စံးထီၣ်ပတြၢၤ 60:12 - Sgaw Karen Common Bible

¹² ကစၢ်ယွၤမ့ၢ်အိၣ်ဒီးပှၤဒီးပကမၤနၢၤတၢ်, အဝဲကမၤနၢၤပဒုၣ်ပဒါတဖၣ်န့ၣ်လီၤ.

စံးထီၣ်ပတြၢၤ 60:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:12

အိၣ်ဒီးတၢ်ဂံၢ်ဆူၣ်ဘါဆူၣ်ဒီးတၢ်သူၣ်ဒူသးဒူတက့ၢ်. မ်ပဒုးတၢ်ဆူၣ်ဆူၣ်လၢပပှၤဂီၢ်မုၢ်အဂီၢ်ဒီးလၢပကစၢ်ယွၤ အဝ့ၢ်တဖၣ်အဂီၢ်န့ၣ်တက့ၢ်. ဒီးမ်တၢ်ဘၣ်ယွၤအသးလၢထီၣ်ပှဲၤထီၣ်ဝဲန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 19:13

ပာ်ဆူၣ်နသးဒီးအိၣ်ဒီးတၢ်သူၣ်ဒူသးဒူတက့ၢ်. မ်ပကဒုးသကိးတၢ်ဆူၣ်ဆူၣ်လၢပပှၤဂီၢ်မုၢ်အဂီၢ်ဒီးလၢပကစၢ်ယွၤ အဝ့ၢ်တဖၣ်အဂီၢ်န့ၣ်တက့ၢ်. ဒီးမ်တၢ်ကမၤအသးဒ်ယွၤအတၢ်ဘၣ်အသးတက့ၢ်.”

စံးထီၣ်ပတြၢၤ 118:16

အတၢ်စိတၢ်ကမီၤဟဲစိာ်န့ၢ်ပှၤတၢ်မၤနၢၤ, အစိအကမီၤဖးဒိၣ်လၢတၢ်ဒုးတၢ်ယၤအပူၤလီၤ.”

စံးထီၣ်ပတြၢၤ 144:1

ယွၤ, ယလၢၢ်ယလ့, ပှၤလၢအသိၣ်လိယစုလၢတၢ်ဒုးအဂီၢ်, ဒီးယစုမုၢ်စုနၢတဖၣ်လၢ တၢ်ဒုးသုးအဂီၢ်တဂၤန့ၣ်, မ်အဘၣ်တၢ်စံးထီၣ်ပတြၢၤအီၤတက့ၢ်.

စံးထီၣ်ပတြၢၤ 44:10

နဒုးဃ့ၢ်ကွံာ်ပှၤလၢပဒုၣ်ပဒါသ့ၣ်တဖၣ်အမဲာ်ညါ ဒီးတၢ်လၢအမ့ၢ်ပတၢ်သ့ၣ်တဖၣ်န့ၣ် အဝဲသ့ၣ်ဟံးန့ၢ်ကွံာ်လၢအဂီၢ်န့ၣ်လီၤ.

စံးထီၣ်ပတြၢၤ 44:5

ဒီးလၢနတၢ်စိတၢ်ကမီၤန့ၣ်, ပမၤနၢၤပဒုၣ်ပဒါတဖၣ်န့ၣ်လီၤ.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 63:3

ယွၤစံးဆၢဝဲဒၣ်, “ယယီၢ်တံၢ်တ့ၢ်ပှၤကလုာ်တဖၣ်ဒ်စပံးသၣ် တဖၣ်အသိး, ဒီးပှၤတဟဲမၤစၢၤယၤနီတဂၤဘၣ်. ယယီၢ်တံၢ်တ့ၢ်အဝဲသ့ၣ်လၢယတၢ်သးထီၣ်အပူၤဒီးအဝဲသ့ၣ် အသွံၣ်မၤဘၣ်အၢတ့ၢ်ယကူယကၤလီၤ.

လံာ်စကၤရယၤ 10:5

ကီၢ်ယူဒၤအပှၤဂီၢ်မုၢ်ကမၤနၢၤတၢ်ဒ်ပှၤ သုးဖိတဖၣ်လၢယီၢ်တံၢ်လီၤအဒုၣ်အဒါတဖၣ် လၢကျဲဘိတဖၣ်အကပံၢ်အကျါအသိးန့ၣ်လီၤ. အဝဲသ့ၣ်ကဒုးတၢ်မ့ၢ်လၢကစၢ်ယွၤအိၣ်ဒီးအဝဲသ့ၣ်အဃိဒီးအဝဲ သ့ၣ်ကမၤနၢၤဒၣ်လဲာ်ဒုၣ်ဒါအပှၤဒိးကသ့ၣ်တဖၣ်န့ၣ်လီၤ.

လံာ်မၤလကံ 4:3

မုၢ်တနံၤလၢယမၤတၢ်န့ၣ်, သုကမၤနၢၤကွံာ်ပှၤတတီတလိၤ, ဒီးအဝဲသ့ၣ်ကလီၤဂာ်ဒ်ဖၣ်ဆါလၢသုခီၣ်အဖီလာ်အသိးန့ၣ်လီၤ.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 14:12

လၢတၢ်န့ၣ်အဃိ, အခဲအံၤဟ့ၣ်လီၤယၤလၢကစၢၢ်န့ၣ်လၢယွၤအၢၣ်လီၤတ့ၢ်ယၤတနံၤဃီ ဖဲယၤဒီးယပှၤတဖၣ်ပပာ်ဖျါက့ၤတၢ်ဂ့ၢ်န့ၣ်တက့ၢ်. ပစံးဘၣ်တ့ၢ်သုလၢပှၤ အနီၢ်ဒိၣ်လၢအဘၣ်တၢ်ကိးအီၤလၢပှၤဧနးဖိတဖၣ်အိၣ် ဖဲန့ၣ်လၢဝ့ၢ်တဖၣ်လၢအအိၣ်ဒီးအခိၣ်ဒူဖးဒိၣ်အပူၤန့ၣ်လီၤ. ယွၤမ့ၢ်အိၣ်ဒီးယၤဒီးယကဟီထီၣ်ကွံာ်အဝဲသ့ၣ်ဒ်ယွၤစံးဘၣ်တ့ၢ်အသိးန့ၣ်လီၤ.”

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.