စံးထီၣ်ပတြၢၤ 60:6 - Sgaw Karen Common Bible

⁶ ကစၢ်ယွၤကတိၤတ့ၢ်လံတၢ်လၢအတၢ်လီၢ်စီဆှံအပူၤလံ, လၢတၢ်သူၣ်ခုသးခုအပူၤ, ယကနီၤဖးၡက့ၣ်အဆၢ ဒီးဟ့ၣ်လီၤကွံာ် စူးကိၤသးအတၢ်လူၢ်တၢ်တြီၤန့ၣ် ဆူယပှၤဂီၢ်မုၢ်လီၤ.

စံးထီၣ်ပတြၢၤ 60:6 Iomraidhean Croise

လံာ်တၢ်ကဲထီၣ်အခီၣ်ထံး 12:6

စီၤအၤဘြၣ်လဲၤခီဖျိထံကီၢ်န့ၣ်တုၤအဟဲတုၤဖဲသ့ၣ်စီဆှံ တထူၣ်လၢကစၢၢ်မိၤရံယၤ, တၢ်လီၢ်စီဆှံတတီၤလၢဝ့ၢ်ၡက့ၣ်န့ၣ် လီၤ. (အကတီၢ်ဖဲန့ၣ်ပှၤကနၤဧၣ်ဖိသ့ၣ်တဖၣ်အိၣ်ဒံးဝဲလၢကီၢ်န့ၣ် အပူၤလီၤ.)

လံာ်စီၤၡမူၤအ့လးခံဘ့ၣ်တဘ့ၣ် 3:18

ခဲကနံၣ်အံၤမ့ၢ်တၢ်အခွဲးအယာ်လၢသုဂီၢ်လီၤ. သ့ၣ်နီၣ်ထီၣ်လၢယွၤစံးတ့ၢ်ဝဲ, “ယကသူယခ့ယပှၤစီၤဒၤဝံးဒ် သိးကအုၣ်က့ၤခီၣ်က့ၤယပှၤဂီၢ်မုၢ်အံၣ်စရ့လးလၢပှၤဖလ့ ၡသးဖိတဖၣ်အစုပူၤဒီးလၢကယဲၢ်အဒုၣ်အဒါအဂၤခဲလၢာ်အစုပူၤလီၤ.”

စံးထီၣ်ပတြၢၤ 119:162

ယသူၣ်ဖှံသးညီလၢနတၢ်အၢၣ်လီၤအီလီၤတဖၣ်အပူၤ ဒ်ပှၤလၢအထံၣ်န့ၢ်တၢ်ထူးတၢ်တီလုၢ်ဒိၣ်ပှၤဒိၣ် အါအါကလဲာ်အသိးန့ၣ်လီၤ.

စံးထီၣ်ပတြၢၤ 132:11

နမၤတ့ၢ်တၢ်အၢၣ်လီၤအီလီၤ သမှံၤသပှၢ်တမံၤဒီး စီၤဒၤဝံး တၢ်အၢၣ်လီၤတမံၤလၢ နတထုးကွံာ်အီၤဘၣ်န့ၣ်လီၤ. “ယကဒုးကဲထီၣ်နဖိခွါတဖၣ်အကျါ တဂၤလၢ စီၤပၤ, ဒီးအဝဲကပၢတၢ်လၢ နလီၢ်န့ၣ်လီၤ.

စံးထီၣ်ပတြၢၤ 56:4

ယသန့ၤယသးလၢကစၢ်ယွၤအပူၤ ယတအိၣ်ဘၣ်ဒီးတၢ်ပျံၤဘၣ်န့ၣ်လီၤ. ယစံးထီၣ်ပတြၢၤအီၤလၢ အတၢ်အၢၣ်လီၤအီလီၤအဃိ, ပှၤကညီမၤယၤကသ့ဒ်လဲၣ်.

စံးထီၣ်ပတြၢၤ 89:19

လၢပျၢၤ, နကတိၤတၢ်ဒီးနပှၤတီပှၤလိၤတဖၣ်လၢ တၢ်ထံၣ်လၢညါခီအပူၤ, ဒီးနစံး, “ယဟ့ၣ်လီၤလံပှၤသုးဖိ မံၤဟူသၣ်ဖျါတဂၤလၢ တၢ်မၤစၢၤ, ယဟ့ၣ်လီၤလံလီၢ်ပစိာ်ဆူပှၤတဂၤ လၢယဃုထၢအီၤလၢ ပှၤဂီၤမုၢ်အကျါလံ.

စံးထီၣ်ပတြၢၤ 89:35

ယဆိၣ်တၢ်ထဲတဘျီဒီး အဝံၤလၢ ယမံၤစီဆှံအပူၤ, ယတကတိၤဘၣ်တၢ်ကဘျံးကဘျၣ်ဒီး စီၤဒၤဝံးဘၣ်.

လံာ်ယံးရမံယၤ 23:9

ယသးဘၣ်တၢ်မၤလီၤသဘှံးအီၤ ဒီးယကနိးကစုာ်ယဲလီၤ. အဂ့ၢ်ဒ်အံၤ, လၢယွၤအဃိ, ဒီးလၢအကလုၢ်ကထါစီဆှံအဃိန့ၣ်, ယလီၤဂာ်ဒ်ပှၤတဂၤလၢအအီမူၤသံးအသိး, ဒ်ပှၤတဂၤလၢအအီစပံးထံအါကဲၣ်ဆိးအသိးန့ၣ်လီၤ.

လံာ်ဧၤမိၣ် 4:2

ဒ်တၢ်စိတၢ်ကမီၤခဲလၢာ်အယွၤမ့ၢ်တၢ်စီတၢ်ဆှံအသိးန့ၣ်, အဝဲအၢၣ်လီၤတ့ၢ်ဝဲလၢ, မုၢ်နံၤတဖၣ်ကဟဲဝဲလၢသုကဘၣ်တၢ်ထုးသု လၢထးကွးတဖၣ်, ဒီးသုဝဲကိးဂၤဒဲးသုကလီၤဂာ်ဒီးညၣ်အိၣ် လၢတခွဲကနၣ်အလိၤန့ၣ်လီၤ.

လံာ်စီၤယိၤၡူ 1:6

ပာ်ဆူၣ်နသးဒီးအိၣ်ဒီးတၢ်သးဒူတက့ၢ်. အဂ့ၢ်ဒ်အံၤ, နကမ့ၢ်ပှၤဂီၢ်မုၢ်အံၤအခိၣ်အနၢ် ဖဲအဝဲသ့ၣ်နုာ်လီၤဒီးန့ၢ်သါကီၢ်အံၤလၢယအၢၣ်လီၤတ့ၢ်အဝဲ သ့ၣ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်စီၤယိၤၡူ 13:27

လၢထံကျိယၢ်ဒ့ၣ်အတၢ်ပၢၤခိၣ်အံၤအိၣ်ဒီးဝ့ၢ်ဘ့ၤသဟၤရၣ်, ဝ့ၢ်ဘ့ၤသနံးမရၤ, ဝ့ၢ်စူးကိၤသး, ဝ့ၢ်စၤဖိၣ်ဒီးဃ့ၡဘိၣ်အစီၤပၤစံဃိၣ် အဘီမုၢ်လၢအအိၣ်လီၤတဲာ်တဖၣ်န့ၣ်လီၤ. အမုၢ်နုာ်ကီၢ်ဆၢမ့ၢ်ဝဲထံကျိယၢ်ဒ့ၣ်ဒီးတုၤလၢ ပီၣ်လဲၣ်ကၤလံၤလါလၢကလံၤစိးန့ၣ်လီၤ.

လံာ်စီၤယိၤၡူ 17:7

မနၤၡ့ၤအကီၢ်ဆၢစးထီၣ်အသးဖဲအၤၡ့ၢ်အကီၢ်ဒီးလဲၤတုၤလၢ ဝ့ၢ်မံးကမ့သၤလၢဝ့ၢ်ၡက့ၣ်အမုၢ်ထီၣ်န့ၣ်လီၤ. အန့ၣ်ဝံၤဒီးကီၢ် ဆၢန့ၣ်လဲၤဆူကလံၤထံးတုၤလၢပှၤဧ့ၣ်တးပူၤဖိအိၣ်ဆိးအလီၢ်န့ၣ်လီၤ.

လံာ်စီၤယိၤၡူ 20:7

အန့ၣ်သတးဒီး, အဝဲသ့ၣ်ပာ်လီၤဆီဝ့ၢ်က့ဒ့ၣ်လၢကီၢ်ကၤလံၤလါ, နးသၤလံကစၢၢ်အလိၤ, ဝ့ၢ်ၡက့ၣ်လၢအ့ဖရဲၣ်ကစၢၢ်အလိၤဒီး ဝ့ၢ်ဃ့ဘြိၣ်လၢယူဒၤကစၢၢ်အလိၤန့ၣ်လီၤ.

လံာ်စီၤယိၤၡူ 24:1

စီၤယိၤၡူပာ်ဖှိၣ်အံၣ်စရ့လးအဒူၣ်တဖၣ်ခဲလၢာ် ဖဲၡက့ၣ်ဒီးကိးန့ၢ်ပှၤသူၣ်က့သးပှၢ်တဖၣ်, ပှၤခိၣ်ပှၤနၢ်တဖၣ်, စံၣ်ညီၣ်ကွီၢ်တဖၣ်ဒီးအံၣ်စရ့လးအပှၤကွဲး လံာ်တဖၣ်ဒီးအဝဲသ့ၣ်ခဲလၢာ်ပာ်ဖှိၣ်အသးလၢယွၤအမဲာ်ညါလီၤ.

လံာ်စီၤယိၤၡူ 24:32

စီၤယိၤသးအစိၣ်လၢပှၤအံၣ်စရ့လးဖိဟဲစိာ်ထီၣ်ဝဲလၢကီၢ်အဲၤကူပတူးန့ၣ် ဘၣ်တၢ်ခူၣ်လီၤအီၤဖဲဝ့ၢ်ၡက့ၣ်, လၢဟီၣ်ခိၣ်တကဝီၤလၢစီၤယၤကိာ်ပှ့ၤန့ၢ်ဝဲလၢစ့ ညၣ်အဘ့ၣ်တကယၤလၢစီၤၡက့ၣ်အပၢ်, စီၤဃမိၢ်အဖိခွါတဖၣ်အစုပူၤန့ၣ်လီၤ. ဟီၣ်ခိၣ်အံၤကဲထီၣ်ဝဲ တၢ်န့ၢ်သါလၢစီၤယိၤသးအဖိတဖၣ်အဂီၢ်န့ၣ်လီၤ.