣ်ထံၣ်ဘၣ်တၢ်ခဲလၢာ်လီၤ. တၢ်လၢယတဒုးနဲၣ်ဘၣ်အဝဲသ့ၣ် လၢတၢ်ပာ်ဖှိၣ်အဒၢးတဖၣ်အပူၤန့ၣ်တအိၣ်နီတမံၤဘၣ်.”

လံာ်စီၤယိၤဘး 33:14

ကစၢ်ယွၤကတိၤတၢ်ဒ်အံၤတဘျီဝံၤစံးကဒီးလၢကျဲအဂၤ တဘိဒၣ်လဲာ်ဒီးတၢ်လၢအစံးဝဲန့ၣ်ပှၤကညီတပာ်သူၣ်ပာ်သးလၢ အဂ့ၢ်နီတဂၤဘၣ်.

လံာ်စီၤယိၤဘး 40:5

ယစံးတ့ၢ်တၢ်အါန့ၢ်ဒံးတၢ်လၢယကြၢးစံးယဲဒၣ်န့ၣ်လီၤ.

စံးထီၣ်ပတြၢၤ 59:17

ယဂံၢ်ယဘါဧၢ, ယကသးဝံၣ်စံးထီၣ်ပတြၢၤနၤလီၤ. နဲဒၣ်ကစၢ်ယွၤဧၢ, နမ့ၢ်ယတၢးထီၣ်ထီ, ကစၢ်ယွၤလၢအအဲၣ်ယၤလီၤ.

လံာ်ယၡါယၤ 26:4

နာ်ယွၤတဘိယူၢ်ဃီတက့ၢ်. ဒီးအဝဲကဒီဒၣ်အိၣ်ပှိၤပှၤထီဘိလီၤ.

လံာ်ယဃ့းစက့လး 28:5

နမၤပနံၣ်တၢ်ကၤအတၢ်မၤအိၣ်ဒီးတၢ်သးဆး, တၢ်ပ့ၢ်တၢ်ဆှါဒီး နမၤအါထီၣ်နတၢ်စုလီၢ်ခီၣ်ခိၣ်ကွ့ၢ်ကွ့ၢ်န့ၣ်လီၤ. နပာ်ထီၣ်ထီနသးလၢ နတၢ်ထူးတၢ်တီၤတဖၣ်အဃိဒိၣ်မးလဲၣ်.

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”

လံာ်လီၣ်ဖျါ 19:1

တၢ်အံၤဝံၤအလီၢ်ခံ, ယနၢ်ဟူတၢ်လၢအသီၣ်လီၤဂာ်ပှၤဂီၢ်မုၢ်အကလုၢ်ဖးဒိၣ်လၢမူခိၣ် စံးဝဲ, “စံးထီၣ်ပတြၢၤယွၤတက့ၢ်. တၢ်အုၣ်က့ၤခီၣ်က့ၤ, တၢ်လၤ ကပီၤ, ဒီးတၢ်စိတၢ်ကမီၤမ့ၢ်ပကစၢ်ယွၤအတၢ်လီၤ.