စံးထီၣ်ပတြၢၤ 60:1 - Sgaw Karen Common Bible

¹ ကစၢ်ယွၤဧၢ, နညိကွံာ်တ့ၢ်လံပှၤလံ. နမၤလီၤမုၢ်လီၤဖးလံပှၤလံ. နသးထီၣ်တ့ၢ်လံ. ဘၣ်ဆၣ်ခဲအံၤ ဃၣ်က့ၤနသးဆူပအိၣ်တက့ၢ်.

စံးထီၣ်ပတြၢၤ 60:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:16

စီၤပၤစီၤဟးဒးဧ့စ့ၢ်မၢပှၤကိးန့ၢ်အီၤပှၤစူၤရံဖိတဖၣ် လၢအအိၣ်လၢထံကျိဖရၤသးအမုၢ်ထီၣ်, ဒီးအဝဲသ့ၣ်ဟဲဝဲ ဆူဝ့ၢ်ဃ့လၣ်, ဆူစီၤၡိဘၤလၢအမ့ၢ်စီၤပၤစီၤဟးဒးဧ့စ့ၢ် အသုးခိၣ်ကျၢၢ်လၢဝ့ၢ်စိဘၤ, အတၢ်ပၢဆှၢအဖီလာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:20

လၢတၢ်န့ၣ်အဃိ, စီၤဒၤဝံးလဲၤဝဲဆူဝ့ၢ်ဘဧၤလးပရၤစံၣ်ဒီး ဖဲန့ၣ်အဝဲမၤနၢၤကွံာ်ပှၤဖလ့ၡသးဖိတဖၣ်န့ၣ်လီၤ. အဝဲစံးဝဲဒၣ်, “ယွၤမၤဟးဂီၤကွံာ်ယဒုၣ်ယဒါတဖၣ်ဒ်ထံလုၣ်ဘၢတၢ်အသိးန့ၣ်လီၤ.” ဒီးလၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢဘဧၤလး ပရၤစံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:14

အဝဲဆီထီၣ်တၢ်ဒုးတၢ်ယၤအသူၣ်ဒဲအလီၢ်တဖၣ်သကုၤကီၢ်အဒိၣ်ဒီး ပှၤဂီၢ်မုၢ်ဖဲန့ၣ်တဖၣ်ကဲထီၣ်ပှၤလၢအဝဲပၢဘၣ်အီၤန့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:3

အန့ၣ်ဝံၤဒီးအဝဲမၤနၢၤကွံာ်ပှၤစူၤရံဖိအစီၤပၤလၢကီၢ်ဆၣ်စိဘၤ, စီၤရဃိာ်အဖိခွါစီၤဟးဒးဧ့စ့ၢ်, ဖဲစီၤဟးဒးဧ့စ့ၢ်လဲၤ တၢ်လၢကျဲအဖၢမုၢ်ဒ်သိးအကလဲၤမၤန့ၢ်က့ၤအတၢ်ပၢၤဘၣ်လီၢ်ကဝီၤ လၢထံကျိဖရၤသးအထးခီအဂီၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:7

စီၤအမၤစယါမၤသံကွံာ်ပှၤအဒိၣ်အသုးဖိအဂၤတကလးလၢအံသၣ်တၢ် တြီၤပူၤန့ၣ်လီၤ. အဝဲမၤန့ၢ်ကွံာ်ဝ့ၢ်စ့လၤလၢတၢ်ဒုးအပူၤ, ဒီးကိးအီၤလၢယိးကသ့ၣ်လး, ဒီးမံၤအံၤအိၣ်ဝဲတုၤမုၢ်မဆါတနံၤအံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:3

မၤကဒီးစီၤဒၤဝံးဒုးကီၢ်စူၤရံအကီၢ်ဆၣ်စိဘၤအစီၤပၤဟး ဒၢ်ဧ့စ့ၢ်, ဘူးဒီးဝ့ၢ်ဃမါသး, မ့ၢ်လၢစီၤပၤဟးဒၢ်ဧ့စ့ၢ်ဂုာ်ကျဲးစၢး လၢကမၤန့ၢ်တၢ်လီၢ်ဖဲထံကျိဖရၤသးအထးခီလၢကပၢဘၣ်ဝဲအဂီၢ် အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:11

စီၤအမၤစယါပာ်ဆူၣ်ထီၣ်က့ၤအတၢ်သူၣ်ဒူသးဒူဒီးဆှၢဃီၤအသုး မုၢ်ဆူကစၢၢ်ကဆူးအံသၣ်န့ၣ်လီၤ. ဖဲန့ၣ်အဝဲသ့ၣ်ဒုးတၢ်ဒီးမၤသံကွံာ်ပှၤအဒိၣ်သုးဖိတကလး ဂၤ,

စံးထီၣ်ပတြၢၤ 108:11

မ့ၢ်နညိကွံာ်တ့ၢ်လံပှၤနီၢ်နီၢ်ဧါ. မ့ၢ်နတဟးထီၣ်ဒီး လဲၤဒုးတၢ်ဒီး ပသုးမုၢ်တဖၣ်န့ၣ်ဘၣ်ဧါ.

စံးထီၣ်ပတြၢၤ 44:9

ဘၣ်ဆၣ်ခဲအံၤနညိကွံာ်ပှၤဒီး ပျဲပဘၣ်တၢ်မၤနၢၤတ့ၢ်ပှၤန့ၣ်လီၤ. နတလဲၤတၢ်ဒီးပပှၤသုးမုၢ်သံၣ်ဘိ သ့ၣ်တဖၣ်န့ၣ်လၢၤဘၣ်.

စံးထီၣ်ပတြၢၤ 59:1

ကစၢ်ယွၤဧၢ, မၤပူၤဖျဲးယၤလၢယဒုၣ်ယဒါတဖၣ်န့ၣ်တက့ၢ်. ကဟုဘံၣ်ကယာ်ဘၢယၤလၢပှၤလၢ အဂဲၤဆၢထၢၣ်ထီဒါယၤတဖၣ်န့ၣ်တက့ၢ်.

စံးထီၣ်ပတြၢၤ 59:11

မၤသံအဝဲသ့ၣ်တဂ့ၤ, ကစၢ်ယွၤဧၢ, မ့တမ့ၢ်ဘၣ်န့ၣ် ယပှၤဂီၢ်မုၢ်ကသးပ့ၤနီၣ်ဘၣ်ဖုးတၢ်လီၤ. ယွၤလၢအမ့ၢ်ပကတီၤတဘ့ၣ်ဧၢ, လၢနဂံၢ်နဘါန့ၣ် မၤလီၤပြံလီၤပြါအီၤဒီး မၤနၢၤကွံာ်အဝဲသ့ၣ်တက့ၢ်.

စံးထီၣ်ပတြၢၤ 60:10

မ့ၢ်နညိကွံာ်ပှၤနီၢ်နီၢ်လံဧါ. မ့ၢ်နတလဲၤထီၣ်ဒုးတၢ်ဒီး ပသုးမုၢ်တဖၣ်ဘၣ်ဧါ.

စံးထီၣ်ပတြၢၤ 74:1

ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

စံးထီၣ်ပတြၢၤ 79:9

တၢ်အုၣ်က့ၤခီၣ်က့ၤပှၤကစၢ်ယွၤဧၢ, မၤစၢၤပှၤ, လၢနမံၤအလၤကပီၤအဃိန့ၣ်တက့ၢ်. မၤပူၤမၤဖျဲးပှၤဒီးပျၢ်လၢ်ကွံာ်ပတၢ်ဒဲးဘး တဖၣ်န့ၣ်တက့ၢ်.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 80:3

ကစၢ်ယွၤဧၢ, ဒုးဟဲက့ၤပှၤ, ဒုးနဲၣ်ပှၤလၢနတၢ်သးကညီၤ, ဒီးပကဘၣ်တၢ်အုၣ်က့ၤခီၣ်က့ၤပှၤလီၤ.

စံးထီၣ်ပတြၢၤ 85:4

တၢ်အုၣ်က့ၤခီၣ်က့ၤပှၤကစၢ်ယွၤဧၢ, ဒုးက့ၤကဒါက့ၤပှၤဆူ ပအိၣ်ပဆိးအလီၢ် ဆိကတီၢ်နတၢ်သးထီၣ်ပှၤန့ၣ်တက့ၢ်.

စံးထီၣ်ပတြၢၤ 89:19

လၢပျၢၤ, နကတိၤတၢ်ဒီးနပှၤတီပှၤလိၤတဖၣ်လၢ တၢ်ထံၣ်လၢညါခီအပူၤ, ဒီးနစံး, “ယဟ့ၣ်လီၤလံပှၤသုးဖိ မံၤဟူသၣ်ဖျါတဂၤလၢ တၢ်မၤစၢၤ, ယဟ့ၣ်လီၤလံလီၢ်ပစိာ်ဆူပှၤတဂၤ လၢယဃုထၢအီၤလၢ ပှၤဂီၤမုၢ်အကျါလံ.

စံးထီၣ်ပတြၢၤ 89:3

နစံးတ့ၢ်နဲ, “ယမၤတ့ၢ်တၢ်အၢၣ်လီၤဒီးယပှၤဃုထၢဖိတဂၤ, ယဆိၣ်တၢ်ဒီးယခ့ယပှၤစီၤဒၤဝံးလၢ,

စံးထီၣ်ပတြၢၤ 89:38

ဘၣ်ဆၣ်, ခဲအံၤနသးထီၣ်ဘၣ်ပှၤလၢနဖှူအီၤ, နလဲၤသဒၣ်ဒီးညိကွံာ်လံအီၤလံ.

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

စံးထီၣ်ပတြၢၤ 90:13

နတၢ်သးထီၣ်ကယံာ်ဒံးဝဲဆံးယံာ်လဲၣ်. ယွၤဧၢ, သူၣ်ကညီၤသးကညီၤလၢ် နခ့နပှၤတဖၣ်န့ၣ်တက့ၢ်.

လံာ်စကၤရယၤ 10:6

“ယကဒုးဂံၢ်ဆူၣ်ဘါဆူၣ်ကီၢ်ယူဒၤအပှၤဂီၢ်မုၢ်, ယကမၤပူၤမၤဖျဲးကီၢ်အံၣ်စရ့လးအပှၤဂီၢ်မုၢ်လီၤ. ယကအိၣ်ဒီးတၢ်သးကညီၤဘၣ်အဝဲသ့ၣ်, ဒီးဟဲက့ၤစိာ်ကဒါက့ၤအဝဲသ့ၣ်ခဲလၢာ်ဆူဟံၣ်လီၤ. အဝဲသ့ၣ်ကမၤအသးဒ်ပှၤလၢယတညိကွံာ်တ့ၢ်ဘၣ်အီၤနီတဘျီအသိး န့ၣ်လီၤ. ယမ့ၢ်ယွၤ, အဝဲသ့ၣ်အကစၢ်ယွၤ, ယကစံးဆၢအဝဲသ့ၣ်အတၢ်ထုကဖၣ်တဖၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:11

ဘၣ်ဆၣ်ဒီးစီၤၡမူၤအ့လးစံးဝဲ, “နမၤတ့ၢ်တၢ်မနုၤလဲၣ်.” စီၤစီလူးစံးဆၢဝဲဒၣ်, “ပှၤဂီၢ်မုၢ်စးထီၣ်ဟးသဒၣ်ယၤဒီး ဒ်နစံးတ့ၢ်လၢနကဟဲန့ၣ်နတဟဲပၢၢ်ထီၣ်ဘၣ်. လၢန့ၣ်အမဲာ်ညါပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢဝ့ၢ်မံး ကမၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:17

ပှၤစိာ်တၢ်ကစီၣ်စံးဆၢဝဲ, “ပှၤအံၣ်စရ့လးဖိဃ့ၢ်ကွံာ်လၢပှၤဖလ့ၡသးဖိအအိၣ်လံ. မ့ၢ်တၢ်မၤနၢၤကွံာ်ပှၤလီၤပျံၤလီၤဖုးလီၤ. လၢန့ၣ်အမဲာ်ညါန့ၣ်နဖိခွါစီၤဃၤဖနံဒီးစီၤဖံနဃၣ်တဖၣ်ဘၣ် တၢ်မၤသံအီၤဒီးကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ် ဘၣ်တၢ်မၤန့ၢ်အီၤလံ.”