စံးထီၣ်ပတြၢၤ 60:5 - Sgaw Karen Common Bible

⁵ ဒ်သိးပှၤလၢနအဲၣ်အီၤတဖၣ်ကပူၤဖျဲးအဂီၢ်န့ၣ်, ဟ့ၣ်တၢ်မၤနၢၤလၢနစုထွဲဒီးစံးဆၢလၢ်ပှၤတက့ၢ်.

စံးထီၣ်ပတြၢၤ 60:5 Iomraidhean Croise

စံးထီၣ်ပတြၢၤ 127:2

သုဂဲၤဆၢထၢၣ်ဂီၤဂီၤ, သုကီၤမံဃဲးဃဲး, သုအီၣ်တၢ်သူၣ်ကိၢ်သးဂီၤအကိၣ်န့ၣ် မ့ၢ်တၢ်ကလီကလီလီၤ. အဂ့ၢ်ဒ်အံၤ, ပှၤလၢယွၤအဲၣ်အီၤတဖၣ်န့ၣ် ယွၤဟ့ၣ်အီၤလၢအမံဝဲဒ်န့ၣ်အသိးလီၤ.

စံးထီၣ်ပတြၢၤ 17:7

ပာ်ဖျါထီၣ်နတၢ်အဲၣ်လီၤလးဒီးမၤပူၤမၤဖျဲးယၤတက့ၢ်. တၢ်ပူၤဖျဲးဒီးဒုၣ်ဒါ, အိၣ်ဝဲလၢနစုထွဲန့ၣ်လီၤ.

စံးထီၣ်ပတြၢၤ 18:35

ယွၤဧၢ, နဟ့ၣ်ယၤလၢနတၢ်အုၣ်က့ၤခီၣ်က့ၤအကတီၤ, နစုထွဲဒုးအိၣ်ဂၢၢ်ဆိးကျၢၤယၤ, ဒီးနတၢ်မၤစၢၤဒုးမ့ၢ်ယၤလၢပှၤအဒိၣ်လီၤ.

စံးထီၣ်ပတြၢၤ 20:6

ဒီးခဲအံၤယသ့ၣ်ညါလၢယွၤဟ့ၣ်လီၤတၢ်မၤနၢၤ လၢအပှၤဒိးဖှူအသး, စံးဆၢအီၤလၢအမူခိၣ်စီဆှံ ဒီးဟ့ၣ်အီၤ တၢ်မၤနၢၤဖးဒိၣ်တဖၣ်လၢအစုထွဲန့ၣ်လီၤ.

စံးထီၣ်ပတြၢၤ 22:8

အဝဲသ့ၣ်စံးဝဲ, “နသန့ၤနသးလၢယွၤလီၤ. ဘၣ်မနုၤလၢအဝဲတမၤပူၤဖျဲးနၤလဲၣ်. ယွၤမ့ၢ်ဘၣ်သူၣ်ဘၣ်သးလၢနၤဒီး ဘၣ်မနုၤလၢအဝဲတမၤစၢၤနၤန့ၣ်လဲၣ်.”

စံးထီၣ်ပတြၢၤ 60:12

ကစၢ်ယွၤမ့ၢ်အိၣ်ဒီးပှၤဒီးပကမၤနၢၤတၢ်, အဝဲကမၤနၢၤပဒုၣ်ပဒါတဖၣ်န့ၣ်လီၤ.

စံးထီၣ်ပတြၢၤ 71:20

နမ့ၢ်ပှၤလၢအဒုးထံၣ်တ့ၢ်လံယၤလၢ တၢ်ကိၢ်တၢ်ဂီၤအဒိၣ် ဘၣ်ဆၣ်နကမၤဆူၣ်ထီၣ်ကဒီးယၤလီၤ. လၢဟီၣ်ခိၣ်အတၢ်ယိာ်တဖၣ်အပူၤန့ၣ် နကဒုးဟဲက့ၤထီၣ်ကဒီးယၤလီၤ.

စံးထီၣ်ပတြၢၤ 74:11

ဘၣ်မနုၤလၢနထုးက့ၤနစုန့ၣ်လဲၣ်. ဘၣ်မနုၤလၢနပၢၤဃာ်နစုထွဲလၢ လီၢ်ခံန့ၣ်လဲၣ်.

စံးထီၣ်ပတြၢၤ 75:9

ဘၣ်ဆၣ်ယကသူၣ်ခုသးခုထီဘိ, ယကသးဝံၣ်စံးထီၣ်ပတြၢၤ စီၤယၤကိာ်အကစၢ်ယွၤန့ၣ်လီၤ.

လံာ်တၢ်ဟးထီၣ်ကွံာ် 15:6

ယွၤဧၢ, နစုထွဲလီၤလးမးလၢတၢ်စိကမီၤအပူၤလီၤ. မၤဟးဂီၤဒုၣ်ဒါတဖၣ်တုၤအလီၤသဘှံးလီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 51:17

ဝ့ၢ်ယရူၤၡလ့ၣ်ဧၢ, ဖုသံနီၣ်ထီၣ်တက့ၢ်. ထိၣ်ဂဲၤထီၣ်နသးဒီးဆၢထၢၣ်တက့ၢ်. နအီတ့ၢ်တၢ်စံၣ်ညီၣ်အလီခီလၢယွၤ, လၢအတၢ်သးထီၣ်အပူၤ, ဟ့ၣ်နၤလၢနကအီအဂီၢ်လံ. နအီလၢာ်ကွံာ်အီၤဒီးဒုးလဲၤနၤကနူၤနူၤကပၤပၤလီၤ.

လံာ်ယံးရမံယၤ 11:15

ယွၤစံးဝဲဒၣ်, “ပှၤဂီၢ်မုၢ်လၢယအဲၣ်အီၤမၤတၢ်အၢတၢ်သီတဖၣ်လီၤ. တၢ်ခွဲးတၢ်ယာ်မနုၤအိၣ်ဒီးအဝဲသ့ၣ်လၢကအိၣ်လၢယတၢ် လုၢ်ဟံၣ်ပူၤအဂီၢ်န့ၣ်လဲၣ်. ခီဖျိအဝဲသ့ၣ်မၤတၢ်အၢၣ်လီၤတဖၣ် ဒီးလုၢ်ထီၣ်ပာ်ထီၣ်ဆၣ်ဖိကီၢ်ဖိတၢ်လုၢ်တၢ်ပာ်တဖၣ်အဃိန့ၣ်, မ့ၢ်အဝဲသ့ၣ်ဆိကမိၣ်ဝဲလၢတြီတၢ်တတၢးတနါတဖၣ်ကသ့န့ၣ်ဧါ. တၢ်န့ၣ်မ့ၢ်ကမၤသူၣ်ဖှံသးညီအဝဲသ့ၣ်ဧါ.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်သိၣ်လီၤသီလီၤတၢ် 33:12

ဘၣ်ဃးဒီးဘံၣ်ယၤမံၣ်အဒူၣ်အဂ့ၢ်န့ၣ်အဝဲစံးဝဲ, “အအံၤမ့ၢ်ဒူၣ်လၢယွၤအဲၣ်အီၤဒီးဒီဒၣ်အိၣ်ပှိၤအီၤန့ၣ်လီၤ. အဝဲအိၣ်ခိးကဟုကယာ်အဝဲသ့ၣ်ကိးဆၢကိးကတီၢ်ဒဲး, ဒီးအဝဲအိၣ်ဝဲဆိးဝဲလၢအဝဲသ့ၣ်အကျါန့ၣ်လီၤ.”

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.